KO E SAAME 1
1
Ko e ‘Uluaki Puka
(Saame 1–41)
Ko e Fiefia ‘oku Mo‘oní
1MONŪ‘IA Ā, ka ko e tangata ko ē
Kuo ‘ikai fou ‘i he fakakaukau ‘a e faka‘otuamate,
Pe tu‘u ‘i he hala ‘o e kau faikovi,
Pe nofo ‘i he nofo‘anga ‘o ha‘a manuki:
2Ka ko e Lao ‘a Sihova ‘a ‘ene manako,
‘Io, ‘i he lao ‘o‘ona ‘oku ne fakalaulauloto ‘aho mo e pō.
3Te ne hangē ia ha ‘akau kuo tō ki he ngaahi manga‘i vai,#Sel 17.8
‘A ia ‘oku ne fua ‘i hono to‘ukai,
Ko hono lau foki ‘oku ‘ikai mae;
Pea neongo pe ko e hā ‘oku ne fai ‘oku ne monū‘ia pē.
4‘Oku ‘ikai ke pehē ‘a e faka‘otuamate, ‘oku ‘ikai;
Ka ‘oku nau hangē ko e kafukafu ‘oku vilingia ‘i he matangi.
5Ko hono ō ia ‘e ‘ikai tu‘u ‘a e faka‘otuamate ‘i he fakamaau,
Pe ko e kau faikovi ‘i he fakataha ‘o e faitotonu:
6He ‘oku tokanga‘i ‘e Sihova ‘a e hala ‘o si‘i faitotonu na,
Ka ko e hala ‘o e kau faikovi ‘e ‘auha.
Currently Selected:
KO E SAAME 1: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
