KO E SAAME 17
17
Ko e Lotu ‘a e Tokotaha Tonuhia
(Ko e Lotu ‘a Tēvita.)
1‘EIKI, ke ke ongo‘i ‘a e totonu, fofonga ki he‘eku tautapa;
He tala‘ehai ‘oku ‘alu atu mei he ngutu kākā.
2Ke ‘alu atu mei ho fofonga hoku fakamaau;
Ko ho ongo fo‘i fofonga na ‘oku na vakai ‘a e totonu.#17.2 ‘oku na… totonú; pe ke na vakai ‘a e totonu.
3Kuo ke ‘eke hoku loto;
Kuo ke ‘a‘ahi mai ‘i he pō;
Kuo ke sivi mai kae ‘ikai ‘ilo ha efe ‘iate au.
Kuo ai koā ha‘aku fakakaukau kovi?
‘E ‘ikai ‘alu atu ‘i hoku ngutu.#17.3 ‘E ‘ikai… ngutu; pe Kae ‘ikai ‘ilo ha fakakaukau kovi ‘iate au: ‘E ‘ikai fai hala ‘a hoku ngutu.
4Ka lau ki he tau‘aki tangata,
Ko e me‘a ‘i he ngaahi lea ‘a ho fofonga
Ko au Kuo u faka‘ehi‘ehi
Mei he ‘alunga ‘o e fakamālohi.
5Ko e ta‘ofi tu‘u ‘eku laka ki ho topuva‘e,
Ko e me‘a ia kuo ‘ikai humu ai ‘eku hā‘ele.
6Ko au Kuo u tautapa atu ki he ‘Afiona;
He ‘oku ke tali au, ‘e ‘Otua:
Ke ke ofe‘i ho fofonga kiate au,
‘O tokanga ki he‘eku lau.
7Fai ‘a e ngaahi ‘ofa ‘ilonga,
‘A koe ‘oku ke malu‘i ‘a e kau hūfanga
Mei he kau mākeke hake ki ho nima to‘omata‘u na.
8Ke ke tauhi au ‘o hangē ha tama‘imata
Fufū au ‘i he malu ‘o ho kapakau na.
9Koe‘uhi ko e kau kovi ‘oku laiki au,
‘A hoku ngaahi fili fīta‘a ‘oku ‘ākolo‘i au.
10Ko honau ngako ‘oku nau ‘opo ai;
Ko honau ngutu ‘oku lea fielahi.
11‘Oku mau laka ki hē; kuo ‘osi ‘enau kāpui mai:
‘Oku fakamama‘u ‘enau sio ke tulaki.
12Hangē tofu pē ha laione ‘oku holi ke haea,
Pe ha laione mui ‘oku tokotoaki ‘i he toitoi‘anga.
13Tu‘u hake mu‘a, ‘e Sihova,
Fakafetaulaki kiate ia:
Tulaki pē ‘ena
Fakahaofi ‘eku mo‘ui mei he kakai kovi ‘aki ho‘o heletā.#17.13 kakai… heletā; ‘Oku toe hiki: kakai kovi, ‘a ia ko ho‘o heletā. Pehē foki ‘i he laine ‘oku hoko: ‘a ia ko ho nima.
14‘Io, mei he kau siana na ‘aki ho nima, ‘Eiki,
Mei he kau siana fakaetaimi
‘Oku nau tofi‘a ‘aki ‘a e mo‘ui ni,
Pea ‘oku ke fakafonu honau mānava ‘aki ho‘o tokonaki,
‘Oku nau topono (tokua) ‘i he ma‘u fānau tangata,
Pea ‘oku nau tuku ki he‘enau tamaiki ‘enau toenga koloa.
15Ka ko au–ka u mamata mu‘a ki ho fofonga ‘i he mā‘oni‘oni:
Ka u topono mu‘a ‘i ha‘aku ‘ā hake ‘i ho‘o ha totonu mai.
Currently Selected:
KO E SAAME 17: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
