KO E SAAME 16
16
Ko e Lotu ‘Amanaki Lelei
(Ko ha Saame Koula ‘a Tēvita.)
1KE ke tauhi au, ‘e ‘Otua;
He Kuo u hūfanga ki he ‘Afiona.
2Kuo ke lea kia Sihova, ‘e hoku laumālie,#16.2 Kuó ke lea… laumālie; ‘Oku toe hiki ‘o pehē: Kuó u lea kia Sihova. “ ‘Oku maveuveu ‘a hono tolu ‘o e veesi.
“Ko hoku ‘Eiki koe;
‘Oku ‘ikai ha‘aku lelei ‘o mama‘o mo koe.”
3Na‘a ke pehē ki he kau mā‘oni‘oni ‘oku ‘i māmani,
“Ko ‘eni ia ‘a e kakai fungani,
Ko ‘eku manako ‘oku kātoa ki ai.”
4“Ko ‘enau mamahi ‘e fakautuutu
Kuo nau fetongi ‘aki ha fo‘ou,#16.4 Ko ‘enau… fo‘ou; ‘Oku ‘ikai ke mahino ‘a hono faka-Hepeluú.
‘E ‘ikai te u lilingi ‘a e kava toto‘ia ‘o ‘enau ngaahi feilaulau,
Pea ko honau ngaahi hingoa ‘e ‘ikai pu‘aki ‘e hoku loungutu.”
5Ko hoku ‘inasi ‘i he tofi‘a, mo e ‘inasi ‘o ‘eku ipu ‘a Sihova;
‘Oku ke pukepuke hoku koloa.
6Kuo falō kiate au ‘a e ngaahi afo ‘i he ngaahi potu ‘oku sai:
‘Io, ‘oku faka‘ofo‘ofa kiate au ‘a e tofi‘a ni.
7Te u fakafeta‘i kia Sihova ‘a ia kuo ne fale‘i kita:
Seuke, ‘i he ngaahi pō ‘oku ako mai hoku ngaahi kofuua.
8Kuo u ‘ai ‘a Sihova ‘i hoku ‘ao ma‘u pē;#Ngā 2.25-28
Ko e me‘a ‘i he‘ene ‘i hoku to‘omata‘u, ko ia ai ‘e ‘ikai te u ngaue.
9Ko ia kuo neka ai ‘a hoku loto,
Pea vīkiviki ‘a hoku ‘elelo;
Kae‘uma‘ā ‘e nofo falala foki ‘a hoku kakano.
10He tala‘ehai te ke li‘aki ‘a hoku laumālie ki Lolofonua;#Ngā 13.35
‘E ‘ikai te ke tuku ‘a ho‘o Pele ke sio ki he ‘auha.
11Te ke faka‘ilo kiate au ‘a e hala ki he mo‘ui na;
‘Oku fe‘ao mo koe ‘a e fonu fiefia;
Ko e ngaahi mālie ‘oku ‘i ho to‘omata‘u na, ‘o ta‘engata.
Currently Selected:
KO E SAAME 16: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
