KO E SAAME 148
148
Ko e Uki ‘o e ‘Ūnivēsí ke Fakahīkihiki‘i ‘a e ‘Otuá
1HALELU‘IA!
Fai mei langi na ‘a e fakamālō ‘o Sihova:
Fai hono fakamālō ‘i he ngaahi potu mā‘olunga.
2Fai hono fakamālō, ‘a e kau ‘āngelo ‘a‘ana:
Fai hono fakamālō, ‘ene hōsitē kotoa.
3Fai hono fakamālō, ‘a e la‘ā mo e māhina:
Fai hono fakamālō, ‘a e ngaahi fetu‘u ngingila:
4Fai hono fakamālō, ‘a e langi ‘o e ngaahi langi,
Mo si‘i vai na ‘oku heka mei he langi.#148.4 vai… langi; Vakai kia Sēn 1.6–7.
5Ke fakamālō‘ia ‘e kinautolu ‘a e huafa ‘o Sihova;
He na‘a ne fekau, pea na‘e ngaohi ia.
6Pea ne ‘ai ke nau tu‘u ma‘u ‘o lauikuonga pea ta‘engata:
Na‘a ne ‘ange hanau lao, pea hono maumau‘i ‘e ha taha.#148.6 Na‘a ne… taha; pe Na‘á ne fokotu‘u ‘i honau tu‘u‘anga takitaha ke ta‘engata, ‘aki ‘ene fekau ‘e tu‘u ai pē ‘o ta‘engata.
7‘Ē, fai mai ‘a māmani ‘a e fakamālō ‘o Sihova,
Fanga tanini ē, mo e ngaahi loloto na:
8‘a e afi mo e ‘uha maka, ‘a e sinou mo e ‘ahu;
‘A e matangi mālohi ‘oku fai ‘ene fekau.
9‘a e ngaahi mo‘unga, mo e potu mā‘olunga kotoa;
‘A e ‘akau fua mo e ngaahi sita:
10‘a e manu kaivao, mo e fa‘ahinga lalata;
‘A e manu totolo mo e manupuna.
11‘a e tu‘i ‘o e ngaahi fonua, mo e fa‘ahinga kakai;
‘A e hou‘eiki mo e kau fakamaau ‘o māmani:
12‘a e kau talavou, mo e finemui foki;
‘A e mātu‘a fakataha mo e tamaiki:
13Ke nau fakamālō‘ia ‘a e huafa ‘o e ‘Eiki;
He ko hono huafa pē ‘oku hākeaki‘i:
Ko ho‘ona lāngilangi pē ‘oku fotu ‘i he fonua mo e langi.
14Pea kuo ne hiki ha nifo ki he kakai ‘o‘ona,
Ko e lāngilangi ‘o ‘ene kakai lotu kotoa:
‘A ha‘a ‘Isileli, ko ha kakai ‘oku taka ofi ki he ‘Afiona,
HALELU‘IA!
Currently Selected:
KO E SAAME 148: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
