KO E SAAME 149
149
Ko e Himi Fakahīkihiki‘i ‘o e ‘Otuá
1HALELU‘IA! Hiva ki he ‘Eiki ‘aki ha hiva fo‘ou,
Fai hono fakamālō ‘i he fakataha ‘o ‘ene kau lotu.
2Ke fakafiefia ‘a ‘Isileli ‘i he ‘Afio na‘a ne ngaohi ia:
Ke tome‘e ‘a ha‘a Saione ‘i honau tu‘i na,
3Ke nau fakamālō‘ia hono huafa ‘i he me‘e:
Ke nau hiva kiate ia ‘i he tā lali mo e ha‘ape.
4He ‘oku mahu‘inga‘ia ‘a Sihova ‘i hono kakai;
Te ne ‘ai ke faka‘ofo‘ofa ‘a e kau kātaki#149.4 kau kātakí; pe kau tōkilaló. ‘aki ‘a e fakamo‘ui.
5‘E hākailangitau ‘a e kau lotu koe‘uhi ko e lāngilangi ko ia:
Te nau hiki mavava ‘i honau mohenga.
6Ko e fakahīkihiki‘i ‘o e ‘Otua ‘oku ‘i honau kia,
Mo e heletā fakatoumata ‘i honau nima.
7Ke fai sauni ki he Senitaile,
‘A e ngaahi tautea ki he ngaahi fa‘ahinga kehe.
8Ke ha‘i seini honau ngaahi tu‘i,
Mo honau hou‘eiki ‘aki ‘a e ‘aione kii‘i.
9Ke fakaai kiate kinautolu ‘a e tautea kuo tohia:
Ko e lāngilangi ia ‘o ‘ene kau lotu kotoa.
HALELU‘IA!
Currently Selected:
KO E SAAME 149: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
