KO E SAAME 146
146
Ko e Himi Fakahīkihiki‘i ‘o e ‘Otua ko e Fakamo‘ui
1HALELU‘IA!
Hoku laumālie, ke ke fakafeta‘i kia Sihova.
2Te u fakafeta‘i kia Sihova lolotonga ‘eku mo‘ui:
Te u tā ha‘ape ki hoku ‘Otua lolotonga ‘eku ‘i ai.
3‘Oua ‘e tu‘u ho‘omou falala kia hou‘eiki,
Ki ha hako‘i tangata ‘oku ‘ikai ai ha tokoni.
4‘Oku mole ‘ene mānava,
‘Oku ne foki ki hono kelekele;
Ko e ‘aho pē ko ia ko ‘ene ngaahi fakakaukau ‘oku mate.
5Monū‘ia ā ka ko ia ‘oku ne ma‘u ‘a e ‘Otua ‘o Sēkope mōno pāletu‘a,
‘Oku tu‘u ‘ene falala kia Sihova ko Sihova ko hono ‘Otua:
6‘a e ‘Afio na‘a ne ngaohi ‘a e langi mo e fonua,
‘A e tahi mo hono me‘a kotoa:#Ngā 4.24; 14.15
‘A e Tauhi-lea ‘o ta‘engata:
7‘a e Feia ‘o e fakamaau ‘o e fakamālohia;
‘A e Tufa-mā ki he fiekaia:
‘A Sihova Vete-ha‘isia.
8Ko Sihova ‘oku ne ngaohi ‘a e kui ke sio;
Ko Sihova ‘oku ne puke hake ‘a e mapelu ki lalo;
Ko Sihova ‘oku ne ‘ofa ki he kau mā‘oni‘oni;
9Ko Sihova ‘oku ne tauhi ‘a e kakai mei he fonua kehe;
‘Oku ne fokotu‘u ‘a e uitou mo e tamai mate;
Ka ko e ‘alunga ‘o e kau angahala ‘oku ne piko‘i.
10Ko Sihova te ne hau ‘o lauikuonga,
‘Io, ko ho ‘Otua, ‘e Saione, te ne hau ‘i he to‘utangata mo e to‘utangata.
HALELU‘IA!
Currently Selected:
KO E SAAME 146: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
