KO E SAAME 13
13
Ko e Lotu Kole Tokoni
(Ki he Pule ‘o e Hiva. Ko e Saame ‘a Tēvita.)
1‘EIKI, ‘e ngata ‘afē ho‘o fakangalo‘i au? ‘e fai ‘o ta‘engata?
‘E ngata ‘afē ho‘o hanga kehe meia kita?
2‘E ngata ‘afē ‘a e kumi fakakaukau ‘a hoku laumālie,
Kae fonu mamahi ‘a hoku loto ‘i he ‘aho kotoa pē?
Ko e fakapupula ‘a hoku ngaahi fili ‘e ngata ‘afē?
3Hanga mai, tali au, ‘Eiki ko hoku ‘Otua ē!
Fakamaama hoku mata na‘a ku mohe ‘i he mate.
4Na‘a pehē ‘e hoku fili, “Kuo u lava‘i ia.”
Hākahaka hoku kau fakamamahi ‘i hoku ue‘ia.
5Ka ko au Kuo u falala ki ho‘o meesi;
‘E fiefia hoku loto ‘i ho‘o fakamo‘ui.
6Ka u hiva mu‘a kia Sihova;
He kuo ne ‘ofa‘i kita.
Currently Selected:
KO E SAAME 13: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
