KO E SAAME 12
12
Ko e Lotu Kole Tokoni
(Ki he Pule ‘o e Hiva. Ma‘a e Laulalo. Ko e Saame ‘a Tēvita.)
1TOKONI mai, ‘Eiki, he kuo ‘autalua ‘a e faka‘otua:
Kuo mei ‘osi mei he hako‘i tangata ‘a e fa‘ahinga tōnunga.
2Ko e kākā ‘oku nau lea‘aki, ‘a e tangata mo hono kaungā‘api:
Ko e loungutu momole‘olunga mo e loto-lōua ‘oku nau fai‘aki.
3Ke faka‘auha mai ‘e he ‘Eiki ‘a e ngaahi loungutu momole‘olunga,
‘A e ‘elelo ‘oku lea fakamofutofuta:
4‘A ia ko ‘enau lea ‘oku fai,
“Ko homau ‘elelo te mau mālohi ai;
Te mau fa‘iteliha he fai‘aki homau loungutu:
Ko hai ‘a e ‘eiki kiate kimautolu?”
5“Koe‘uhi ko e tu‘utāmaki ‘o e fakamālohi,
Koe‘uhi ko e to‘e ‘a si‘i masiva,
Ko ia, te u toki tu‘u ai eni (ko Sihova ia ‘oku folofola mai);
Te u ‘ai ia ki he tu‘umālie ‘oku ne holi ki ai.”
6Ko e folofola ‘a Sihova ko e ngaahi lea ‘asinisini;
Ko e siliva kuo fakama‘a‘i he fōnise ‘i he kelekele, kuo tu‘o fitu hono sivi.
7Ko koe te ke fakalekesi kinautolu, ‘e Sihova,
Te ke tauhi kinautolu mei he to‘utangata ni ‘o ta‘engata.
8‘Oku takanoa ‘a e kakai hia
‘O ka hākeaki‘i ‘i he kakai ‘a e koto fakalielia.
Currently Selected:
KO E SAAME 12: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
