KO E SAAME 14
14
Ko e Faikovi ‘a e Fa‘ahinga ‘o e Tangatá
(Ki he Pule ‘o e Hiva. Ko e me‘a ‘a Tēvita.)
1KUO pehē ‘e he vale ‘i hono loto,#Lom 3.10-12 “Oku ‘ikai ha ‘Otua.”
Kuo nau fakaka‘anga, kuo nau fakalielia‘i ‘enau ngaahi tō‘onga;
‘Oku ‘ikai ha fai lelei ‘e toko taha.
2Ne ‘afio hifo mei langi ‘a Sihova ki he hako‘i tangata,
Ke vakai pe ‘oku fakapotopoto ha taha,
Pe ai ha taha ‘oku kumi ki he ‘Otua.
3Kuo nau afe kotoa,
Kuo nau hoko ko e koto fakalielia;
‘Oku ‘ikai ha taha ‘oku failelei, ‘oku ‘ikai ‘aupito ha taha.
4‘Oku ‘ikai ha‘anau ‘ilo koā, ‘a e kau faikovi?
‘A kinautolu ‘oku keina hoku kakai ‘o hangē ha kai me‘akai,
Ka ko Sihova ‘oku ‘ikai te nau lotu ki ai.
5‘I he potu ko ia na‘a nau mo‘umanavahēa;
He ‘oku lotolotoi ‘i ha‘a faitotonu ‘a e ‘Otua.
6Te mou fakamaa‘i nai ‘a e fakakaukau ‘a si‘i ngaohikovia,
Ka ko Sihova ai pē hono hūfanga.
7Taumaiā ke ‘omi mei Saione ‘a e fakamo‘ui ‘o ‘Isileli!
Ka fakafoki ‘e Sihova ‘a e pōpula ‘o hono kakai,
Toki hākahaka ai ‘a Sēkope; toki nēkeneka ai ‘a ‘Isileli.
Currently Selected:
KO E SAAME 14: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
