KO E SAAME 11
11
Ko e Falala kia Sihova
(Ki he Pule ‘o e Hiva. Ko e me‘a ‘a Tēvita.)
1Kuo u ma‘u hūfanga ‘i he ‘Eiki:
Fēfē ho‘omou lau ki he‘eku mo‘ui,
“Hola ki homou mo‘unga, ‘a e fanga misi:#11.1 ‘a e fanga misi; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: [ki mo‘unga] ‘o hangē ha manupuná.
2He vakai ko e angakovi ‘oku nau teke kaufana,
Kuo nau faka‘ata ‘enau ngahau ‘i he uka,
Ke fana po‘uli ki he loto-totonua.
3Ka tulaki ‘a e ngaahi pou,
Ko e hā ‘e fai ‘e he angatonu?”
4Ko Sihova ‘i hono Temipale tapu na,
Ko Sihova ‘oku ‘i langi ‘i hono ‘afio‘anga;
‘Oku vakai‘i ‘e hono fo‘i fofonga,
‘Oku sivi ‘e hono lau‘i fofonga ‘a e hako‘i tangata.
5‘Oku sivi ‘e Sihova ‘a e mā‘oni‘oni:
Ka ko e angakovi, mo e ‘ofa ki he fakamālohi,
‘Oku fehi‘a ki ai ‘ene mo‘ui.
6Ke ne faka‘uha mu‘a ki he angakovi ‘a e malala‘i afi#11.6 Ke ne… malala‘i afi; Ko hono fakalea ia he hiki fuoloa ‘e taha, ka ‘oku hiki ‘e he ni‘ihi: Ke ne faka‘uha mu‘a ki he angakoví ‘a e ngaahi tauhele.
Ko e ‘inasi ‘o ‘enau ipu ko e matangi vela.
7He ko e faitotonu ‘a Sihova;
Ko e me‘a totonu ‘oku ne manakoa:
Ko e angatonu te nau mātā hono fofonga.#11.7 Ko e hiki he Sepituakiní: ‘Oku vakai‘i ‘a e angatonú ‘e hono fofongá.
Currently Selected:
KO E SAAME 11: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
