KO E SAAME Ko e Talateu
Ko e Talateu
Ko e Tohi ‘o e Ngaahi Sāmé, ko e tohi himi ia ‘o e Tohitapú. Na‘e fa‘u ‘e ha kau fa‘u ta‘anga kehekehe ‘i ha vaha‘a fuoloa, pea ko e ngaahi himi mo e ngaahi lotu ko ‘ení na‘e tānaki ia ‘o ngāue‘aki ‘e he kakai ‘Isilelí ‘i he‘enau ngaahi ma‘unga kelesí, pea faifai pea fakahū ia ki he‘enau Tohitapú.
Ko e ngaahi ta‘anga fakalotu ko ‘ení ‘oku kehekehe: ‘oku ‘i ai ‘a e ngaahi himi fakafeta‘i mo fakahīkihiki ki he ‘Otuá; ko e ngaahi lotu kole tokoni, mo e malu‘i, mo e fakamo‘ui; ngaahi kole fakamolemole; ngaahi hiva fakafeta‘i koe‘uhí ko e ngaahi tāpuki ‘a e ‘Otuá; mo e ngaahi kole ke tautea ‘a e ngaahi fili. Ko e ngaahi lotu ko ‘ení ‘oku ‘i ai e fakafo‘ituitui pea toe fakafonua; ko e ni‘ihi ‘oku fakamahino mai ai ‘a e ngaahi ongo‘i mo‘oni fakaeloto ‘a ha fo‘i tokotaha, kae fakafofonga‘i ‘e he ni‘ihi ‘a e ngaahi fiema‘u mo e ngaahi ongo ‘a e kakai ‘a e ‘Otuá fakakātoa.
Na‘e ngāue‘aki ‘e Sīsū ‘a e Ngaahi Saame, pea kumi fakamo‘oni ai ‘a e kau fa‘u tohi ‘o e Fuakava Fo‘oú, ‘o hoko ai ia ko e tohi fakakoloa ki ke ngaahi ma‘unga kelesi ‘a e Siasi faka-Kalisitiané mei hono kamata‘angá.
Ko e Kakano ‘o e Tohí
Ko e Ngaahi Saame ‘e 150 ‘oku vahevahe ki he vahe lalahi ‘e nima, pe “Puka,” ‘o hangē ko ‘ení:
Saame (1—41)
Saame (42—72)
Saame (73—89)
Saame (90—106)
Saame (107—150)
Currently Selected:
KO E SAAME Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.