PALŌVEPI 21
21
1KO E koto vaitaki ‘a e loto ‘o e tu‘i he ala ki ai ‘a Sihova:
‘Oku ne fakatafe ki he me‘a kotoa ‘oku ne finangalo ki ai.
2Ko e ‘alunga kotoa ‘o e tangata ‘oku totonu ‘i he vakai ‘a‘ana:
Ka ‘oku hanga ‘a Sihova ‘o fua ‘a e ngaahi loto.
3Ko e faitotonu mo e fakakonisitūtone,
‘Oku lelei hake ia kia Sihova ‘i he feilaulau.
4Ko e mata hihiki,
Mo e loto fielahi,
Na‘a mo e tū-vao ‘a e angahala ‘oku hala.
5Ko e ngaahi tu‘utu‘uni ‘a e fa‘a ngāue ‘oku iku pē ki he ma‘u ha me‘a:
Ka ko e fakavave kovi ko hono ō pē ko e masiva.
6Ko e ma‘u ha ngaahi fokotu‘unga koloa ‘aki ‘a e ‘elelo loi
Ko e muna hāhāmolofia ‘a e kau fie mate.#21.6 ‘Oku fihi.
7Ko e fakamālohi ‘a e kau angahala ‘oku ne ‘ave kinautolu:
He na‘a nau fakafisi ke fai fakakonisitūtone.
8‘Oku pikopiko ‘a e ‘alunga ‘o e tangata angahala‘ia:
Ka ko e ma‘a, ‘oku tonusika ‘ene fai anga.
9‘Oku ngutuhua ange ke te nofo ‘i ha tuliki ‘o ha tu‘a fale,
‘I he‘ete ‘apitanga mo e fefine fa‘a kē.
10Ko e loto ‘o e angahala ‘oku ne havala ki he kovi:
Na‘a mo hono kaungā‘api ‘e ‘ikai te ne mata mamae ki ai.
11Ka tautea ha tama kakae, ‘oku ma‘u poto ai ‘a e hehemangofua;
Pea ka ako‘i ha poto, ‘oku ne ma‘u ‘ilo ‘e ia.
12‘Oku ai ha toko taha Fai totonu ‘oku siofi ‘a e fale ‘o e angahala:
‘Oku ne fakatū‘ulu ‘a e angahala ki he kovi.
13Ko ia ‘oku ne tāpuni hono telinga ki he kole ‘a e masiva, ‘e tangi mo ia foki, kae ‘ikai ongo‘i ‘e ha taha.
14Ko e me‘a‘ofa ‘oku talalo hono ‘atu ‘oku ne tāmate‘i ‘a e ‘ita,
Pea ko e pa‘anga ‘oku ‘ai fufū ki he kona, ‘oku ne ta‘ofi ‘a e houhau lahi.
15Ko e me‘a fakafiefia ki he angatonu ke fai ki he konisitūtone:
Ka ko e me‘a fakatu‘utāmaki ia kiate ia ‘oku fai kovi.
16Ko ia ‘oku hē mei he hala ‘oku mahino te ne toki ma‘u hono mālōlō‘anga ‘i he fakataha ‘a ha‘a tano.
17Ko ia ‘oku ne manako ki he sō, te ne hoko ko e masiva:
Pea ko ia ‘oku manako ki he uaine mo e lolo, ‘e ‘ikai te ne koloa‘ia.
18‘E huhu‘i ‘a e tangata mā‘oni‘oni ‘aki ‘a e angahala:
Pea ko e kākā ‘e ‘ave, ‘o fetongi ‘aki ‘a e faitotonu.
19‘Oku ngutuhua ange ‘ete nofo ‘i ha potu lala,
‘I he‘ete nofo mo ha fefine fa‘a kē,
‘O kai mamahi.
20Ko e koloa mahu‘inga mo e lolo ‘oku ‘i he nofo‘anga ‘o e poto;
Kae folofua ia ‘e ha vale fu‘u.
21Ko ia ‘oku ne mamahi‘i ‘a e faitotonu mo e fai ‘ofa,
Ko e me‘a te ne ma‘u ko e mo‘ui mo e totonu mo e ongoongo.
22‘Oku kapa ‘e he poto ‘a e kolo ‘o ha‘a mafi,
‘O ne holoki ‘a e mālohinga na‘a nau falala ki ai.
23Ko ia ‘oku lama hono ngutu mo hono ‘elelo
‘Oku fakahaofi ‘ene mo‘ui mei ha ‘ū mamahi.
24‘Oku tau ‘ai ‘a e hingoa ko e kakae ki he tangata fakamofutofuta,
‘A e tangata fakapupula; ‘ene fai me‘a he ‘afungi ‘o ‘ene mofuta.
25Ko e havala ‘a e makau ko hono mate‘anga ia,
He ‘oku fakafisi hono nima ke ngāue.
26Ko Me‘a ‘oku ne holi mai ē he ‘aho kotoa pē;
Ka ko si‘i faitotonu ‘oku ne foaki pē ‘o ‘ikai ta‘ofi.
27Ko e feilaulau ‘ani angahala ‘oku fai ki ai ha fakalili‘a:
Kae huanoa ‘o kapau ‘oku ‘omi mo e fakakaukau kākā.
28Ko e fakamo‘oni ‘oku ‘atu ha koto loi, ‘e ‘auha:
Ka ko ia na‘a ne fanongo tonu, ‘oku ne lea ki he kaha‘u.
29Ko e tangata angahala ‘oku ne ‘ai ke hā mālohi hono fōtunga,
Ka ko e angatonu ‘oku ‘ai ‘e ia ke ma‘u hono ngaahi ‘alunga.
30‘Oku ‘ikai ha poto, pea ‘oku ‘ikai ha ‘ilo,
Pea ‘oku ‘ikai ha fakakaukau ‘e fai mo Sihova.
31‘Oku teu ha hoosi ki he ‘aho ‘o e tau:
Ka ko e tu‘umālie ‘oku meia Sihova ia.
Currently Selected:
PALŌVEPI 21: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
