PALŌVEPI 17
17
1‘OKU ngutuhua ange ha konga mā ‘oku hamu,
‘O kiki melino:
‘I he fale ‘oku fonu ‘i he fei‘umu kinamanu,
Kae kē.
2Ko e tamaio‘eiki poto te ne pule ki he foha fakatupu mā;
Pea te ne nofo mo e fāmili he tufa ‘o e tofi‘a.
3Ko e kulo ma‘a e siliva,
Pea ko e fōnise ma‘a e koula,
Ka ko e sivi loto ko Sihova ia.
4Ko e tangata kovi ia ‘oku fokotu‘u telinga ki he ngutu lau lea kovi:
Ko e koto kākā ia ‘oku fakafanongo ki he ‘elelo maumau.
5Ko ia ‘oku kata kakae ki he masiva,
‘Oku ne talakaa‘i ‘a e ‘Afio na‘a ne ngaohi ia:
Pea ko ia ‘oku fiefia ‘i he hoko mai ha tu‘utāmaki, ‘e ‘ikai ‘alu ta‘etautea.
6Ko e a‘ua‘u ‘a e makapuna ko e kalauni ‘o e mātu‘a:
Pea ko e lāngilangi ‘o e fānau ‘a ‘enau mātu‘a.
7‘Oku ‘ikai hoa mo e vale ‘a e lea fakamatāpule:
Kae huanoa ‘a e ta‘ehoa mo e ‘Eiki ‘a e lea loi.
8Ko e me‘a‘ofa ko e maka mana he vakai ‘a e tangata ‘oku ‘a‘ana:
‘Ilonga ha potu te ne hanga ki ai te ne tu‘umālie.#17.8 Ko e potu fihi ‘aupito ‘eni.
9‘Oku ‘ufi‘ufi angahala ‘e ia ‘oku ne mamahi‘i ‘a e fe‘ofo‘ofani;
Ka ko ia ‘oku ne toutou langaki ha me‘a, ‘oku ne lava ke veteki ‘a e kaume‘a fetohotohoi.
10Ko e valoki ‘o ha tangata poto ‘oku o‘o.
‘O lahi ‘i ha teau‘i loholoho ki ha vale.
11Ko e angatu‘u ‘oku ne kumi pē ki he kovi:
Ko ia, ‘e tuku atu ki ai ha talafekau ongongata‘a.
12‘Oku lelei ange ke te fetaulaki mo ha pea kuo mole hono ‘uhiki,
‘I he fetaulaki mo ha vale kuo hako ‘ene vale.
13Ko ia ‘oku ne totongi ‘a e lelei ‘aki ‘a e kovi, ‘e ‘ikai mahu‘i ‘a e kovi mei hono fale.
14Ko e kamata ‘o ha kē ‘oku hangē ko ‘ete foa ha punupunu ‘o ha fu‘u vai,
Ko ia, ke ke ‘atā mai koe ‘i he te‘eki ke a‘u ki he feina‘aki.
15Ko ia ‘oku ne fakatonuhia‘i ‘a e angahala,
Mo ia ‘oku ne fakahalaia‘i ‘a e faitotonu,
‘Oku fakalili‘a ‘a Sihova kiate kinaua ‘osi pē.
16Ko e hā ‘a e pa‘anga ‘i he nima ‘o e vale,
Ko ‘ene ‘alu ke fakatau ha poto ‘osi ‘oku ‘ikai hano ‘atamai?
17Ko e kaume‘a ‘oku ne ‘ofa ‘i he taimi kotoa pē;
Pea ko hoto mo‘oni na‘e fanau‘i ma‘a ha faingata‘a.
18Ko e tangata masiva ‘atamai ia ‘oku ‘atu hono nima,
‘O ne hoko ko e talifaki ki ha taha kehe.
19Ko ia ‘oku ne manako ki he kē ‘oku ne manako ki he angahala:
Pea ko ia ‘oku ne tangi ke matapā mā‘olunga,#17.19 tangi… mā‘olunga; pe fiehā‘aki ‘ene ma‘u koloá; pe fiehā ma‘u pē. ‘oku ne kumi ki he lusa.
20Ko e loto mamio ‘oku ‘ikai te ne ma‘u ha lelei;
Pea ko ia ‘oku piko‘i me‘a ‘aki hono ‘elelo, te ne tō ki he tu‘utāmaki.
21Ko ia ‘oku ne fakatupu ha sesele ko hono mamahi‘anga ia,
Pea ‘oku ‘ikai ha fiefia ‘a e tamai ‘a ha vale.
22Ko e loto fiefia ko e faito‘o lelei:
Ka ko e laumālie maumau ‘oku ne fakamaha ‘a e ivi.
23‘Oku tali ‘e he tangata kovi ‘a e pa‘anga ‘oku to‘o fufū mei he kona,
Ke le‘ei ‘a e ngaahi ‘alunga ‘o e fakamaau.
24Ko e tangata ‘atamai ‘oku ne siofi ‘a e poto:
Ka ko e mata ‘o e vale ‘oku ‘i he ngata‘anga ‘o māmani.
25Ko e tama vale ko e mamahi‘anga ‘o ‘ene tamai:
Pea ko e koto fifisi kiate ia na‘e fā‘ele‘i ia.
26Ka tautea foki ha faitotonu, ‘oku ‘ikai lelei;
Ke loholoho‘i ‘a e anga faka‘ei‘eiki koe‘uhi ko e me‘a ‘oku totonu.
27Ko ia ‘oku ne fakama‘uma‘u ‘ene lea ko e pōtopoto‘i ia:
Pea ko ia ‘oku lotoma‘u ko e ‘atamai mo‘oni ia.
28Na‘a mo e vale, ka fakalongo ‘oku lau ko e poto:
Ka tāpuni hono ngutu ‘oku tuku ko e tama ‘atamai.
Currently Selected:
PALŌVEPI 17: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
