PALŌVEPI 16
16
1KO hono teuteu ‘i he loto ‘oku ‘a e tangata:
Ka ko hono ‘atu ‘e he ‘elelo ‘oku meia Sihova ia.#16.1 Ka… ia; pe Ka ko Sihova ‘okú ne fakakakató.
2Ko e ‘alunga kotoa ‘o e tangata ‘oku tafesino‘ivai ‘i he‘ene vakai ‘a‘ana:
Ka ‘oku hanga ‘a Sihova, ‘o fua ‘a e ngaahi laumālie.
3Tekaki kia Sihova ‘a e ngaahi me‘a ‘oku ke fai:
Pea ‘e fakaai ho‘o ngaahi fakakaukau.
4Kuo ngaohi ‘e Sihova ‘a e me‘a kotoa pē ke hoa mo hono nafa.#16.4 ke hoa… nafá; pe ke hoa mo hono iku‘angá.
‘Io, ko e kau angahala foki ki he ‘aho ‘o e kovi.
5‘Oku fakalili‘a ‘a Sihova kiate kinautolu fua pē ‘oku loto ‘afungi:
Kuo mole ha taimi mo ha taimi kae ‘ikai ‘alu ta‘etautea.
6‘I he ‘ofa mo e fai tōnunga ‘oku ai ha fakamolemole ‘o e angahala:
Pea ‘i he ‘apasia kia Sihova ‘oku ai ha hao mei he kovi.
7Ka hōifua kia Sihova ‘a e ngaahi ‘alunga ‘o ha tangata:
Na‘a mo hono ngaahi fili ‘oku Ne#16.7 ‘okú Ne (Sihova); pe ‘okú ne (‘a e tangatá). ‘ai ke nau melino mo ia.
8‘Oku lelei ha ki‘i me‘a ‘oku ma‘u totonu:
‘I he hū mai ha fu‘u me‘a ta‘ehoa mo e konisitūtone.
9Ko e loto ‘o e tangata ‘oku ne sivi ‘a e hala te ne fou ai:
Ka ko Sihova ‘oku ne faka‘uli ‘ene ‘alu.
10Ko e me‘a ‘oku tō mei he fofonga ‘o e tu‘i ko e folofola:
Ka fai ‘e ia ha fakamaau, ‘oku ‘ikai totonu ke fakamanimo ha‘ana lea.
11Ko e me‘a fua puaka mo e me‘a fua lafalafa,
Kapau ‘oku na fai ki he lao ko e me‘a ‘a Sihova ia:
Ko e me‘a fakamamafa kotoa ‘i he kato ko ‘ene ngāue.
12Ko e me‘a ke fakalili‘a ki ai ‘a e ngaahi tu‘i#16.12 Ko e… tu‘i; pe Ko e me‘a ‘oku kātaki‘ingata‘a hono fai ‘e ha tu‘i. ko e angahala:
He ko e faitotonu ‘oku ma‘uma‘uluta ai ‘a e taloni.#16.12 ‘oku… taloní; pe ke hoa mo hono iku‘angá.
13Ko e mamana ‘o e ngaahi tu‘i ko e ngutu mā‘oni‘oni:
Pea ‘oku ‘ofeina ‘a ia ‘oku lea totonu.
14Ko e houhau ‘a e tu‘i ‘oku hangē ko e taufetuli mai ‘a e tala mate:
Ka ko e tangata poto te ne fakamokomoko ia.
15Ko e fofonga malimali mai ‘a e tu‘i ko e koto mo‘ui ia:
Pea ko ‘ene hōifua mai ‘oku hangē ko e tō ‘a e ‘ao fakalave ki he ta‘u.
16Ko e ma‘u mai ha poto, hono ‘ikai ngutuhua ange ia ‘i he ma‘u ha koula?
Pea ko e a‘usia ‘a e ‘ilo ko e me‘a ke te fili mu‘a ki ai ‘i he siliva?
17Ko e hala pule‘anga ‘o e kakai totonu ko e faka‘ehi‘ehi mei he kovi:
Ko ia ‘oku lama hono hala ‘oku ne malu‘i ‘ene mo‘ui.
18Ko e fie‘eiki ko e fakamelomelo ‘o e have‘i:
Pea ko e anga hiki ko e fakamelomelo ‘o e hinga.
19‘Oku ngutuhua ange ke te anga malū, ‘o nofo mo e kau mā‘ulalo,
‘I ha‘ate tufa vete ‘i he ha‘oha‘onga ‘o e kau fielahi.#16.19 ‘o e kau fielahí; pe ‘o ha‘a mā‘olungá.
20Ko ia ‘oku ne tokanga ki he folofola te ne ‘ilo ha lelei:
Pea ko ia ‘oku falala kia Sihova ko e toki monū‘ia ia.
21‘E ui ai pē ko e poto ‘a e tangata ‘oku ‘ilo me‘a ‘e hono ‘atamai:
Ka ‘oku toka‘i ‘a e me‘a ‘oku te ma‘u ko e lea lelei.
22Ko e ‘ilome‘a ko e fauniteni ‘o e mo‘ui kiate ia ‘oku ne ma‘u;
Ka ko e tautea ‘o e vale ko ‘enau vale.
23Ko e ‘atamai ‘o e poto ‘oku ne fakapoto hono ngutu:
Pea ko e me‘a ‘oku ne ma‘u ‘e a‘u ki hono loungutu.
24Ko e ngaahi lea ‘ofa koni honi tafe:
‘Oku melie ki he loto, pea ko e faito‘o ki hoto ngaahi hui.
25‘Oku ai ha hala ‘oku hā matamata totonu ki ha tangata,
Ka ‘oku tū‘ulu atu ki he ngaahi hala ‘oku fakatau ki he mate.#Pal 14.12
26Ko e fiekaia ‘a e tangata ngāue ‘oku tokoni ki he‘ene ngāue:
He ‘oku mateka atu ia ‘e hono ngutu.
27Ko e tangata faka-Pileali ‘oku ne keli ha kovi:
Pea hangē ‘oku ai ha afi kakaha ‘i hono loungutu.
28Ko e tangata makaka ‘oku ne humaki atu ni kē:
Pea ko e tama ‘ave lau te ne lava ke veteki ha kaume‘a fetohotohoi.
29Ko e tangata anga mālohi ‘oku ne taki hē hono kaungā‘api:
‘O ne ‘ave ia ‘i ha hala ‘oku ‘ikai lelei.
30Ka kakamo hono mata ko ‘ene fakakaukau ha kākā:
Ka lalamu hono ngutu kuo ne lava ha kovi.
31Ko e ‘uluhinā ko e kalauni matamatalelei
‘Oku ma‘u ‘i he hala ‘o e faitotonu.
32Ko ia ‘oku fakatotoka ki he ‘ita ‘oku lelei hake ‘i ha fu‘u mafi:
Pea ko ia ‘oku pule‘i hono loto ‘i ha taha ‘oku hamu ha kolo.
33‘Oku ‘ai ‘a e talotalo ki he kona:
Ka ko hono tonu ‘oku meia Sihova ‘ata‘atā.
Currently Selected:
PALŌVEPI 16: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
