NŌMIPA 7
7
Ko e Ngaahi Tukumo‘ui ‘a e Kau Takí
1PEA ko ‘eni ‘i he ‘aho na‘e faka‘osi ai ‘e Mōsese ‘a e fokotu‘u ‘o e Tāpanekale, pea kuo ne pani ia mo fakatāpui, ‘a ia mo hono nāunau kotoa, mo e ‘Ōlita mo hono nāunau kotoa, ‘io, kuo ne pani ia mo fakatāpui; 2pea na‘e toki ‘omi me‘a‘ofa ‘e he hou‘eiki ‘Isileli, ‘a e hou‘eiki ‘ulumotu‘a, ko e hou‘eiki ‘o e ngaahi matakali, ‘a kinautolu na‘e pule ki he kakai kuo lau. 3Pea na‘a nau ‘omi ‘enau kōpano ki he ‘ao ‘o Sihova, ko e sāliote fale ‘e ono, mo e pulumokau ‘e hongofulu mā ua; na‘e kau ha ‘eiki ‘e toko ua ‘i he ‘omi sāliote, ka na takitaha ha pulu; pea nau ‘omi ia ki he mata Tāpanekale. 4Pea folofola ‘a e ‘Eiki kia Mōsese, ‘o pehē, 5to‘o ‘enau me‘a, he ko e me‘a ia ke fai‘aki ‘a e ngāue ‘o e Tēniti Fe‘iloaki‘anga; pea te ke ‘atu ia ki he kau Līvai, ‘o tufa ‘o fakatatau ki he‘enau ngāue. 6Pea to‘o ‘e Mōsese ‘a e ngaahi sāliote mo e fanga pulu, ‘o ne ‘atu ki he kau Līvai. 7Na‘a ne ‘atu ki ha‘a Kēsoni ha sāliote ‘e ua mo e pulu ‘e toko fā, ke hoa mo honau fatongia; 8pea ne ‘atu ki ha‘a Mēlali ha sāliote ‘e fā mo e pulu ‘e toko valu, ke hoa mo e fatongia ‘onautolu. Na‘e ‘ia ‘Ītama ko e foha ‘o ‘Ēlone ko e taula‘eiki ‘a e angi ki ai. 9Ka na‘e ‘ikai te ne ‘atu ha me‘a ki ha‘a Kōhate, he ko honau fatongia ‘a e Fale Tapu: na‘a nau fata pē.
10Pea na‘e ‘omi me‘a‘ofa ‘e he hou‘eiki ki he kātoanga‘i ‘o e ‘Ōlita ‘i he ‘aho na‘e pani ai ia, ‘io, na‘e ‘atu ‘e he hou‘eiki ‘enau kōpano ‘i he ‘ao ‘o e ‘Ōlita. 11Pea folofola ‘a e ‘Eiki kia Mōsese, ‘E ‘omi ‘e he hou‘eiki ‘enau kōpano ki he kātoanga‘i ‘o e ‘Ōlita, ‘o takitaha hono ‘aho.
12Pea ko ia na‘e ‘omi ‘ene kōpano ‘i he ‘uluaki ‘aho ko Na‘asoni ko e foha ‘o ‘Aminatape, ‘i he matakali ‘o Siuta: 13pea ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu ‘aki ‘a e lolo mo‘o feilaulau-me‘akai; 14mo e tatā koula ‘e taha na‘e hongofulu sikeli, kuo pito ‘i he ‘inisēnisi; 15ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 16ko e kosi tangata ‘e taha mo‘o feilaulau angahala; 17pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa; ko e me‘a‘ofa ia ‘a Na‘asoni ko e foha ‘o ‘Aminatape. 18‘I hono ‘aho ua na‘e ‘omi me‘a‘ofa ‘e Nātaniela ko e foha ‘o Sua, ko e ‘eiki ‘o ‘Īsaka. 19Ko e kōpano na‘a ne ‘omi ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu ‘aki ‘a e lolo mo‘o feilaulau-me‘akai; 20mo e tatā koula ‘e taha na‘e hongofulu sikeli, kuo pito ‘i he ‘inisēnisi; 21ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 22ko e kosi tangata ‘e taha mo‘o feilaulau-angahala; 23pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima, kuo taha ta‘u, mo‘o feilaulau-‘ofa: ko e me‘a‘ofa ia ‘a Nātaniela ko e foha ‘o Sua. 24‘I hono ‘aho tolu ko e ‘eiki ‘o ha‘a Sepulone, ko ‘Eliapi ko e foha ‘o Hēloni; 25ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu ‘aki ‘a e lolo mo‘o feilaulau-me‘akai; 26mo e tatā koula ‘e taha na‘e hongofulu sikeli, kuo pito ‘i he ‘inisēnisi; 27ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u mo‘o feilaulau-mōifua; 28ko e kosi tangata ‘e taha mo‘o feilaulau-angahala; 29pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a ‘Eliapi ko e foha ‘o Hēloni. 30‘I hono ‘aho fā ko e ‘eiki ‘o ha‘a Lūpeni, ko ‘Elisiuli ko e foha ‘o Seteulo; 31ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakotou fonu ‘i he ‘elito‘i mahoa‘a kuo natu ‘aki ‘a e lolo mo‘o feilaulau-me‘akai; 32mo e tatā koula ‘e taha na‘e hongofulu sikeli, kuo pito ‘i he ‘inisēnisi; 33ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 34ko e kosi tangata ‘e taha mo‘o feilaulau angahala; 35pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a ‘Elisiuli ko e foha ‘o Seteulo. 36‘I hono ‘aho nima ko e ‘eiki ‘o ha‘a Simione, ko Selumiela ko e foha ‘o Siulisatai; 37ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu ‘aki ‘a e lolo mo‘o feilaulau-me‘akai; 38mo e tatā koula ‘e taha na‘e hongofulu sikeli, kuo pito ‘i he ‘inisēnisi; 39ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 40ko e kosi tangata ‘e taha mo‘o feilaulau-angahala; 41pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a Selumiela ko e foha ‘o Siulisatai. 42‘I hono ‘aho ono ko e ‘eiki ‘o ha‘a Kata ko ‘Eliesafe ko e foha ‘o Teuela; 43ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e fale Tapu), ‘oku na fakatou fonu ‘i he ‘elito‘i mahoa‘a kuo natu ‘aki ‘a e lolo mo‘o feilaulau-me‘akai; 44mo e tatā koula ‘e taha na‘e hongofulu sikeli, kuo pito ‘i he ‘inisēnisi; 45ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 46ko e kosi tangata ‘e taha mo‘o feilaulau-angahala; 47pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a ‘Eliesafe ko e foha ‘o Teuela. 48‘I hono ‘aho fitu ko e ‘eiki ‘o ha‘a ‘Ifalemi ko ‘Elisama ko e foha ‘o ‘Amihuti; 49ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu lolo mo‘o feilaulau-me‘akai; 50ko e tatā koula na‘e hongofulu sikeli, pito ‘i he ‘inisēnisi; 51ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 52ko e kosi tangata ‘e taha mo‘o feilaulau-angahala; 53pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a ‘Elisama ko e foha ‘o ‘Amihuti, 54‘i hono ‘aho valu ko e ‘eiki ‘o ha‘a Manase, ko Kāmelieli ko e foha ‘o Petasiuli; 55ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu lolo mo‘o feilaulau-me‘akai; 56ko e tatā koula na‘e hongofulu sikeli, pito ‘i he ‘inisēnisi; 57ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 58ko e kosi tangata ‘e taha mo‘o feilaulau-angahala; 59pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a Kāmelieli ko e foha ‘o Petasiuli. 60‘I hono ‘aho hiva ko e ‘eiki ‘o ha‘a Penisimani, ko ‘Apitani ko e foha ‘o Kiteoni; 61ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu lolo mo‘o feilaulau-me‘akai; 62ko e tatā koula na‘e hongofulu sikeli, pito ‘i he ‘inisēnisi; 63ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 64ko e kosi tangata ‘e taha mo‘o feilaulau-angahala; 65pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa; ko e me‘a‘ofa ia ‘a ‘Apitani ko e foha ‘o Kiteoni. 66‘I hono ‘aho hongofulu ko e ‘eiki ‘o ha‘a Tani, ko ‘Ahiesa ko e foha ‘o ‘Amisatai; 67ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu lolo mo‘o feilaulau-me‘akai; 68ko e tatā koula na‘e hongofulu sikeli, pito ‘i he ‘inisēnisi; 69ko e pulu mui ‘e taha, sipi tangata ‘e taha, lami tangata ‘e taha kuo taha ta‘u, mo‘o feilaulau-mōifua; 70ko e kosi tangata ‘e taha mo‘o feilaulau-angahala; 71pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a ‘Ahiesa ko e foha ‘o ‘Amisatai. 72‘I hono ‘aho hongofulu mā taha ko e ‘eiki ‘o ha‘a ‘Āseli, ko Pakiela ko e foha ‘o ‘Okelani: 73ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu lolo mo‘o feilaulau-me‘akai: 74ko e tatā koula na‘e hongofulu sikeli, pito ‘i he ‘inisēnisi; 75ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 76ko e kosi tangata ‘e taha mo‘o feilaulau-angahala; 77pea ko e pulu toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u, mo‘o feilaulau-‘ofa: ko e me‘a‘ofa ia ‘a Pakiela ko e foha ‘o ‘Okelani. 78‘I hono ‘aho hongofulu mā ua ko e ‘eiki ‘o ha‘a Nafitalai, ko ‘Āhila ko e foha ‘o ‘Einani: 79ko ‘ene kōpano ko e tisi siliva ‘e taha na‘e teau mā tolungofulu sikeli hono mamafa, mo e pēsoni siliva ‘e taha na‘e fitungofulu (ko e sikeli ‘o e Fale Tapu), ‘oku na fakatou fonu ‘i he ‘elito‘i mahoa‘a kuo natu lolo mo‘o feilaulau-me‘akai; 80ko e tatā koula na‘e hongofulu sikeli, pito ‘i he ‘inisēnisi; 81ko e pulu mui ‘e taha, ko e sipi tangata ‘e taha, ko e lami tangata ‘e taha kuo taha ta‘u, mo‘o feilaulau-mōifua; 82ko e kosi tangata ‘e taha mo‘o feilaulau-angahala; 83pea ko e pulu ‘e toko ua, sipi tangata ‘e toko nima, kosi tangata ‘e toko nima, lami tangata ‘e toko nima kuo taha ta‘u mo‘o feilaulau-‘ofa: ko e me‘a‘ofa ia ‘a ‘Āhila ko e foha ‘o ‘Einani.
84Ko e kātoanga‘i ia ‘o e ‘Ōlita ‘i he ‘aho na‘e pani ai ‘e he hou‘eiki ‘Isileli: ko e tisi siliva ‘e hongofulu mā ua, ko e pēsoni siliva ‘e hongofulu mā ua, ko e tatā koula ‘e hongofulu mā ua; 85ko e teau mā tolungofulu ‘a e tisi siliva takitaha, pea fitungofulu ‘a e pēsoni takitaha: kātoa ‘a e siliva ‘o e ngaahi ipu ko e ua afe mā fāngeau (ko e sikeli ‘o e Fale Tapu). 86Ko e tatā koula ‘e hongofulu mā ua, kuo pito ‘i he ‘inisēnisi, taki hongofulu (ko e sikeli ‘o e Fale Tapu): kātoa ‘a e koula ‘o e ngaahi tatā ko e teau mā uofulu. 87Kātoa ‘a e fanga pulu ki he feilaulau-mōifua ko e pulu mui ‘e toko hongofulu mā toko ua, ko e sipi tangata ‘e hongofulu mā ua, ko e lami tangata taha ta‘u ko e hongofulu mā ua mo honau feilaulau-me‘akai: mo e kosi tangata ki he feilaulau-angahala ko e toko hongofulu mā toko ua: 88pea ko e kātoa ‘o e fanga pulu ki he feilaulau-‘ofa ko e pulu ‘e toko uofulu mā fā, onongofulu ‘a e sipi tangata, onongofulu ‘a e kosi tangata, onongofulu ‘a e lami tangata kuo taha ta‘u. Ko e kātoanga‘i ia ‘o e ‘Ōlita hili hono pani.
89Pea ‘i he hū ‘a Mōsese ki he Tēniti Fe‘iloaki‘anga ke fefolofolai mo Ia, na‘a ne ongo‘i ‘a e Le‘o ‘oku folofola mai kiate ia mei he funga Hōifua‘anga, ‘a ia ‘oku hili ki he ‘A‘ake Fakamo‘oni‘anga, ‘io, mei he vaha‘a ‘o e ongo Selupimi: pea ne folofola kiate ia.
Currently Selected:
NŌMIPA 7: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
