NŌMIPA 12
12
Ko e Tautea ‘o Miliame
1PEA na‘e lau‘i ‘a Mōsese ‘e Meliame mo ‘Ēlone koe‘uhi ko e fefine Kusa#12.1 Kusa; (fakafehoanaki mo Hap 3.7) pe tokotaha Mitiani; pe tokotaha ‘Itiopea. kuo ne mali: he kuo ne mali mo ha fefine Kusa. 2Pea na pehē, He ko Mōsese pē kuo folofola ki ai#12.2 ki ai; pe mai ai. ‘a Sihova? ‘Ikai kuo ne folofola foki ‘iate#12.2 ‘iate; pe kiate. kitaua? Pea na‘e ongo‘i ‘e Sihova. 3(Pea ko e tangata ko Mōsese na‘e anga kātaki ‘aupito, ‘o hulu atu ‘i he tangata kotoa na‘e ‘i he funga kelekele.)
4Pea folofola ‘a e ‘Eiki fakafokifā kia Mōsese mo ‘Ēlone mo Meliame, Hū kitu‘a kimoutolu toko tolu, ‘o omi ki he Tēniti Fe‘iloaki‘anga. Pea nau hū kitu‘a ‘a e toko tolu. 5Pea hā‘ele hifo ‘a Sihova ‘i he Pou-‘ao, ‘o ne tu‘u ‘i he mata Tēniti, ‘o ne ui ‘a ‘Ēlone mo Meliame: pea na tutu‘u mai kinaua. 6Pea ne folofola ange, Tokanga mai ki he‘eku lea: ka ai ha palōfita ‘iate kimoutolu,#12.6 ka ai… kimoutolu; ‘Oku pehē ‘a e ngaahi hiki fuoloa ‘e ni‘ihi, ka ‘oku ‘ikai ke mahino ‘a hono faka-Hepeluú. ko au Sihova te u faka‘ilo au kiate ia ‘i ha vīsone, te u lea kiate ia ‘i ha misi. 7Taha kehe ‘eku sevāniti ko Mōsese: ko e falala‘anga ia ‘i hoku fale kotoa.#12.7 ko e falala‘anga ia ‘i hoku falé kotoa; pe kuó u fakanofo ia ke pule ki hoku kakai ‘Isileli kotoa pē. #Hep 3.2 8Ko ‘ema alea mo ia ‘e fai ko e ngutu ki he ngutu, pea ‘i he lea tonu, ‘o ‘ikai ‘i he fakatātā; pea ko e anga totonu ‘o Sihova te ne māta‘i: pea lau ‘e au te mou manavahē ke lau‘i ‘eku sevāniti ko Mōsese.
9Pea kakaha ‘a e tuputāmaki ‘o e ‘Eiki kiate kinaua, ‘o ne hā‘ele atu, pea hiki ‘a e ‘Ao mei he Tēniti, pea tā kuo kilia ‘a Meliame ‘o hangē ko e sinou. 10Pea hanga ‘e ‘Ēlone kia Meliame, pea tā kuo kilia. 11Pea lea ‘a ‘Ēlone kia Mōsese, ‘Oiauē, Tangata‘eiki, ‘oua ā te ke hili ‘a e hia ni kiate kimaua; hono kuo mau fai vale, pea kuo mau hia. 12‘Oua ā te ne hangē ha taha mate, ‘a ia kuo ‘osi hono vaeua ‘o hono kakano ‘i he‘ene hū mai mei he manava ‘o ‘ene fa‘ē.
13Pea tangi ‘a Mōsese kia Sihova, ‘o pehē, ‘Otua ē, faito‘o mu‘a kiate ia.
14Pea folofola ‘a Sihova kia Mōsese, Pea ka ne ki‘i ‘anuhi hono mata ‘e he‘ene tamai, ‘ikai kuo ne mā ai ‘o ‘aho fitu? ke tāpuni mu‘a ‘a e fefine ‘i he tu‘a ‘apitanga ‘o ‘aho fitu, pea hili ia pea toe ‘omi.#Nōm 5.2-3 15Pea na‘e tāpuni ‘a Meliame ‘i he tu‘a ‘apitanga ‘o ‘aho fitu: pea na‘e ‘ikai ke toe fononga ‘a e kakai kae‘oua ke fakahū mai ‘a Meliame. 16Pea hili ia na‘e hiki ‘a e kakai mei Heseloti, ‘o nau fokotu‘u tēniti ‘i he Toafa ‘o Pēlana.
Currently Selected:
NŌMIPA 12: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
