KO NEHEMAIA 11
11
Ko e Kakai na‘e Nofo ‘i Selusalemá
1PEA na‘e nofo ‘a e hou‘eiki ‘o e kakai ‘i Selusalema: pea ko e kakai na‘e toe na‘a nau pāloti ke ‘omi ha vahehongofulu ‘e taha ke nofo‘ia ‘a Selusalema ko e Kolo Tapu, kae nofo ‘i he ngaahi kolo ‘a e vahe ‘e hiva. 2Pea fakamālō ‘e he kakai ki he tu‘unga tangata kotoa pē na‘e tomomate ke nofo‘ia ‘a Selusalema.
3Pea ko eni ‘a e hou‘eiki ‘o e vahe fonua na‘e nofo ‘i Selusalema: (ka ‘i he ngaahi kolo ‘o Siuta na‘e nofo takitaha ki hono tofi‘a mo hono kolo, ‘io, ‘a ‘Isileli, ‘a e kau taula‘eiki, mo e kau Līvai, mo e kau Netinimi, mo e hako ‘o e kau Tamaio‘eiki ‘a Solomone.#Nehe 7.73
4Pea ‘i Selusalema na‘e nofo ha ni‘ihi ‘o ha‘a Siuta mo ha‘a Penisimani): ‘i ha‘a Siuta: ko ‘Āsaia foha ‘o ‘Ūsaia, foha ‘o Sākalaia, foha ‘o ‘Amalaia, foha ‘o Sefataia, foha ‘o Mahalaleli, ‘i he hako ‘o Felesi;
5mo Ma‘aseia foha ‘o Paluki, foha ‘o Koli-hose, foha ‘o Hāsaia, foha ‘o ‘Āsaia, foha ‘o Sioialipi, foha ‘o Sākalaia, hako ‘o ha‘a Sailo.
6Ko e tokolahi ‘o ha‘a Fēlesi na‘e nofo ‘i Selusalema ko e toko fāngeau mā onongofulu mā valu, ko e kau to‘a.
7Pea ko eni ‘a e ha‘a Penisimani: Ko Salu foha ‘o Mēsuilame, foha ‘o Sioeti, foha ‘o Petaia, foha ‘o Kolaia, foha ‘o Ma‘aseia, foha ‘o ‘Itieli, foha ‘o ‘Aisea.
8Pea hoko mo ia ‘a Kāpai, Salai, ko e toko hivangeau mā uofulu mā valu.
9Pea ko Sioeli foha ‘o Sikeli ko honau matāpule ia: pea ko Siuta foha ‘o Hasenua ko e tokoni-pule ia ‘o e kolo. 10Pea ‘i ha‘a taula‘eiki: ko ‘Ītaia foha ‘o Sioialipi, ko Siakini,
11ko Selaia foha ‘o Hilikaia, foha ‘o Mēsuilame, foha ‘o Sātoki, foha ‘o Melaioti, foha ‘o ‘Ahitupi, 12ko e pule ‘o e fale ‘o ‘Elohimi, pea ko honau kāinga na‘e fai ‘a e ngāue ki he fale na‘e toko valungeau mā uofulu mā ua: mo ‘Āsaia foha ‘o ‘Ilohame, foha ‘o Pelalaia, foha ‘o ‘Āmesi, foha ‘o Sākalaia,
13foha ‘o Pāsua, foha ‘o Malakai, mo hono kāinga ko e hou‘eiki ‘ulumotu‘a ko e toko uangeau mā fāngofulu mā ua; mo ‘Amasesai foha ‘o ‘Asaleli, foha ‘o ‘Ahasai, 14foha ‘o Mesilemoti, foha ‘o ‘Īmeli, mo honau kāinga ko e kakai fita ko e toko teau mā uofulu mā valu: pea ko honau matāpule ‘a Sapitieli foha ‘o Haketolimi.#11.14 foha ‘o Haketolimi; pe ko e tokotaha mei he fāmili tu‘ukimu‘a.
15Pea ‘i he ha‘a Līvai: ko Sēmaia foha ‘o Hāsupi, foha ‘o ‘Āselikami, foha ‘o Hasapaia, foha ‘o Puni; mo Sapitai, 16mo Siosapati, ‘a ia na‘e ‘anaua ‘a e tokanga‘i ‘o e me‘a ‘o tu‘a ‘o e fale ‘o ‘Elohimi; na‘e kau kinaua ki he hou‘eiki Līvai;
17pea mo Matanaia foha ‘o Maika, foha ‘o Sāpiti, foha ‘o ‘Ēsafe, ‘a ia na‘e takimu‘a ‘i he hua ‘a e fakafeta‘i ‘i he lotu, mo Pakipukaia ko hono ua ia ‘i honau fa‘ahinga; mo ‘Āpeta foha ‘o Samua, foha ‘o Kālali, foha ‘o Situtuni. 18Ko e tokolahi ‘o e kau Līvai ‘i he Kolo Tapu ko e toko uangeau mā valungofulu mā fā. 19Pea ko e kau le‘o matapā, ‘a ‘Ākupi, Talemoni, mo honau kāinga na‘e le‘o ‘i he ngaahi matapā, na‘e toko teau mā fitungofulu mā ua.
20Pea ko hono toe ‘o ‘Isileli, ‘o e kau taula‘eiki, ‘o e kau Līvai, na‘a nau ‘i he kolo kehekehe ‘o Siuta, takitaha ‘i hono tofi‘a. 21Ka ko e kau Netinimi na‘a nau nofo ‘i ‘Ōfeli: pea ko Siha mo Kīsefa na‘e pule ki he kau Netinimi.
22Pea ko e matāpule ‘o e kau Līvai ‘i Selusalema ko ‘Osi foha ‘o Pani, foha ‘o Hasapaia, foha ‘o Matanaia, foha ‘o Maika ‘i ha‘a ‘Ēsafe, ko e kau hiva ke pule ki he ngāue ‘o e fale ‘o ‘Elohimi. 23He na‘e ‘i ai ha tu‘utu‘uni mei he tu‘i koe‘uhi ko kinautolu, ko e me‘a pau ma‘a e kau hiva, ko e me‘a ‘o e ‘aho ke fai ‘i hono ‘aho.
24Ko Petahaia foha ‘o Mesesapeli, ko e taha ‘i he ha‘a Sala foha ‘o Siuta, na‘e tokoni ki he tu‘i ‘i he me‘a kehekehe na‘e kau ki he kakai.
25Pea ko e me‘a ki he ngaahi vilisi, mo honau ngaahi ‘api vao, ko e ni‘ihi ‘o ha‘a Siuta na‘e nofo ‘i Kiliatia‘apa mo hono ngaahi kolo fakaongo, pea ‘i Tīponi mo hono ngaahi kolo fakaongo, mo ‘Iakapesili mo hono ngaahi vilisi; 26pea ‘i Sisua, mo Mōlata, mo Pete-pāleti; 27pea ‘i Hasa-suali, pea ‘i Peasipa mo hono ngaahi kolo fakaongo;
28pea ‘i Sikilaki, pea ‘i Mēkona mo hono ngaahi kolo fakaongo, 29pea ‘i ‘Eni-līmoni, pea ‘i Sola, pea ‘i Siamuti; ‘i Sānoa, ‘i ‘Atulami, mo hona ngaahi vilisi, 30‘i Lākisi mo hono ngaahi vao, ‘i ‘Āseka mo hono ngaahi kolo fakaongo. Ko ia na‘a nau ‘apitanga mei Peasipa ‘o a‘u ki he Tele‘a ‘o Hīnomi.
31Ko ha‘a Penisimani foki mei Kepa ‘o fai atu ki Mikimasi, mo ‘Ai, mo Pēteli, mo hono ngaahi kolo fakaongo; 32‘i ‘Anatoti, Nopi, ‘Ananaia; 33Hasoa, Lama, Kitaimi, 34Hātiti, Sipoimi, Nepalati;
35‘i Loti, mo ‘Ono, ‘i Tele‘a Tufunga. 36Pea ‘i he ha‘a Līvai na‘e ‘i ai ‘a e ngaahi kalasi ‘i Siuta na‘e kau mo Penisimani.
Currently Selected:
KO NEHEMAIA 11: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
