KO MAIKA 6
6
Ko Hano Talatalaaki‘i ‘e Sihova ‘a ‘Isileli
1FANONGO mu‘a ‘a e me‘a ‘oku tala ‘e Sihova: Tu‘u, hopo ‘i he ‘ao ‘o e ngaahi mo‘unga, pea ke fanongo ‘a e ngaahi mā‘olunga ki ho le‘o.
2‘a e ngaahi mo‘unga, mou fanongo ki he talatalaaki ‘a Sihova; ‘io, fanongo ‘a e ngaahi tu‘unga ma‘uma‘uluta ‘o māmani: he ‘oku ai ha hopo ‘a Sihova mo hono kakai, ‘io, ‘oku ai ‘ene fakakikihi mo ‘Isileli.
3Na‘i ‘oku kakai, ko e hā ha me‘a kuo u fai kiate koe? ‘Io, ko e hā ‘a e me‘a kuo u fakakina ‘aki koe? Tali mai. 4Seuke, na‘a ku ‘ohake koe mei ‘Isipite, pea na‘a ku huhu‘i koe mei he fale hopoate; pea u tuku atu ‘a Mōsese, ‘a ‘Ēlone, mo Miliame, ke taki kimoutolu.#‘Eki 4.10-16; 12.50-51; 15.20 5Na‘i ‘oku kakai, manatu mu‘a ‘a e me‘a na‘e tangi fale‘i ai ‘e Pēlaki Tu‘i Moape, mo e tali ‘e Pēlami foha ‘o Peoli; ‘a e me‘a mei Sītimi ‘o a‘u ki Kilikali; koe‘uhiā ke mou ‘ilo ‘a e ngaahi faitotonu ‘a Sihova.#Nōm 22.2–24.25; Sios 3.1–4.19
Ko e Me‘a ‘Oku Finangalo ‘a Sihova ke Faí
6Te u ‘unu‘unu kia Sihova ‘aki ‘a e hā,
‘O u hū ‘aki ki he ‘Otua ‘o Tau kakapa?
Te u holo ‘aki koā ha ngaahi feilaulau-mōifua?
Ha ngaahi pulu ‘oku ta‘u taha?
7‘E hōifua ‘a Sihova ‘i ha ngaahi afe‘i sipi tangata?
‘I ha mano‘i liva lolo?
Te u ‘atu koā hoku ‘uluaki,
Koe‘uhi ko ‘eku faihala?
‘A e fua ‘o hoku manava,
Koe‘uhi ko e angahala ‘a hoku laumālie?”
8Kuo ne fakahā kiate koe, tangata,
‘A e me‘a ‘oku lelei;
‘Io, ko e hā ‘a e me‘a ‘oku ‘eke ‘e Sihova kiate koe?
Ka ko e fai fakalao,
Mo e manako ki he meesi,
Pea ke taka angavaivai
‘I ho‘o feangai mo ho ‘Otua.
9‘Oku ongoonga‘a mai ‘a e le‘o ‘o Sihova ki he kolo, pea ko e poto mo‘oni te ne sio ki ho huafa. 10Fanongo ki he mātā, mo ia kuo tu‘utu‘uni ia.#6.10 Fanongo… tu‘utu‘uni ia: Ko e fakamahalo pē, he ko e veesi fihi. Ko hono hiki ‘e taha ko e: Fanongo mai ‘a kimoutolu ‘a e kakai kuo haha‘o ‘i he koló. ‘Oku kei ‘i ai koā ‘i he fale ‘o e faihala ‘a e ngaahi fokotu‘unga koloa ma‘u hala, mo e efa kuo mingi, ‘a e me‘a fakalielia?#6.10 ‘Oku kei… fakalielia?: ‘Oku ‘ikai ke mahino ‘a hono faka-Hepelū ‘o e kupu‘i lea ko ení. 11Te te lava koā ke ma‘a; ‘osi, ‘oku ‘iate au ‘a e me‘afua hala, mo e kato me‘a fakamamafa ‘oku kākā? 12Tala atu, ko e kau koloa‘ia ‘o e kolo ‘oku fonu ‘i he fai fakamālohi, pea ko e nofo ai ‘oku lea loi, ‘io, ko honau ‘elelo ko e koto kākā pē ‘i honau ngutu. 13Ko ia, ko au foki te u ngaohi ho lavea ke matamata kovi, he‘eku#6.13 ngaohi… he‘eku: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: kamata. fakalala koe koe‘uhi ko ho‘o ngaahi angahala. 14Te ke kai ‘e koe, kae ‘ikai mākona; pea ‘e mātu‘aki ‘asi ho‘o halope; pea te ke fetukutuku, kae ‘ikai fakahao; pea ko e me‘a te ke fakahao, te u ‘atu ki he heletā. 15Te ke tō ‘e koe, kae ‘ikai te ke utu: te ke malaki ‘ōlive ‘e koe, kae ‘ikai te ke pani ‘aki ‘a e lolo: mo e uaine fo‘ou, kae ‘ikai te ke inu uaine. 16He ‘oku tauhi ‘a e ngaahi tu‘utu‘uni ‘a ‘Omilai, mo e ngāue kotoa ‘a e fale ‘o ‘Ēhapi; ‘io, ‘oku mou fou ‘i he ngaahi me‘a na‘a nau fakakaukau‘i: tā ko e ‘ai pē ke u ngaohi koe ko e me‘a ke fai ai ha ofo, pea ko e nofo ai ko e me‘a ke fai ai ha faka‘ise‘isa;#6.16 tā ko e… hoku kakaí: Ko hono hiki totonu faka-Hepeluú ko e: ko ia, te u ‘ai koe ke ke ‘auha, pea ‘e fakalili‘a ‘a e kakai kotoa pē ‘iate koe. ‘E manuki‘i koe ‘e he kakai ‘i he potu kotoa pē. Ka ‘oku pehē ‘i he hiki fuoloa ‘e taha: ‘E manuki‘i koe ‘e hoku kakai ‘i he potu kotoa pē. pea te mou fua ‘a e taukae ‘oku tō ki hoku kakai.#1 Tu‘i 16.23-34; 21.25-26
Currently Selected:
KO MAIKA 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
