KO MAIKA 2
2
Ko e Iku‘anga ‘o Kinautolu ‘oku nau Lolomi ‘a e Masivá
1‘OIAUĒ ‘a kinautolu ‘oku fakakaukau‘i ha pango, mo teuteu ha kovi ‘i honau mohenga! ka maama ‘a e ‘aho, ‘oku nau fai ia, koe‘uhi ‘oku mafai noa pē ‘e honau nima. 2Pea ‘oku nau mānumanu ki he ngaahi ‘api, ‘o nau fa‘ao; pea ki he ngaahi fale, ‘o nau ‘ave: ‘io, ‘oku fakamālohi ‘a e helo mo hono fale, ‘a e tangata mo hono tofi‘a.
3Ko ia, ko e folofola eni ‘a Sihova, Ko au eni ‘oku ou fakakaukau‘i ha kovi ke ‘ai ki he fāmili ko eni, ‘a ia ‘e ‘ikai te mou lava ke hu‘i homou kia mei ai, pea ‘e ‘ikai te mou lava ke laka fakamofutofuta; he ko e taimi kovi ia. 4‘I he ‘aho ko ia ‘e ofa‘aki ha ta‘anga kiate kimoutolu, ‘o tēngihia ‘aki ha tangilāulau,
“Tā kuo hoko”–ko e ta‘anga ia–
Kuo tau lala,
Kuo fakalala kitautolu:
Ko e tofi‘a ‘o hoku kakai ‘oku ne liliu;
‘Oi! ‘ene ‘ave meiate au!
‘Oku ne tufa ki he angatu‘u#2.4 angatu‘u: Ko hono faka-Hepeluú ia, ka ‘oku ngali tonu hono hiki ‘o: fa‘ahinga na‘a nau taki pōpula kitautolú.
Hotau ngaahi ‘api.
5Ko ia, ‘e ‘ikai te ke ma‘u ‘e koe ha taha ke toho afo he fai ‘o e talotalo ‘i he fakataha ‘a Sihova.
6“Oua ‘e mokulu ho‘omou lea,”
Kae mokulu pē.
Ka ne ‘ikai te nau ‘ai ke mokulu kiate kinautolu na,
‘E ‘ikai mole ‘a e mā.
7‘A koe ‘oku lau ko e fale ‘o Sēkope,#2.7 ‘A koe… Sēkope: ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o: Kuo fakamala‘ia‘i koā ‘a e fale ‘o Sēkopé (‘a e kakai ‘Isilelí?). ‘oku nounou koā ‘a e kātaki#2.7 pe Finangalo. ‘a Sihova? pe ko e anga ia ‘o ‘ene fa‘a ngāue? ‘Ikai ‘oku fakafeangai lelei ‘eku#2.7 ‘eku: Ko hono faka-Hepeluú ia, ka ‘oku pehē ‘i he hiki fuoloa ‘e taha: ‘ene. ngaahi lea mo ia ‘oku totonu ‘ene laka?
8Ka kuo tu‘u#2.8 tu‘u: Ko hono faka-Hepeluú ia, ka ‘oku ngali tonu hono hiki ‘o: Kuo mou ‘ohofi hoku kakaí. hoku kakai ki mui ni hangē ko e fili: ‘oku mou mātu‘aki to‘o mālohi ‘a e pulupulu mei he funga kofu ‘o e kakai ‘oku ‘alu fiemālie ange melino pē. 9Ko e kau fefine ‘o hoku kakai ‘oku mou kapusi mei he fale ‘oku nau loto‘aki; kuo mou to‘o mei he sino ‘o ‘ene fānau iiki ‘a e teunga na‘a ku ‘ange, ‘o talu ai pē. 10Mou tu‘u, ‘o ‘alu; he ‘oku ‘ikai ko e mālōlō‘anga ‘a e fonua ni: koe‘uhi ko e ta‘ema‘a ‘oku fai ha maumau, ‘io, ha maumau mamafa.
11Ka ai ha tangata ‘oku ō mo e laumālie kākā, ‘o ne loi, ‘o ne pehē, ‘E mokulu ‘eku lea kiate koe, ‘o lau uaine mo e kava mālohi; ko e tama ia ke palofisai ki he kakai ni.
12Te u mātu‘aki fakataha, ‘e Sēkope, ho kotoa;
Te u mātu‘aki tānaki ‘a e toenga ‘o ‘Isileli:
Te u ‘ai fakataha kinautolu
Hangē ko e fanga sipi ‘o Pōsila:
Hangē ha tākanga ‘i honau loto kaikai‘anga,
‘E ‘u‘ulu he uōuōtu‘u ‘a e kakai.
13Ko Haematapa kuo laka tāimu‘a atu,
Kuo nau hae atu ‘o laka ki he matanikolo,
Pea kuo nau hū ki tu‘a ai:
Pea ‘oku laka tāimu‘a ‘a honau tu‘i,
‘Io, ‘oku taki kinautolu ‘e Sihova.
Currently Selected:
KO MAIKA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
