KO MALAKAI 3
3
1VAKAI, ‘oku ou tuku atu ‘eku talafekau ke ne teuteu ‘a e hala ‘i hoku ‘ao: pea ko e ‘Eiki ‘oku mou kumi ki ai te ne ha‘u fakafokifā pe ki hono temipale; ‘io, ‘a e ‘Āngelo ‘o e Kovinānite, ‘a ia ‘oku mou lāulea ki ai: vakai ‘oku hā‘ele mai ia–ko e folofola ia ‘a Sihova Sāpaoti.#Māt 11.10; Ma‘ake 1.2; Luk 1.76; 7.27
2Ka ko hai te ne matu‘uaki ‘a e ‘aho ‘o ‘ene hā‘ele mai? pea ko hai te ne matu‘u ‘oka hā mai ia? he ‘oku ne hangē ko e afi ‘o e sivi siliva, pe hangē ko e sopu#3.2 Ko e koa eni. ‘a e fō kofu.#Sioelí 2.11; Fkhā 6.17 3Pea te ne nofo ko e sivi mo fakama‘a siliva tofu pē, pea te ne fakama‘a ‘a ha‘a Līvai, pea te ne to‘o mei ai ‘a e ‘uli, hangē ko e koula mo e siliva; pea te nau toki hoko ko e kau ‘atu feilaulau kia Sihova ‘i he mā‘oni‘oni. 4Pea ‘e toki ifo kia Sihova ‘a e feilaulau ‘a Siuta mo Selusalema, hangē ko e mu‘aki taimi, ‘io, hangē ko e ngaahi ta‘u ‘o ono‘aho.
5Pea te u fakaofiofi kiate kimoutolu ke fai ‘a e fakamaau; pea te u hopo vave mo e kau faituki, mo e kau tono ‘unoho, mo e kau fuakava loi; mo kinautolu ‘oku angakovi‘i ‘a e totongi ‘a e ngāue nō, ‘oku nau fakamālohia ‘a e uitou, mo e tamai mate, mo piko‘i ‘a e totonu ‘a e ‘āunofo, ‘o ‘ikai te nau manavahē kiate Au–ko e folofola ia ‘a Sihova Sāpaoti.
Ko e Totongi Tukuhau Vahe Hongofulu
6He ko Sihova au, ‘oku ‘ikai te u liliu: ko hono ‘uhinga ia ‘o e ‘ikai te mou ‘auha, si‘i hako ‘o Sēkope. 7Talu e taimi ‘o ho‘omou ngaahi kui mo ho‘omou afe mei he‘eku ngaahi tu‘utu‘uni, ‘o ‘ikai te mou tauhi ki ai. Foki mai kiate au, pea te u foki kiate kimoutolu–ko e folofola ia ‘a Sihova Sāpaoti.
Ka ‘oku mou pehē, Ko ‘emau foki ‘i he hā? 8‘E fai kākā#3.8 pe kaiha‘a. ha tangata ki he ‘Otua? ka ko kimoutolu ‘oku mou kākaa‘i au. Pea ‘oku mou pehē, Ko ‘emau kākaa‘i ‘a e ‘Afiona ‘i he hā? ‘I he tukuhau-hongofulu mo e ngaahi me‘a kuo hapai. 9Kuo hoko ‘a e mala kiate kimoutolu; ka ‘oku fai ai pē ho‘omou kākaa‘i au, ‘a e pule‘anga kotoa. 10Mou ‘omi hono kotoa ‘o e tukuhau-hongofulu ki he fale koloa, ke ai ha me‘a ke maama ‘i hoku fale, pea mou sivi au mu‘a ‘aki ‘a e me‘a ko ia–ko Sihova Sāpaoti ia–pe ‘e ‘ikai te u tangaki ma‘amoutolu ‘a e ngaahi kātupa ‘o e langi, ‘o vakili ‘a e tāpuaki kiate kimoutolu, kae‘oua ke ‘ikai hao.#Lev 27.30; Nōm 18.21-24; Teu 12.6; 14.22-29; Nehe 13.12 11Pea te u ‘itangi ‘a e tama keina koe‘uhi ko kimoutolu, pea ‘e ‘ikai te ne fakaka‘anga ‘a e fua ‘o homou kelekele, pea ‘e ‘ikai kaulo‘a ho‘omou vaine ‘i he vao–ko e folofola ia ‘a Sihova Sāpaoti– 12pea ko e ngaahi pule‘anga kotoa te nau lau kimoutolu ko e monū‘ia: tala atu, te mou hoko ko e fonua māna‘ia–ko Sihova Sāpaoti ia.
Ko e Tala‘ofa ‘e he ‘Otuá ‘a e ‘Alo‘ofa
13Ko ho‘omou lea kiate au ‘oku fefeka–ko Sihova ia. Ka ‘oku mou pehē, Ko e hā ‘emau ngaahi lau ‘oku tau kovi ki he ‘Afiona? 14‘Ā, ‘oku mou lau, Ko e ngāue ki he ‘Otua ko e kulanoa: he ko e hā kuo tau ma‘u ‘i he tauhi hono fatongia, mo ‘etau taka hangē ha fai putu ‘i he ‘ao ‘o Sihova Sāpaoti? 15Ko hono ‘ātunga ē ko kitautolu ‘oku tau tuku ko e pau‘u ‘oku monū‘ia: ‘io, ko kinautolu ‘oku nofo ke faikovi ‘a ia ‘oku langa hake; ‘io, ko kinautolu ‘oku ala‘aki ki he ‘Otua ‘a ia ‘oku fakahaofi.
16Toki fealēlea‘aki ‘a kinautolu na‘e ‘apasia kia Sihova: pea na‘e tokanga ki ai ‘a Sihova, ‘o ne fakafanongo, pea na‘e fai ‘a e tohi fakamanatu ke fe‘ao mo ia, koe‘uhi ko e kakai ‘oku ‘apasia kia Sihova, mo toka‘i hono huafa. 17Pea te nau hoko ‘i he ‘aho ‘oku ou kotofa–ko e folofola eni ‘a Sihova Sāpaoti–ko ‘eku koloa kānokato; pea te u ma‘ema‘ekina kinautolu hangē ko e ma‘ema‘ekina ‘e ha tangata hono foha ‘oku ngāue kiate ia. 18Pea te mou toe sio ki he fai kehekehe ‘a e mā‘oni‘oni mo e angahala, ‘a e faikehekehe ‘a e taha ‘oku ngāue ki he ‘Otua mo ia ‘oku ‘ikai ke ngāue ki ai.
Currently Selected:
KO MALAKAI 3: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.