KO MALAKAI 2
2
1PEA ko eni, ko e tu‘utu‘uni ni ‘oku kau kiate kimoutolu, ‘a e kau taula‘eiki. 2Kapau ‘e ‘ikai te mou fakaongo, pea kapau ‘e ‘ikai te mou ‘ai ki homou loto, ke fakalāngilangi‘i hoku hingoa–ko Sihova Sāpaoti eni–te u tuku atu kiate kimoutolu ‘a e mala, pea te u fakamala‘ia ho‘omou ngaahi tāpuaki; ‘io, kuo ‘osi ‘eku fakamala‘ia ia, koe‘uhi ‘oku ‘ikai te mou momo‘i ‘ai ki homou loto. 3Ko au eni te u tukitala‘i ‘a e pulopula, koe‘uhi ko kimoutolu, pea te u pani kinoha‘a homou mata, ‘a e kinoha‘a ‘o ho‘omou ngaahi kātoanga; pe ‘e ‘ave kimoutolu ki he potu ‘oku ‘i ai ia. 4Pea te mou toki ‘ilo kuo u tuku atu ‘a e tu‘utu‘uni ko eni kiate kimoutolu, koe‘uhi ke hoko#2.4 pe ke tu‘u ma‘u. ia ko ‘eku kovinānite mo Līvai–ko Sihova Sāpaoti ia.#Nōm 3.11-13
5Ko ‘eku kovinānite na‘e fai mo ia ko e koto mo‘ui mo e melino; pea na‘a ku ‘ange kinaua kiate ia ke ō mo e ‘apasia, pea na‘a ne ‘apasia kiate au, ‘o ne ongo‘i mamafa hoku hingoa.#Nōm 25.12 6Ko e lao mo‘onia na‘e ‘i hono ngutu, pea na‘e ‘ikai ‘ilo ha kovi ‘i hono loungutu: na‘a ne takaua mo au ‘i he melino mo e anga totonu, pea ne fakatafoki ‘a e tokolahi mei he kovi. 7He ko e taau ‘o e ngutu ‘o e taula‘eiki ke tauhi ‘a e ‘ilo, pea ke ‘eke ‘e he kakai ‘a e lao mei hono fofonga: he ko e faifekau ia ‘a Sihova Sāpaoti.
8Ka ko kimoutolu kuo mou hiki mei he hala: kuo mou fakahumu ha tokolahi ‘aki ‘a e lao; kuo mou fakaka‘anga ‘a e kovinānite ‘o Līvai–ko e folofola ia ‘a Sihova Sāpaoti. 9Ko ia ko au foki ‘oku ou ngaohi kimoutolu ko e fa‘ahinga ‘oku ta‘etoka‘i, mo mā‘ulalo ‘i he kakai kotoa, ko e tuha ‘o e ‘ikai te mou tauhi hoku ngaahi ‘alunga, ka mou hūmataniu ‘i he lao.
Ko e Fa‘a Afe ‘a e Kakaí Mei he ‘Otuá
10‘Ikai ‘oku taha pē ‘a e tamai ‘atautolu? ‘ikai ko e taha‘i ‘Otua na‘e ngaohi kitautolu? Ko e hā ‘oku tau kākaa‘i ai takitaha hono tokoua, he ngaohi ko e me‘a noa ‘a e kovinānite ‘a hotau tupu‘anga? 11Kuo fai kākā ‘a Siuta, pea ‘oku ai ‘a e me‘a fakalielia ‘oku fai ‘i ‘Isileli, pea ‘i Selusalema; he kuo maumau‘i ‘e Siuta ‘a e tāpuhā ‘o Sihova, ‘a e me‘a ‘oku ‘ofa ki ai ‘e he‘ene ‘Afio, pea kuo ne mali mo ha ‘ōfefine ‘o ha ‘otua muli. 12‘E tu‘usi ‘e Sihova ‘a e tangata ‘oku fai pehē, ‘A e o‘i mo e tali,#2.12 ‘oku puli ‘a e ‘uhinga ‘o e lea ni. ‘Oku hiki ‘e he ni‘ihi: ko e tangata faiako mo ‘ene ako. mei he ngaahi tēniti ‘o Sēkope, mo ia foki ‘oku ‘atu ha feilaulau kia Sihova Sāpaoti.#2.12 ‘E tu‘usi… Sāpaoti: ‘Oku ‘ikai ke mahino ‘a hono faka-Hepelū ‘o e vēsí ni, ka ‘oku pehē ‘i he hiki fuoloa ‘e taha: Fakatauange ke tu‘usi ‘e Sihova mei he kakai ‘Isilelí ‘a e fa‘ahinga na‘a nau fai ení, mo tapui ha‘anau toe kau ‘i he ‘ave tukumo‘ui ma‘a Sihova Sāpaoti.
13Mo e toe me‘a ko eni kuo mou fai: ho‘omou pani ‘a e ‘ōlita ‘o Sihova ‘aki ‘a e lo‘imata, ‘aki ‘a e tangi mo e māpuhoi, ‘a ē ā ‘oku ‘ikai te ne kei hāngai fofonga ai ki he feilaulau, pe tali fie tali mei homou nima. Ka ‘oku mou pehē, 14Koe‘uhi ko e hā? Koe‘uhi ko e fakamo‘oni ‘a Sihova ‘i he vaha‘a ‘o‘ou mo e uaifi ‘o ho‘o talavou, ‘a ia kuo ke fai kākā ki ai; ka ko ho kaume‘a ia, pea ko e uaifi na‘a ke fuakava ki ai. 15Pea ‘ikai na‘a ne ngaohi ha toko taha tofu pē? Ka na‘e toe ‘i he‘ene ‘Afio ‘a e laumālie.#2.15 Pea ‘ikai… laumālie: ‘Oku ngali tonu ‘a hono hiki ‘o e faka-Hepeluú ‘o: ‘Ikai na‘e ngaohi koe ke mo sino taha mo laumālie taha mo ia? Pea ko e hā na‘e toko taha ai pē? Ko ‘ene feinga ke ai ha hako faka-‘Otua.#2.15 ‘Oku fihi. Ko ia, mou lama homou laumālie, ke ‘oua na‘a ai ha kākā ‘e fai ki he uaifi ‘o ho‘o talavou. 16He ‘oku fehi‘a ‘a ‘ene ‘Afio ki he vete–ko e folofola ia ‘a Sihova ko e ‘Otua ‘o ‘Isileli. Seuke, ‘oku ne pani ‘aki hono kofu ‘a e fakamālohi–ko e folofola ia ‘a Sihova Sāpaoti–ko ia mou lama homou laumālie, ‘o ‘oua ‘e fai kākā.
Kuo Ofi ‘a e ‘Aho Fakamāú
17Kuo mou fakakina ‘a Sihova ‘aki ho‘omou lau. Ka ‘oku mou pehē, Kuo mau fakakina ia ‘i he hā? ‘I ho‘omou pehē, “‘Ilonga ha taha ‘oku faikovi, ‘oku hōifua ai ‘a e finangalo ‘o Sihova; ‘io, ko kinautolu ia ‘ene manako;” mo e lau ko eni, “Ko e fē tū ‘a e ‘Otua ‘o e fakamaau?”
Currently Selected:
KO MALAKAI 2: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.