KONI TANGILĀULAU 5
5
1 a SIHOVA, manatu ki he anga ‘o e me‘a kuo hoko kiate kimautolu
Tokanga‘i pea vakai ‘a e manuki ‘oku fai mai.
2Kuo tō homau tofi‘a ki ha ni‘ihi kehe,
‘A homau ngaahi fale ki ha kau muli.
3‘Oku mau nofo paea, ta‘eha tamai;
Ko ‘emau ngaahi fa‘ē ko e kau uitou tofu pē.
4Ko e vai ‘omautolu ‘oku mau inu totongi pē;
‘Oku ‘omi totongi ‘a e fefie, ka ko ‘emau ‘akau.
5‘Oku mei ala ki homau kia ‘a e kau tuli:
Kuo mau ongosia, ‘oku ‘ikai ha‘amau mālōlō.
6Kuo mau tukulolo ki ‘Isipite, ki ‘Āsilia;
Koe‘uhi ke mau mākona ‘i he me‘akai.
7Na‘e fai angahala ‘emau ngaahi kui, ‘oku ‘ikai te nau kei ‘i ai:
Ko kimautolu eni ‘oku fua ‘enau ngaahi kovi.
8‘Oku pule kiate kimautolu ‘eni tamaio‘eiki:
‘Oku ‘ikai ha taha ke hamusi mei honau nima.
9Ko ‘emau me‘akai ‘oku ‘omi ‘aki ‘emau mo‘ui,
Koe‘uhi ko e heletā ‘o e toafa.
10Ko homau kili ‘oku ‘uli‘uli hangē ha ‘ōvani,
Koe‘uhi ko e tauha‘a ‘o e honge.
11Na‘a nau tohotoho finemātu‘a ‘i Saione,
‘Ani tāupo‘ou ‘i he ngaahi kolo ‘o Siuta.
12Na‘a nau tautau hou‘eiki ‘aki honau nima,
Ko e mata ‘o e mātu‘a na‘e ‘ikai ha‘anau ‘a‘apa ki ai.
13Fua maka momosi ‘eni kau talavou,
Pea ngaofe ‘ani tamaiki ‘i he fua fefie.
14Kuo tuku ‘e he mātu‘a ‘enau ‘alu ki he matanikolo;
‘A e kau talavou ‘enau tā me‘alea.
15Kuo tuku ‘a e fiefia ‘a homau loto;
Kuo liliu ‘emau me‘e ko e tangilāulau.
16Kuo tō ‘a e kalauni mei homau ‘ulu;
‘Oiauē kimautolu! he kuo mau angahala.
17Koe‘uhi ko e me‘a ni kuo mahaki‘ia homau loto;
Kuo fakapo‘uli homau mata koe‘uhi ko e ngaahi me‘a ko ia:
18Koe‘uhi ko Mo‘unga Saione, ‘a ia ‘oku lala;
Ko e fanga fōkisi pē ‘oku ‘alu ai.
19Ko koe, ‘e Sihova, ‘oku ke ‘afio ‘o ta‘engata;
Ko ho taloni ‘oku laui to‘utangata.
20Ko e hā ‘oku ke fakangalo ai kimautolu ‘o ta‘engata?
‘Oku ke li‘aki kimautolu ‘o taimi fuoloa?
21‘E Sihova, fakafoki mai kimautolu ai ki he
‘Afiona, pea te mau foki ai;
Fakafo‘ou homau taimi ke hangē ko e taimi mu‘a.
22Ka na‘a kuo ke mātu‘aki li‘aki kimautolu,
Na‘a kuo lahi ‘aupito ho‘o tuputāmaki mai.
Currently Selected:
KONI TANGILĀULAU 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
