KO SIONA Ko e Talateu
Ko e Talateu
Ko e Tohi ‘a Sioná ‘oku ‘ikai ke fai tatau mo e ngaahi tohi ‘a e kau palofita kehe ‘o e Tohitapú ‘aki ‘ene tu‘u fakatalanoa ‘ana ‘o fakamatala ki he ngaahi me‘a na‘e fou ai ‘a e palōfitá, ‘a ia na‘á ne feinga ke talangata‘a ki he fekau ‘a e ‘Otuá. Na‘e fekau ‘e he ‘Otuá ke ‘alu ki Ninive, ‘a e kolomu‘a ‘o e fu‘u pule‘anga lahi ko ‘Āsiliá, ‘a e fili lahi taha ‘o ‘Isilelí. Ka na‘e ‘ikai fie ‘alu ki ai ‘a Siona ia mo e fekau ‘a e ‘Otuá, koe‘uhí he na‘e tui ia ‘e ‘ikai fakahoko mo‘oni ‘ene fekau ko ‘eni ke faka‘auha ‘a e koló.
‘Oku fakahaa‘i ‘i he tohí ni ‘a e pule aoniu ‘a e ‘Otuá ki he‘ene me‘a fakatupú. Kae mahulu hake ai ‘ene fakahaa‘i mai ‘a e ‘Otuá ko e ‘Otua ia ‘o e ‘ofa mo e meesi, ‘a ia ‘okú ne mokoi ange ke fakamolemole mo fakamo‘ui ‘a e kakaí, ‘o a‘u ki he ngaahi fili ‘o hono kakaí, ‘i he‘ene tautea mo faka‘auha kinautolu.
Ko e Kakano ‘o e Tohí
Ko e ui ‘o Sioná mo ‘ene talangata‘a (1.1-17)
Ko e fakatomala ‘a Siona mo hono fakahaofi (2.1-10)
Ko e fakahā ‘e Siona ‘a e houhau ‘o e ‘Otuá ‘i Ninive (3.1-10)
Ko e meesi ‘a e ‘Otuá ki Ninive (4.1-11)
Currently Selected:
KO SIONA Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.