KO ‘OPATAIA 1
1
1KO e vīsone ‘a ‘Opataia. Ko e folofola eni ‘a ‘Ātonai Sihova ki ‘Ītomi:#‘Ais 34.5-17; 63.1-6; Sel 49.7-22; ‘Isi 25.12-14; 35.1-15; ‘Ēmosi 1.11-12; Mal 1.2-5
‘E Tautea ‘e Sihova ‘a ‘Ītomi
Kuo mau ma‘u ha ongoongo meia Sihova,
Pea kuo tuku atu ha talafekau ki he ngaahi pule‘anga,
“Mou tu‘u, ‘io, tau tu‘u pe ki ai, ‘o tau.”
2Vakai, kuo u ngaohi koe ko e momo‘i me‘a ki he ngaahi pule‘anga:
Ko e ta‘etoka‘i ‘aupito koe.
3Ko ho lotolahi kuo takihee‘i koe,
‘A koe ‘oku nofo ‘i he ava‘i maka ‘o Pita,#1.3 pe Sela.
Ko hono nofo‘anga ‘a e taukakapa;#1.3 pe talitau‘anga.
‘Oku ne lau ‘i hono loto,
Ko hai te ne ‘ohifo au ki he kelekele?
4Neongo ho‘o heka mā‘olunga hangē ko e ‘īkale,
Pea neongo ho‘o ‘ai ho pununga ke lotolotoi he ngaahi fetu‘u,
Te u ‘ohifo koe mei ai–
ko Sihova ia mei he Ta‘ehāmai.
5Ka ne ha‘u kiate koe ha kau kaiha‘a,
Ka ne ‘oho po‘uli mai ha kaiha‘akau,
(‘Isa ko ho‘o ka‘anga na ko e ha!)
‘Ikai te nau kaiha‘a ke fe‘unga pē mo kinautolu?
Ka ne ha‘u ha kau toli kālepi kiate koe,
‘Ikai kuo nau fakatoe ha mo veve?
6Uoke! kuo mahakulea ‘a ‘Īsoa!
Uoke! Kuo ma‘ilo ‘ene ngaahi koloa fufū!
7Ko e tu‘unga me‘a kātoa na‘e talite mo koe
Te nau tuku atu koe ki he kau‘ā-fonua;
Ko ho kaume‘a fafale kuo nau takihee‘i koe,
Kuo nau lava‘i koe;
Ko e kakai na‘a mou keinanga
Na‘a nau ‘ai ha hele ki he potu ‘oku ke tu‘u ai;
‘Oku ‘ikai ha fakakaukau ‘iate ia!
8‘Ikai ‘e hoko ‘i he taimi ko ia–ko Sihova ia mei he Ta‘ehāmai–‘eku faka‘osi ‘a e kau poto mei ‘Ītomi, mo e fakakaukau mei Mo‘unga ‘Īsoa? 9Pea ‘e mo‘umateā ho‘o kau helo, si‘i Tīmani, koe‘uhiā ke fakaeve ‘a e tangata mei Mo‘unga ‘Īsoa he matetu‘u pē.
Ko e ‘Uhinga ‘o hono Tautea ‘o ‘Ītomí
10Ko e me‘a ‘i ho‘o fai fakamālohi ki ho tokoua ko Sēkope#1.10 ho tokoua; Ko e kakai ‘Isilelí ko e hako kinautolu ‘o Sēkope ko e tokoua ‘o ‘Īsoa, ‘a ia na‘e tupu mei ai ‘a e kakai ‘Ītomí. ‘e ‘ufi‘ufi koe ‘e he mā, pea ‘e tu‘usi koe ‘o ta‘engata. 11‘I he ‘aho na‘a ke tu‘u ‘o hanga mai, ‘i he ‘aho na‘e taki pōpula ai hono mālohinga ‘e ha kau muli, pea hū ki hono matanikolo ha fa‘ahinga kehe, ‘o nau fai talotalo ki Selusalema, ko koe foki na‘a ke tatau tofu pē mo ha taha ‘iate kinautolu. 12‘Ā, ‘oua#1.12 pe na‘e ‘ikai lelei ho‘o fakasio, pea pehē ‘i he veesi 13 mo e 14. te ke fakasio ‘oka hoko ‘a e ‘aho ‘o ho tokoua, ‘a e ‘aho ‘o ‘ene hoko ko e taha nofo muli; pea ‘oua te ke katakata ‘ia ha‘a Siuta ‘i he ‘aho ‘o honau faka‘auha; pea ‘oua te ke lea fielahi ‘i he ‘aho ‘o e mamahi. 13‘Oua te ke hū ki he matanikolo ‘o hoku kakai ‘i he ‘aho ‘o ‘enau tu‘utāmaki; pea ‘oua foki te ke hanga ‘e koe ki he‘enau kovi ‘i he ‘aho ‘o ‘enau tu‘utāmaki, pea ‘oua te ke ala ki hono mālohinga ‘i he ‘aho ‘o ‘enau tu‘utāmaki. 14Pea ‘oua te ke tu‘u ‘i he fakama‘ungatu‘u ‘o e hala, ke tu‘usi hono kakai kuo hao; pea ‘oua te ke tukuange hono toenga ‘i he ‘aho ‘o e mamahi.
‘E Fakamāu‘i ‘e he ‘Otuá ‘a e ngaahi Pule‘angá
15He ‘oku ofi ‘a e ‘Aho ‘o e ‘Eiki ki he ngaahi pule‘anga kotoa: hangē ko ho‘o fai ‘e pehē ‘a e fai kiate koe; ‘e foki ho‘o ngāue ki ho tumu‘aki. 16He hangē kuo mou inu kava ‘i he funga ‘o hoku mo‘unga tapu,#1.16 mo‘unga tapu; Ko e Mo‘unga ko Saioné ia (Vakai ki he “Ngaahi Huluhulu”). pehē ‘e inu ‘a e ngaahi pule‘anga kotoa ‘i he taimi hokohoko, ‘io, te nau inu, mo folo, pea te nau hoko ‘o hangē kuo te‘eki ke nau ‘i ai.
Ko e Ikuna ‘a ‘Isilelí
17Ka ‘e ai ha kau hao ‘i Mo unga Saione, pea ‘e hoko ia ko e potu tapu; pea ko e fale ‘o Sēkope te nau ma‘u honau ngaahi tofi‘a. 18Pea ‘e hoko ‘a e fale ‘o Sēkope ko e afi, pea ko e fale ‘o Siosifa ko e ulo, pea ko e fale ‘o ‘Īsoa ko e kafukafu, pea te nau tutu kinautolu, ‘o keina kinautolu: pea ‘e ‘ikai ha toe ki he fale ‘o ‘Īsoa–tala atu ko e folofola ia ‘a Sihova. 19Pea ko e ha‘a nofo ‘i he Tonga te nau tofi‘a ‘aki ‘a Mo‘unga ‘Īsoa; pea ‘e ma‘u ‘a e kau Filisitia ‘e he nofo Sēfela‘a: pea ‘e tofi‘a ‘aki ‘e he fa‘ahinga ko ē ‘a e tuku‘uta ‘o ‘Ifalemi, mo e tuku‘uta ‘o Samēlia; pea ‘e ma‘u ‘e Penisimani ‘a Kiliati. 20Pea ko e kau pōpula ‘oku ‘i he fononga ko ē ‘o ha‘a ‘Isileli, te nau ma‘u ‘a e kau Kēnani,#1.20 te nau… kau Kēnani; pe ‘oku ‘i he kau Kēnaní. ‘o a‘u ki Salepita; pea ko e kau pōpula ‘o Selusalema ‘oku ‘i Sefalata, te nau ma‘u ‘a e ngaahi kolo ‘o e feitu‘u ko Tonga. 21Pea ‘e hake ha kau taukapo ‘i Mo‘unga Saione ke fakamaau ‘a Mo‘unga ‘Īsoa; pea ‘e ‘a Sihova ‘a e Pule‘anga.
Currently Selected:
KO ‘OPATAIA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
