KO SIONA 1
1
Ko e Talangata‘a ‘a Siona kia Sihova
1PEA na‘e hoko ‘a e folofola ‘a Sihova kia Siona ko e foha ‘o ‘Amitai, ‘o pehē,#2 Tu‘i 14.25 2Tu‘u ‘o ‘alu ki Ninive, ‘a e fu‘u kolo ko ia, pea ke fanongonongo ki ai; he kuo a‘u hake ‘enau ngaahi faikovi ki hoku ‘ao. 3Ka ka tu‘u hake ‘a Siona ke hola ki Tāsisi mei he‘ene fakafeangai kia Sihova; ‘o ne ‘alu hifo ki Siopa, pea ne ‘ilo ai ha vaka ‘oku ‘alu ki Tāsisi; pea ne ‘atu ‘a e totongi, ‘o ne heka ki ai, ke ‘alu mo kin1autolu ki Tāsisi mei he‘ene fakafeangai kia Sihova.
4Ka ka tuku atu ‘e Sihova ha matangi lahi ki he tahi, pea na‘e hoko ha fu‘u hou ‘i he tahi, pea na‘e hangē ka maumau ‘a e vaka. 5Pea na‘e manavahē ‘a e kauvaka, ‘o nau tautapa takitaha ki hono ‘otua; pea nau tolo ‘a e koloa na‘e ‘i he vaka,#1.5 ‘a e koloa… vaka; pe alangavaka. ke fakama‘ama‘a hono mamafa ko ia.#1.5 ke fakama‘ama‘a hono mamafa ko ia; pe fakasi‘isi‘i ange ‘enau matu‘utāmakí. Ka kuo ‘alu hifo ‘a Siona ki he ‘ana, he na‘e fakafungavaka: pea kuo ne tokoto ai ‘o mohe.
6Pea ‘alu hifo ki ai ‘a e ‘eikivaka, ‘o ne lea kiate ia, Ko e hā kuo hoko kiate koe, ‘a e mohe na? Tu‘u, tautapa ki ho ‘Otua; hei‘ilo ‘e tokanga‘i kitautolu ‘e he ‘Otua, ‘o ‘oua te tau mole.
7Pea nau fealēlea‘aki, ‘Ē, tau talotalo mu‘a, ka tau ‘ilo pe kuo tō mai ‘a e kovi ni koe‘uhi ko hai. Pea nau fai ‘a e talotalo, pea tonu ‘a e talotalo kia Siona. 8Pea nau pehē kiate ia, Fakahā mai mu‘a pe ‘oku tau mo‘ua ‘i he kovi ni ko e me‘a ‘a hai. Ko e hā ho lakanga? Pea ko ho‘o ha‘u mei fē? Ko e fē ho fonua? Pea ko e toko taha ‘o e kakai fē?
9Pea pehē ‘e ia kiate kinautolu, Ko e Hepelū au; pea ko Sihova ko e ‘Otua ‘o langi ‘oku ou lotu ki ai, ‘a ‘Ene ‘Afio na‘a ne ngaohi ‘a tahi mo e mōmoa. 10Pea manavahē ‘a e kau tangata–ko e manavahē ka ko ha manavahē–pea nau pehē kiate ia, Ko e hā na‘a ke fai pehē ai?#1.10 Ko e hā… ai; pe Ko e me‘a faka‘ulia na‘á ke faí. (He na‘e ‘ilo ‘e he kau siana ko ‘ene hola ē mei he fakafe‘ao kia Sihova, he kuo ne tala kiate kinautolu.)
11Pea nau lea kiate ia, ‘o pehē, Ko e hā te mau fai kiate koe, kae laolao mai ‘a e tahi? he na‘e fakautuutu ‘a e tahi ‘ene hou.
12Pea pehē ‘e ia kiate kinautolu, Hiki au, ‘o tolo ki tahi; pea ‘e toki laolao ‘a e tahi kiate kimoutolu; he ‘oku ou ‘ilo kuo tō mai ‘a e fu‘u matangi ni kiate kimoutolu koe‘uhi ko au.
13Ka ka fekeli ‘a e kau tangata ke a‘u ki ‘uta; ka na‘e ‘ikai te nau lava; he na‘e fakautuutu ‘a e tahi ‘ene hou mai. 14Ko ia, na‘a nau lotu kia Sihova, ‘o nau pehē, Tauange mo Sihova ke ‘oua na‘a ‘auha kimautolu koe‘uhi ko e mo‘ui ‘a e tangata ni, pea ‘oua ‘e hilifaki kiate kimautolu ha taku fakapō; he ko koe, ‘e Sihova, kuo ke fai ho‘o fa‘iteliha. 15Pea nau toki hiki ai ‘a Siona, ‘o tolo ki tahi; pea tuku ai ‘e he tahi ‘ene hou. 16Pea manavahē ‘a e kau siana kia Sihova–ko e manavahē ka ko ha manavahē–pea nau fai feilaulau kia Sihova, mo ha ngaahi tukumo‘ui.
17Ka kuo tokonaki ‘e Sihova ha fu‘u ika lahi ke folo ‘a Siona. Pea na‘e ‘i he kete ‘o e ika ‘a Siona, ‘o ‘aho tolu mo pō tolu.#Māt 12.40
Currently Selected:
KO SIONA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
