KO SIONA 3
3
Ko e Talangofua ‘a Siona kia Sihova
1PEA hoko ‘a e folofola ‘a Sihova kia Siona ko hono tu‘o ua, ‘o pehē, 2Tu‘u, ‘o ‘alu ki Ninive, ‘a e fu‘u kolo ko ē, ‘o fanongonongo ai ‘a e fanongonongo te u tala kiate koe. 3Pea tu‘u ai ‘a Siona, ‘o ne ‘alu ki Ninive, ‘o hangē ko e folofola ‘a Sihova. Ka ko Ninive ko e kolo lahi ki langi, ko e ‘alu ai ko e vā‘ihala ‘o e ‘aho ‘e tolu. 4Pea kamata ‘e Siona ‘ene hū ki he kolo ko e vā‘ihala ‘o e ‘aho ‘e taha, mo ‘ene kalanga ‘o pehē, Toe fāngofulu‘i ‘aho, pea kuo fulihi ‘a Ninive!#Māt 12.41; Luk 11.32
5Pea tui ‘a e kakai Ninive ki he ‘Otua, ‘o nau fanongonongo ha ‘aukai, mo nau ‘ai tauanga‘a, mei he lahi ki he si‘i.
6Pea na‘e pā ‘a e me‘a ki he Tu‘i Ninive, pea ne tu‘u mei hono taloni, ‘o ne hu‘ihu‘i hono kofu lahi, ‘o ne ‘ai tauanga‘a, ‘o ne nofo ‘i he efuefu. 7Pea na‘e fanongonongo mo tala ‘i Ninive ‘i he fekau ‘a e tu‘i mo hono hou‘eiki, ‘o pehē, ‘A e kakai mo e manu–manu lalahi mo e manu iiki–‘oua ‘e mama ha momo‘i me‘a– 8‘Oua te nau kaikai–pea ‘oua te nau inu ha vai–pea ke ‘ai tauanga‘a ‘a e kakai mo e manu–pea ke nau tangi ki he ‘Otua, ‘o fai mālohi–pea tafoki takitaha mei hono hala kovi–pea mei he fakamālohi ‘oku ‘i hono nima– 9hei‘ilo ‘e liliu ‘a ‘Elohimi, ‘o lolou–mo foki mei hono houhau kakaha–‘o ‘oua na‘a tau ‘auha.
10Pea ‘afio‘i ‘e ‘Elohimi ‘a ‘enau tō‘onga, kuo nau tafoki mei honau ngaahi ‘alunga kovi, pea na‘e louaki ‘e ‘Elohimi mei he kovi na‘a ne pehē te ne fai kiate kinautolu; pea na‘e ‘ikai te ne fai.
Currently Selected:
KO SIONA 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
