KO SIONA 2
2
Ko e Lotu ‘a Siona
1PEA lotu ‘a Siona kia Sihova ko hono ‘Otua mei he kete ‘o e ika.
2Pea ne pehē,
Na‘a ku tangi mei he‘eku mamahi kia Sihova,
Pea na‘a ne fanongoa;
Mei loto Hētesi na‘a ku tautapa,
Na‘a ke ongona ‘eku lea.
3He kuo ke lī au ki he moana,
Ki he loto tahi mama‘o na:
Pea na‘e takatakai au ‘e he ‘au;
Ko e kātoa ‘o ho‘o ngaahi peau mo ho‘o ngaahi ngalu loa
Na‘e laka ‘iate au.
4Pea u pehē ‘e au,
Kuo li‘aki au mei ho‘o vakai;
Ka neongo ia, te u toe hanga atu
Ki ho temipale tapu.
5Na‘e feta‘ota‘omi mai ‘a e ngaahi konga tahi,
‘O a‘u ki he‘eku mo‘ui;
Na‘e kāpui au ‘e he moana hauhau;
Na‘e pulonga hoku ‘ulu ‘e he limu.
6Na‘a ku ‘alu hifo ki he ngaahi tefito‘i mo‘unga;
Na‘e tāpuni kiate au ‘o ta‘engata ‘a e ngaahi songo ‘o e fonua:#2.6 ‘a e… fonuá; Ko e ngaahi matapā eni ‘oku hū atu ai ki he nofo‘anga ‘o e kakai kuo maté (vakai ki he 2.2).
Ka na‘a ke ‘ohake ‘eku mo‘ui mei he ‘auha,
‘E Sihova ko hoku ‘Otua.
7‘I he pongia mai ‘eku mo‘ui,
Ko Sihova na‘a ku manatu‘i:
Pea na‘e a‘u atu kiate koe ‘eku lotu,
Ki ho temipale toputapu.
8Ko kinautolu ‘oku tauhi ‘a e ngaahi muna kākā
‘Oku nau li‘aki honau lelei‘anga.
9Ka ko au ke u feilaulau atu mai,
Mo lau ‘eku fakafeta‘i;
Ka u totongi mai ‘eku tukumo‘ui.
‘Oku ‘a e ‘Eiki ‘a e fakamo‘ui.
10Pea lea ‘a Sihova ki he ika, pea ne pu‘aki ‘a Siona ki he mōmoa.
Currently Selected:
KO SIONA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
