KO SIOPE 9
9
Ko Siope
1PEA tali ‘a Siope, ‘o ne pehē,
2Seuke, ‘oku ou ‘ilo ‘oku pehē;
Kae tonuhia fēfē ha tangata me‘a vaivai ‘i he fai mo ‘Ela?#Siope 4.17
3Kapau ‘oku ne loto ke fai mo e ‘Afio,
‘E ‘ikai te ne matali ha taha ‘i he afe‘i fehu‘i.#9.3 ‘E ‘ikai te ne matali [‘e he tangatá] ha taha ‘i he afe‘i fehu‘i [‘e fai ‘e he ‘Otuá]; pe Te ne fai [‘e he tangatá] ha fehu‘i ‘e taha afe, pea ‘e ‘ikai te tali [‘e he ‘Otuá].
4‘A e Finangalo poto na, mo Ivi kaukaua,
Ko hai kuo ne faka‘uketau kiate ia ‘o tu‘umālie?
5‘A e ‘Afio ‘oku ne hiki mo‘unga ta‘e te nau ‘ilo ki ai,
‘Ene fulihi kinautolu ‘i he‘ene houhau.
6‘A e ‘Afio ‘oku ne lulu ‘a māmani, ‘o ue‘i mei hono feitu‘u,
Pea fengatāliaki ai hono ngaahi pou.
7‘A e ‘Afio ‘oku ne fai ‘ene fekau ki he la‘ā,
Pea tuku ai ‘ene hopo;
‘Oku ne sila‘i ‘a e ngaahi fetu‘u, ‘o tāpuni.
8‘Ene folahi toko taha pē ‘a e ngaahi langi,
Mo hā‘elea ‘a e ngaahi mā‘olunga ‘o e tahi ‘ea.#9.8 ‘a e mā‘olunga ‘o e tahi ‘eá; pe ‘a e papatu‘a ‘o e manu fakailifia ‘o tahí; Ko e lau ia ki he manu fakailifia ‘o tahi ‘a ia na‘e pehē he ngaahi talatupu‘a ‘o ono‘ahó na‘e tāmate‘i pea toki tāmoloki (vakai ai pē ki he 26.13).
9‘A e ‘Afio na‘a ne ngaohi ‘a e Pea,#Siope 38.31; ‘Ēmosi 5.8 ‘a ‘Olioni, pea mo Mataliki,
Mo e ngaahi pupunga#9.9 ngaahi pupunga; pe ko e ngaahi loki. ‘o e feitu‘u tonga.
10‘A e ‘Afio ‘oku ne fai me‘a lalahi mo ta‘emahakulea;
Moni me‘a fakaofo mo ta‘efa‘alaua.
11Vakai, ‘oku ne hala tutu‘u mai,
Ka ‘oku ‘ikai te u sio ki ai;
‘Oku ne moulu ‘i hoku tafa‘aki,
Ka ‘oku ‘ikai te u ma‘iloa.
12Vakai, ‘oku ne ala ke fa‘ao: ko hai te ne ta‘ofi mai?
Ko hai te ne malea ki He‘ene ‘Afio,
“Ko e hā tū ia ‘oku ke fai?”
13Ko ‘Elohā, ka ‘ikai ta‘ofi ‘e ia hono houhau;
Na‘a mo e kau tokoni ‘a Lēhapi#9.13 Lēhapi; Ko e manu fakailifia ‘o tahi ‘i he ngaahi talatupu‘a ‘o ono‘aho, ‘a ia na‘e ngāue‘aki ko e faka‘ilonga ‘o koví mo e moveuveú. ‘oku mapelu ko e ‘ikai matu‘uaki.
14Pea fēfē ai ha‘aku fakatau folofola ki ai ‘e au,
‘O fili lea ke fai ki He‘ene ‘Afio?
15He neongo ‘eku tonuhia, tala‘ehai te u lava ke fakamatala;
Ko e me‘a pē ke u hū tōtōaki kiate ia kuo ma hopo mo au.
16Ka ne u tangi kiate ia, ‘o ne tali au;
‘E ‘ikai te u tui te ne ongo‘i ‘eku lea.
17He ‘oku ne laiki au ‘aki ha afā,
Mo fakalahi lavea tu‘unga‘a.
18‘Oku ‘ikai te ne tuku ke u mānava hake,
Ka kuo ne fakafonu me‘a kona au.
19“Kapau ko e fe‘auhi mālohi, KO AU eni!
Kapau ko e fe‘auhi tonuhia, ko hai te ne faka‘ilo AU?”#9.19 faka‘ilo AU? Ko hono faka-Hepeluú ia, ka ‘oku ‘ikai ke mahino ‘a e ‘uhinga ‘o e vēsí ni. ‘Oku ngali tonu hono hiki ‘o; Kapau ko e fe‘auhi mālohi, vakai ange kiate ia! Pea kapau ko e fe‘auhi tonuhia, ko hai te ne faka‘ilo ia?
20Kapau te u pehē, ‘Oku ou tonuhia,
‘E fakahalaia au ‘e hoku ngutu ‘o‘oku:
Kapau te u pehē, ko e haohaoa kita,
Te ne tala ko e mamio au.
21Kuo u haohaoa–hei‘ilo ki hoku laumālie.
‘Oku ou fehi‘a ki he‘eku mo‘ui–
22‘Oku tatau ai pē–ko ia te u lea.
Ko e haohaoa mo e angahala ‘oku Ne faka‘auha tatau pē!
23Ka tā atu fakafokifā pē ‘e he mala,
‘Oku Ne kata ‘i he ‘au#9.23 ‘au; ‘Oku ‘ikai ke mahino ‘a hono faka-Hepeluú. ‘a e ta‘ehalaia.
24Ko e fonua ē kuo ne tuku ki he nima ‘o e angahala:
Ko e mata ‘o hono kau pule ‘oku Ne fakapūlou.
Kapau ‘oku ‘ikai ko Ia,
Pea tū ko hai nai?
25Ko hoku ngaahi ‘aho foki ‘oku vave ange ‘i ha talafekau lele:
‘Oku nau puna atu te‘eki ke nau ‘ilo ha lelei.
26‘Oku nau sīfā atu hangē ni vaka pepailo:
Hangē ko e lofa ‘a e ‘īkale ki he‘ene kai.
27Kapau te u pehē, Te u tata‘o ‘eku lāunga,
Te u tuku ‘eku mapelu, ‘o u hanga hake:
28‘Oku ou teki ki he‘eku ‘ū mamahi,
‘Oku ou ‘ilo ‘e ‘ikai te ke lau au ‘oku ou ‘atā.
29Kuo pau ke fakahalaia au:
Koe‘uma‘ā ai ‘eku fakaongosia noa?
30Ka ne u kaukau vai sinou,
‘O fanofano ‘aki ‘a e sota;
31Ka te ke fakauku au ki he tokanga pela,
Pea na‘a mo hoku ‘ū kofu ‘e fakalili‘a kiate au.
32He tala‘ehai ko e tangata ia hangē ko au
Ke u fai ki ai ha tali,
‘O ma ō fakataha ki he fakamāu‘anga.
33Tala‘ehai#9.33 Tala‘ehai; Ko hono liliu ‘e taha ko e: Faka‘amu ange mai ‘e au. ‘oku ‘i ai ha taha ke tu‘u ‘i homa vaha‘a;
Ha taha te ne puke kimaua ‘osi pē,
34‘O ta‘ofi ‘Ene tā meiate au,
Ke ‘oua na‘a ku tāfu‘ua ‘i hono ngeia:
35Te u toki lea, ‘o ‘ikai te u manavahē kiate ia;
He tala‘ehai ‘oku ou sio pehē kiate au.
Currently Selected:
KO SIOPE 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
