KO SIOPE 6
6
Ko Siope
1PEA tali ‘e Siope, ‘o pehē,
2Taumaiā ke fua totonu ‘eku ‘itangofua,
‘Io, ke ‘ai fakataha ia mo ‘eku mamahi ‘i he fuatautau!
3‘E toki hā ai ‘ene mamafa ‘i he ‘one‘one ‘o e tahi:
Ko hono ō ia na‘e puna noa ai ‘eku lea.
4He ‘oku ‘iate au ‘a e ngaahi ngahau ‘a Sātai,
Pea ko hono kona ‘oku ne fakamaha hoku laumālie:
Pea ‘oku fakatē mai ‘a e ngaahi ngeia ‘o ‘Elohā.
5‘Oku tangi hoha‘a koā ‘a e ‘asi vao ‘oku ne ma‘u ha mohuku mata?
Pe ‘oku tangi ‘aulotu ha pulu ‘oku ma‘u me‘akai lelei?
6‘E kai ‘a e me‘a ta‘eifo, ‘o ‘ikai ‘ai ha māsima?
Pea na‘a ‘oku fō ha hu‘a teve?
7Ko e ngaahi me‘a ‘oku fehi‘a ‘eku mo‘ui ke lave ai–
Ko e koto fakalielia ko ia ke u me‘akai ‘aki tokua!#6.7 ‘Oku ngali tonu ‘a hono hiki ko ia ‘o e ve =sí ni, ka ‘oku ‘ikai ke mahino ‘a hono faka-Hepeluú.
8Taumaiā ke ‘omi ‘eku kole;
‘Io, ke tuku mai ‘e ‘Elohā ‘eku faka‘amu!
9‘Io, ke finangalo ‘a ‘Elohā ke laiki au;
Ke tuku ‘ene fakama‘uma‘u, kae ala mai, ‘o tu‘usi!
10Pehē ‘e ai ha‘aku ki‘i fiemālie;
Seuke, neongo ‘oku ‘ikai ke faka‘ange‘ange ‘a e mamahi,
Ka te u me‘e hopohopo pē:
Koe‘uhi kuo ‘ikai te u fakatale‘i ‘a e folofola ‘a e Tāpuhā.
11‘Oku fēfē fua hoku ivi ke u kītaki atu ai?
Mo e hā fua ha me‘a te u iku ki ai ka u fakama‘uma‘u?
12He ko hoku ivi ko e ivi ‘o e maka?
He ko hoku kakano ko e ukamea?
13Hono ‘ikai kuo u ta‘eha ivi toetoe,
Pea kuo fakateka ‘a e poupou meiate au?
14Ka vaivai#6.14 vaivai; pe faingata‘a‘ia; ka ‘oku ‘ikai ke mahino ‘a hono faka-Hepeluú. ha taha, ko e tavi ‘o hono kaume‘a ke fai ha ‘ofa ki ai;
Na‘a ‘iloange te ne tuku ‘ene ‘apasia kia Sātai.
15Ko hoku kāinga ni kuo fai fiemu‘a hangē ha tele‘a,
Hangē ko e vai ‘o e ngaahi tele‘a, ‘a ia ‘oku mole.
16Si‘ene vai ‘uli‘uli ‘i he ‘aisi,
Ko e sinou ‘oku fufū ai:
17Pea ka hoko hono taimi ke tafe ‘oku nau kamata mingi:
Ka māfana leva kuo nau mei ‘osi mei honau feitu‘u.
18‘Oku afe ‘a e ngaahi kalavana ki ai;
‘Oku nau ‘alu ki he fonua mamate ‘o ‘auha ai.
19Na‘e sio ki ai ‘a e ngaahi kalavana ‘o Teima,
Na‘e kītaki ‘a e ngaahi fononga ‘o Sipa koe‘uhi ko ia.
20Ko e koto laea kinautolu, he na‘a nau ‘amanaki;
Na‘a nau ‘alu atu ‘o a‘u, pea nau puputu‘u.
21He ko eni, kuo mou hoko#6.21 hoko [= hangē]; Ngalingali ko hono hiki totonú ia, ka ko hono faka-Hepeluú ko e: koe‘uhí. kimoutolu ko e noa;#6.21 ko e [me‘a] noa; Ko hono fakalea ia ‘i he kakano ‘o e ngaahi tohi lahi ‘i he hiki faka-Hepeluú, ka ko e kiate ia ‘i he tapa‘i pēsí, pea ko e kiate au ‘i he tohi ‘e taha ai. ‘Oku pehē he ngaahi hiki fuoloa ‘e ni‘ihi: mo e taha. ‘Oku ngali tonu hono hiki ‘o: ‘Oku mou hangē ko e ngaahi vaitafe maha ko iá kiate au.
Ko ho‘omou sio leva ki he koto havehave ni, pea mou ilifia.
22He na‘a ke pehē, ‘Omi ha‘aku me‘a?
Pē, Fai ha fakalelei ma‘aku mei ho‘omou koloa?
23Pē, Mou fakahaofi au mei he nima ‘o e fili?
Pē, Huhu‘i au mei he fa‘iteliha ‘a e kau nima mālohi?
24Ako‘i au, pea te u fakalongo pē:
‘Io, fakamahino mai pe kuo u hē ‘i he hā.
25Hono ‘ikai ‘asi ‘a e ngaahi lea ‘oku taunga tonu!
Ka ko ho‘omou faka‘ilo ‘oku tau ki he hā?
26Na‘a ko ho‘omou pehē ke faka‘ilo lea?
Ka ko e lea ‘a e loto mate ‘oku ma‘a e matangi pē.
27‘Ā! te mou talotalo ke ma‘u ‘a e tamai mate;
Pea te mou fakatau homou kaume‘a.
28Pea ko eni, mou hanga mai mu‘a kiate au;
Pea hā ki homou mata pe ‘oku ou loi.
29Toe fai mu‘a.
‘Oua ‘e longo mo e loto.
‘Io, toe fai: ‘e tonu ai pē ‘eku me‘a.
30He ‘oku ‘ikai ke fakaifoifo tonu koā ‘a hoku ‘elelo?
Pea na‘a ‘oku ‘ikai ke lava ‘e hoku ‘ao‘ingutu ke ‘ilo ‘a e me‘a ‘oku kovi?
Currently Selected:
KO SIOPE 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
