KO SIOPE 27
27
Ko Siope
1PEA fai atu ‘e Siope, ‘o ne ofa‘aki ‘ene ta‘anga, ‘o ne pehē:
2Tangi ‘a e mo‘ui ‘a ‘Ela,
‘A ia kuo ne to‘o ‘eku malu fakalao;
Pea tangi ‘a e mo‘ui ‘a Sātai,
‘A ia kuo ne fakakona ‘eku mo‘ui;
3Kae lolotonga ‘oku ‘iate au ‘eku mānava,
Mo e ‘i hoku ava‘i ihu ‘a e hō ‘a ‘Elohā;
4‘Ilo ‘e au kapau ‘e lea kovi ‘e hoku loungutu,
Pe lau kākā ‘e hoku ‘elelo ni.
5Molekemama‘o ha‘aku fakatonuhia kimoutolu;
‘E ‘ikai te u tukuange ‘eku mā‘oni‘oni ‘o a‘u ki he mate.
6Ko ‘eku totonu ni te u puke ki ai, ‘o ‘ikai te u momo‘i fakamalūlū ange;
‘Oku ‘ikai haku ‘aho ‘e taha ‘oku tautea ai au ‘e hoku loto.
7Ko hoku fili pē ‘e hā ko e angahala,
Pea ko ia ‘oku ne tu‘u kiate au ‘e hā ko e mamio.#27.7 ‘e hā ko e mamio; ‘Oku toe hiki: ke ne hoko ko e angahala.
8He ko e hā ‘a e falala‘anga ‘o e angahala fufū ‘oka tu‘usi ia?
‘Oka unuhi ‘e ‘Elohā hono laumālie?
9‘E ongo‘i koā ‘e ‘Ela ‘ene tautapa,
‘Oka falala kiate ia ‘a e faingata‘a?
10Te ne lava ke felātani mo Sātai?
Te ne lava ke ui kia ‘Elohā he taimi kotoa pē?
11Te u fakahā kiate kimoutolu ‘a e anga ‘o e fai ‘a ‘Ela:
‘E ‘ikai te u fufū ‘a e me‘a ‘oku taka ‘ia Sātai.
12Seuke, kuo mou sio ki ai ‘e kimoutolu kotoa:
Pea tū ko e fai ai ho‘omou fakamuna, ko e hā?
Ko Sofa‘a#27.13 Sofa‘a; ‘Oku ‘ikai ke tu‘u e hingoa ‘o Sofa‘á he potu tohí ni, ka ‘oku tui ‘a e kau vete Tohitapu tokolahi ko e lea eni ‘a‘ana.
13Ko eni ‘a e tofi‘a meia ‘Ela ‘o e tangata angahala,
Mo e ‘inasi ‘o e kau fakamālohi ‘oku nau ma‘u meia Sātai.
14Kapau ‘oku tokolahi ‘ene fānau, ‘oku ma‘a e heletā pē;
Pea ‘oku ‘ikai mākona hono pikilau ‘i he me‘akai.
15Ko hono toenga ‘oku tanu ‘e he mahaki faka‘auha,
Pea ‘oku ‘ikai fai ha tēngihia ‘e hono kau uitou,
16Neongo ‘ene fokotu‘u noa ‘a e siliva hangē ko e efu,
Pea tokonaki kofu hangē ha te‘etanu;
17‘Oku ne tokonaki pē, ka ‘oku kofu ‘aki ‘e he mā‘oni‘oni,
Pea ko e siliva ‘e tufa ‘e he kau ‘ata‘atā.
18‘Oku ne langa fakamū#27.18 fakamū; Ko hono faka-Hepeluú ia, pe fakamanupuna; ka ‘oku pehē ‘i he ngaahi hiki fuoloa ‘e ni‘ihi: fakahina (hangē ha matamatakupengá). hono fale,
Pea hangē ha palepale ‘oku ngaohi ‘e he tauhi ngoue.
19‘Oku ne tokoto koloa‘ia, ka ‘oku ‘ikai ke toe fai:#27.19 ka ‘oku… fai; Ko hono fakalea ia ‘i he ngaahi hiki fuoloa ‘e ni‘ihi, ka ‘oku pehē ‘i he faka-Hepeluú: ‘E ikai ke tānaki kinautolu.
Ka ofo hake–‘oku ‘ikai.
20‘Oku a‘u mai ki ai ‘a e ngaahi ilifia hangē ko e lōmaki,
‘Oku lami‘i po‘uli ia ‘e he ‘ahiohio.
21‘Oku hiki ‘e he matangi hahake, pea ‘oku ne ‘alu,
Pea ‘oku ne fakapuna ia mei he potu na‘a ne ‘i ai.
22‘Io, ‘oku tukuna atu ki ai ‘e he ‘Afio ta‘eha‘ane mamae;
‘Oku ne mātu‘aki feinga ke hola mei hono nima.
23‘Oku nau pasipasi nima ki ai,
‘O sese‘e ia mei hono potu.
Currently Selected:
KO SIOPE 27: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
