KO SIOPE 26
26
Ko Siope
1PEA tali ‘a Siope, ‘o ne pehē,
2Mālō ho‘o tokoni ki he masiva ivi!
Ho‘o poupou ki he nima ta‘ehano ngū!
3Mālō ho‘o fale‘i ‘a e masiva poto,
Mo ho‘o fukefuke ‘a e poto mo‘onia!
4Ko ho‘o fai ‘a e fu‘u malanga na kia hai?
Pea ko e mānava ‘a hai ne ‘alu atu ‘ia koe?
Ko Pilitati#26.5 Pilitati; ‘Oku ‘ikai ke tu‘u e hingoa ‘o Pilitatí he potu tohí ni, ka ‘oku tui ‘a e kau vete Tohitapu tokolahi ko e lea eni ‘a‘ana.
5Ko e kau ‘ata na ‘oku tete
‘I he lalo ‘ōseni mo e nofo ai.
6‘Oku utua telefua ‘a Hētesi ki He‘ene ‘Afio,
Pea ‘oku ‘ikai hano puipui ki ‘Apatoni.
7‘Oku ne folahi ‘a e Tokelau ki he funga Vavā,
‘Oku ne tautau ‘a māmani ki he ‘ikai.
8‘Oku ne lokuloku ‘a e vai ‘i he‘ene ngaahi loa na;
Pea ‘oku ‘ikai mahae ‘a e ngaahi ‘ao ‘i hono mamafa.
9‘Oku ne puipui ‘a e mata ‘o hono taloni,
‘Ene fofola ai ‘ene ‘ao na.
10‘Oku ne tohi ha seakale ki he funga vai,
‘O a‘u ki he ngata‘anga ‘o e maama mo e po‘uli.
11‘Oku tete ‘a e ngaahi pou ‘o langi,
‘O nau tumu ‘i he valoki ‘a ‘Ene ‘Afio.
12‘Oku ne ue‘i ‘a e tahi ‘aki hono māfimafi,#26.12 ‘Oku ne ue‘i… māfimafí; Ko e lau eni ki he tau ‘a e tahí mo e ‘Otuá ‘i he ngaahi talatupu‘a ‘o ono‘aho.
‘Oku ne laiki ‘a Lēhapi#26.12 Lēhapi; Vakai ki he 9.13. ‘aki ‘ene poto.
13Ko e fai‘aki ‘ene mānava ‘oku ma‘a ai ‘a e langi:
Pea ‘oku veloi ‘e hono nima ‘a e Talākoni fakalava.#26.13 Talākoni fakalava; ‘Oku toe hiki ko e Talākoni, ve‘evave, hola, pikopiko. Vakai ki he 9.8.
14Vakai, ko e ngaahi me‘a ko ia ko e hikuhiku pē ‘o hono ngaahi ‘alunga
Pea hono ko e ngananganaiki pē ‘o ha me‘a ‘oku tau fanongoa!
Ka ko e fatulisi ‘o hono fu‘u ivi ko hai te ne lave‘i?
Currently Selected:
KO SIOPE 26: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
