KO SIOPE 23
23
Ko Siope
1PEA tali ‘a Siope, ‘o ne pehē,
2Tā ko ‘eku lāunga ko e angatu‘u ai pē:
Ka ‘oku mamafa ange ‘a hoku tā ‘i he‘eku to‘e.
3Taumaiā ke u ‘ilo pe te u ma‘u ‘a ‘Ene ‘Afio ‘i fē,
Ka u a‘u atu ki hono ‘afio‘anga!
4Te u faka‘otu ‘i hono ‘ao ‘a e totonu ‘o e me‘a,
‘O fakafonu hoku ngutu ‘i he fakamatala.
5Ka u ‘ilo ‘a e ngaahi me‘a te ne tali ‘aki,
‘O mahino kiate au ‘a e me‘a te ne folofola‘aki mai.
6Te ne fai‘aki koā hono fu‘u ivi ‘ema veipā?
‘Ikai: ka kuo pau te ne toka‘i au.
7‘I he potu ko ia ‘e lava ‘e ha faitotonu ke alea mo ia;
Pea te u hao mei hoku fakamaau ‘o ta‘engata.#23.7 te u ha… fakamaau; pe pea ‘e malu ai ‘eku ngaahi totonú.
8Kae vakai, ‘oku ou ‘alu ki hahake,
Ka ‘oku ‘ikai te ne ‘i ai;
Pea ki hihifo,
Ka ‘oku ‘ikai te u ma‘iloa ia.
9‘Oku ou fai ki he tokelau ‘i he‘ene ngāue ai,
Ka ‘oku ‘ikai te ne hā mai:
‘Oku ne fakamanimo ia ‘i he tonga,
Ka ‘oku ‘ikai te u sioa.
10Ka ‘oku ne ‘ilo ‘a e hala ‘oku ou fou ai;
Ka ‘osi ‘ene sivi au, te u ‘alu atu ‘o hangē ko e koula.
11Ko hoku va‘e kuo piki ki hono topuva‘e;
Kuo u tauhi ‘a e hala ‘o‘ona, ‘o ‘ikai te u afe.
12Ko e tu‘utu‘uni ‘a hono fofonga na‘e ‘ikai te u hiki mei ai;
Kuo u koloa-mahu‘inga ‘aki ‘a e ngaahi lea ‘a hono fofonga,
‘O lahi ‘i he lao ‘oku ‘iate au.
13Ka ko e Taha ‘o e Taha ‘a ‘Ene ‘Afio,
Pea ko hai te ne fakafoki?
Pea ko e me‘a ‘oku holi ki ai hono finangalo,
Ko ia ia ‘oku ne fai.
14Seuke, te ne fakakakato ‘a e me‘a kuo tu‘utu‘uni kiate au:
Pea ‘oku lahi ‘a e me‘a pehē ‘oku fe‘ao mo ia.
15Ko hono ‘uhinga ia ‘oku ou manavahē ai ki he‘ene fotu mai;
Ka u ka fakalaulauloto, ‘oku ou ilifia kiate ia.
16Pea ko ‘Ela ia kuo ne fakavaivai‘i hoku loto,
Pea ko Sātai kuo ne fakailifia‘i au:
17He na‘e ‘ikai ke faka‘auha au ‘i he te‘eki hoko ‘a e po‘uli ni,
Pea ‘i he te‘eki ‘ufi‘ufi au ‘e he po‘uli matolu.
Currently Selected:
KO SIOPE 23: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
