KO SIOPE 18
18
Ko Pilitati
1PEA tali ‘a Pilitati ko e matāpule Sua‘a ‘o pehē,
2‘E tuku ‘afē ho‘omou ‘ai kupenga ke pō lea?
Mou poto mu‘a, pea mau toki ava ke lea.
3Ko e hā ‘oku lau ai kimautolu ko e manu?
Ko e hā ‘oku mau hā ai kiate kimoutolu ko e ‘atamai si‘i?
4‘A e manu fekai na ‘oku ke hae ‘e koe ‘a koe ‘i ho‘o ‘ita,
‘E tuku li‘aki koā ‘a māmani koe‘uhi ko koe?
Mo hiki ‘a e makatu‘u mei hono potu?
5Pehē ko e maama ‘a e angahala ‘e tāmate‘i,#Siope 21.17
Pea ‘e ‘ikai mo‘ui ‘a e ulo ‘o ‘ene afi.
6‘E fakapo‘uli ‘a e maama ‘aho ‘i hono tēniti,
Pea ‘e tāmate‘i ‘ene maama tautau.
7‘E fakapinepine ‘ene laka mālohi,
Pea ‘oku lī ia ki lalo ‘e he‘ene fakakaukau ‘a‘ana.
8He ‘oku fakateka ia ki he kupenga ‘e hono va‘e ‘o‘ona,
Pea ‘oku ne ‘eve‘eva ‘i he funga hele.
9‘Oku tou‘ia ha mui va‘e ha helepuna,
‘Oku mo‘ua hono sino ‘i ha helekete.
10‘Oku fufū ‘i he kelekele ha hele va‘e mo‘ona,
Mo e hele fakau‘u ki ai ‘i he hala papa.
11‘Oku fakailifia‘i ia mei he potu kotoa pē ‘e he ngaahi ilifia,
Pea nau molomolomuiva‘e ki ai ke faka‘ohovale‘i.
12‘E hoko ‘o ‘alefa hono mala,
Pea ‘oku ene hono tu‘utāmaki ke tulaki ia.
13‘Oku kai ‘e he Me‘a ‘a e ngaahi fo‘i vākai ‘o hono kili,
‘Io, ko e ta‘okete ‘i he fāmili ‘o Mate,
Te ne kai hono ngaahi kupu.
14‘E ta‘aki mei hono tēniti ‘a e ngaahi me‘a na‘a ne falala ki ai,
Pea ‘e taki ia kia Tu‘i Ha‘a Fakailifia.
15‘E nofo ‘i hono tēniti ‘a e fa‘ahinga ‘oku ‘ikai ke kau kiate ia,#18.15 ‘E nofo… kiate ia; ‘Oku ‘ikai ke mahino ‘a hono faka-Hepeluú.
Pea ‘e tupe‘i ‘a e sūlifa ki hono nofo‘anga.#18.15 ‘e tupe‘i ‘a e sūlifa; Na‘e fakama‘a ‘aki ‘a e sūlifá ‘a e ‘ulí ‘i ono‘aho ‘o kau ai mo ha loki na‘e faka‘e‘epa ai ha taha mate.
16‘I lalo ‘oku mōmoa hono aka,
Pea ‘i ‘olunga, kuo tū‘ulu hono ngaahi va‘a.
17Kuo mate ‘a e manatu ki ai mei he fonua,
Pea ‘e ‘ikai lau hono hingoa ‘i he funga fonua ‘o tu‘a na.
18Te nau kapusi ia mei he maama ki he po‘uli,
Pea te nau sese‘e ia mei he nofo.
19‘E ‘ikai hano pikilau,
Pea ‘e ‘ikai ha hako ‘eiki ‘i hono kakai,
Pea ‘e ‘ikai ‘ilo ha taha kuo hao
‘I he ngaahi potu kuo ne ‘āunofo ki ai.
20Ko ha‘a nofo hihifo ‘e tumu ‘i he pehē hono ‘aho,
Pea ko ha‘a nofo hahake ‘e mo‘utāfu‘ua.
21Tala atu, ko e anga ia ‘o e nofo‘anga ‘o e kakai kovi,
Pea ko e potu ‘o ha‘a ta‘e‘ilo kia ‘Ela.
Currently Selected:
KO SIOPE 18: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
