KO SIOPE 17
17
1‘OKU kovi ‘eku mānava,
‘Oku toe ki he kia hoku ngaahi ‘aho,
‘Oku tali mai ‘a Fa‘itoka kiate au.
2‘Ikai ‘oku ‘iate au ha kau kakae?
Pea ‘ikai ‘oku ou sio ki he‘enau fefe‘u mai he ‘aho mo e pō?
3‘Ē, hoko Koe mōku talifaki!
Ko hai mo koe ‘e ‘atu nima kiate au?
4He kuo ke kofu honau loto ke ‘oua te nau ma‘ilo:
Ko ia ‘e ‘ikai te ke tuku ke nau toka‘olunga.
5Ko ia ‘oku tala humaki hono kaume‘a ke vete,
‘E ‘osi‘osi ‘a e mata ‘o ‘ene fānau.#17.5 Ko ia… fānau; pe ‘Oku pehē he paloveepi tupu‘á, “Ko e li‘aki ‘e ha taha hono kaume‘a ko ha pa‘anga, kae kai me‘a kovi ai ‘ene fānaú; pe Ko e fakaafe‘i ‘e ha taha hono ngaahi kaume‘a, kae nofo fiekaia ‘ene fanaú.
6Pea kuo ne tu‘utu‘uni au ko e me‘a ke fakatokotokanaki ‘aki ‘e he ngaahi kakai;
Pea kuo u hoko ko e taha kuo ‘anuhia hono mata.
7Pea kuo ninimo hoku mata ‘i he mamahi,
Pea ko hoku ngaahi kupu ko e ‘ata tofu pē.
8‘Oku ofo ‘a ha‘a totonu ‘i he‘eku pehē,
Pea ngaueue hake ‘a e ta‘ehalaia ki he angahala fufū.
9Ka ko e mā‘oni‘oni te ne tutui atu ‘i hono hala,
Pea ko ia ‘oku nima ma‘a ‘e fakautuutu ai pē hono ivi.
10Ka ko e me‘a kiate kimoutolu kotoa,
Mou toe ha‘u ā mu‘a!
Koloto ke u ma‘u ha poto ‘e taha ‘iate kimoutolu.
11Ko hoku ngaahi ‘aho kuo ‘osi atu,
Ko ‘eku ngaahi fakakaukau kuo motu,
‘Io, ‘a e koloa ‘a hoku loto.
12Ko e pō e kuo tuku ‘e kinautolu ko e ‘aho:
Pea ofi tokua ‘a e maama,
‘Osi, ‘oku mātu‘aki fotu mai ‘a e po‘uli.
13Ka ai ha‘aku fakatu‘a ko e fakatu‘a ki Hētesi ko ‘api ia;
Kuo u teu hoku mohenga ‘i Po‘uli.
14Kuo u ui ‘a ‘Auha, ‘Alā ko ‘eku tamai;
Pea ko e kelemutu,
Ko ‘eku fa‘ē mo tuofefine.
15Ko ia ‘oku ‘i fē fua ‘eku ‘amanaki ‘oku nau lau?
Pea ko ha‘aku ‘amanaki, ko hai ‘e sio ki ai?
16Te na fakatou ‘alu hifo#17.16 Te na… hifo; ‘Oku ‘ikai ke mahino ‘a hono faka-Hepeluú, ka ‘oku pehē ‘i he hiki fuoloa ‘e taha: Te na fakatou ‘alu hifo mo au. potu songo ko Hētesi.
Ko e mo‘oni te na fakatou ‘alu hifo ki he efu.
Currently Selected:
KO SIOPE 17: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
