Sioné 14
14
Ko Sīsū ko e Hala ki he Tamaí
1‘OUA na‘a tuku ke puputu‘u homou loto: tui pīkitai#14.1 tui pīkitai; pe ‘Oku mou tui. ki he ‘Otua, tui pīkitai foki kiate au. 2‘I he ‘api ‘o ‘eku Tamai ‘oku lahi ‘a e ngaahi nofo‘anga: ka ne ‘ikai, pehē kuo u tala kiate kimoutolu,#14.2 ‘oku lahi… kimoutolu; pe ‘Oku lahi ‘a e ngaahi nofo‘anga ‘i he fale ‘o ‘eku Tamá; ka ne ‘ikai ke pehē, he te u tala atu ko ‘eku ‘alu eni ke teuteu hamou nofo‘anga? he ko ‘eku ‘alu eni ke teuteu ha potu mo ‘omoutolu. 3Pea neongo te u ‘alu ‘o teuteu ha potu mo‘omoutolu, ka ‘oku ou toe ha‘u pē, pea te u ma‘u kimoutolu kiate au; koe‘uhi ko e potu ‘oku ou ‘i ai, ke mou ‘i ai foki. 4Pea ko e potu ‘oku ou ‘alu ki ai ‘oku mou ‘ilo hono hala.
5Pea lea ki ai ‘a Tōmasi, ‘Eiki, ‘oku ‘ikai te mau ‘ilo pē ko ho‘o me‘a ki fē; pea mau ‘ilo fēfē ai ‘a e hala?
6Pea folofola ‘a Sīsū ki ai, Ko au pē ko e Hala, pea mo e Mo‘oni mo e Mo‘ui: ‘oku ‘ikai ha‘u ha taha ki he Tamai ka ‘i he‘ene fou ‘iate au. 7Ka ne mou a‘usia ‘a e ‘ilo‘i ‘o‘oku, pehē te mou lāu‘ilo‘i#14.7 Ka ne… lāu‘ilo‘i: ‘Oku pehē ‘i hono ngaahi hiki fuoloa ‘e ni‘ihi: Ko eni kuo mou ‘ilo‘i au, pea te mou ‘ilo‘i. mo ‘eku Tamai; pea ‘oku mou kamata ‘eni ke ‘ilo ‘a ‘Ene ‘Afio, pea kuo mou mātā ia.
8Pea lea ‘a Filipe ki ai, ‘eiki, tuku ke mau sio ki he Tamai, pea kuo mau fiemālie leva.
9Pea lea ‘a Sīsū kiate ia, Ko futu ‘eku ‘iate kimoutolu, pea kuo te‘eki koā ke ke ‘ilo au, Filipe? Ko ia kuo ne mātā au, kuo ne mātā ‘a e Tamai; pea fēfē ai ho‘o pehē, Tuku ke mau sio ki he Tamai? 10‘Ikai ‘oku ke tui, ‘oku ou ‘i he Tamai, pea ko e Tamai ‘oku ‘iate au: ko e ngaahi lea ‘oku ou fai kiate kimoutolu, ‘oku ‘ikai te u lea‘aki meiate au. Ka ko e Tamai ‘oku ne fai ‘ene ngaahi ngāue, he‘ene nofo‘ia au. 11Mou tui kiate au, ko au ‘oku ou ‘i he Tamai, mo e Tamai ‘iate au: pea ka ‘ikai, pea mou tui koe‘uhi ko ‘ene ngaahi ngāue. 12Ko au ē, ko au ē, ‘oku ou tala atu, Ko ia ‘oku tui pīkitai kiate au, ko e ngaahi ngāue ‘oku ou fai ‘e fai ‘e he toko taha ko ia foki; ‘io, te ne fai ‘a e ngaahi me‘a ‘oku hulu atu ‘i he ngaahi me‘a ni; koe‘uhiā ko ‘eku ‘alu ki he Tamai. 13Pea ‘ilonga ha me‘a te mou kole ‘i hoku hingoa, te u fai ia, koe‘uhi ke fakalāngilangi‘i ‘a e Tamai ‘i he ‘Alo. 14Neongo pē ko e hā ha me‘a te mou kole meiate au#14.14 meiate au: ‘Oku ‘ikai ke ‘asi ‘a e kupu‘i leá ni ‘i he ngaahi hiki fuoloa ‘e ni‘ihi. ‘i hoku hingoa, te u fai ia.
Ko e Foaki ‘o e Laumālié
15Kapau ‘oku mou ‘ofa kiate au, te mou tauhi ‘eku ngaahi fekau ‘a‘aku. 16Pea te u tala ki he Tamai, pea te ne foaki kiate kimoutolu ha Taukapo ‘e toko taha, koe‘uhi ke ne ‘iate kimoutolu ‘o ta‘engata; ‘io, ko e Laumālie ‘o e Mo‘oni; 17‘a ia ‘oku ‘ikai ke fa‘a ma‘u ‘e māmani, koe‘uhi ‘oku ‘ikai te ne sio kiate ia, pe fai ke ‘ilo ia: ka ‘oku mou fai ke ‘ilo ia ‘e kimoutolu; he ‘oku ne nofo ma‘u mo kimoutolu, pea ‘oku ne ‘i.#14.17 ‘oku ne ‘i: ‘Oku pehē ‘i hono ngaahi hiki fuoloa ‘e ni‘ihi: te ne ‘i. homou loto.
18‘E ‘ikai te u ‘alu ‘o tuku kimoutolu ke tuēnoa: ‘oku ou ha‘u pē kiate kimoutolu. 19‘Oku toe si‘i pea ‘ikai kei sio kiate au ‘a māmani; ka ka sio ai pē kiate au ‘e kimoutolu, koe‘uhi ‘oku ou mo‘ui pea te mou mo‘ui ai pē. 20‘I he ‘aho ko ia te mou ‘ilo, ko au ‘oku ou ‘i he‘eku Tamai, pea mo kimoutolu ‘iate au, pea mo au ‘iate kimoutolu.
21Ko ia ‘oku ma‘u ‘eku ngaahi tu‘utu‘uni, mo tauhi ki ai, ko ia ia ‘oku ‘ofa kiate au: pea ko ia ‘oku ‘ofa kiate au ‘e ‘ofeina ia ‘e he‘eku Tamai, pea te u ‘ofa mo au kia ia, pea te u fakahaa‘i kiate ia.
22Pea lea ki ai ‘a Siutasi–ka na‘e ‘ikai ko ‘Isikaliote–‘Eiki, ko e hā kuo pehē ai, ho‘o teu fakahaa‘i koe kiate kimautolu, kae ‘ikai ki māmani?
23Pea tali ‘e Sīsū ‘o ne pehē ki ai, Kapau ‘oku ‘ofa ha taha kiate au, te ne tauhi ‘eku lea: pea ‘e ‘ofa kiate ia ‘a ‘eku Tamai, pea te ma omi kiate ia, ‘o ma nofo‘anga taha mo ia. 24Ko ia ‘oku ‘ikai ke ‘ofa kiate au, ‘oku ‘ikai te ne tauhi ‘eke ngaahi lea: pea ko e lea ‘oku mou fanongo ki ai ‘oku ‘ikai ‘a‘aku, ka ‘a e Tamai na‘a ne fekau mai au.
25Ko e ngaahi me‘a ni kuo u tala atu ‘i he‘eku kei ‘iate kimoutolu. 26Ka ko e Taukapo, ko e Laumālie Mā‘oni‘oni, ‘a ia ‘e fekau mai ‘e he Tamai ‘i hoku hingoa, ko e Toko Taha ko ia te ne ako kiate kimoutolu ‘a e me‘a kotoa pē, pea te ne fakamanatu kiate kimoutolu ‘a e me‘a kotoa pē kuo u lea‘aki kiate kimoutolu.
27Ko ‘eku ‘alu ‘eni, ka u tuku ha fiemālie kiate kimoutolu; ko ha fiemālie ‘a‘aku ‘oku ou foaki atu kiate kimoutolu: ‘oku ‘ikai hangē ko e foaki ‘a māmani ‘a ‘eku foaki kiate kimoutolu. ‘Oua na‘a tuku ke puputu‘u homou loto, ‘uma‘ā ha‘ane manavahē. 28Ne mou fanongo ki he‘eku pehē atu, Ko ‘eku ‘alu ni kau ha‘u kiate kimoutolu. Ka ne mou ‘ofa kiate au, pehē te mou fiefia ‘i he‘eku ‘alu ki he Tamai; koe‘uhi ‘oku lahi ‘a e Tamai ‘iate au. 29Pea kuo u tala ni ia kiate kimoutolu ‘i he te‘eki ke hoko, koe‘uhi ‘oka hoko mai ke mou tui. 30‘E; ‘ikai te u toe talanoa lahi mo kimoutolu: he ‘oku ha‘u ‘a e ‘eiki ‘o māmani, pea tala‘ehai ‘oku ‘i ai ha‘ane momo‘i me‘a ‘iate au; 31ka koe‘uhi pē ke ‘ilo ‘e māmani ‘oku ou ‘ofa ki he Tamai, pea hangē ko hoku tu‘utu‘uni ‘e he Tamai, ‘oku pehē ‘eku fai.
Mo u tu‘u, ke tau ‘alu ‘i heni.
Currently Selected:
Sioné 14: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.