KO SELEMAIA 8
8
1‘I he taimi ko ia–ko Sihova eni mei he Ta‘ehāmai–te nau vaku ‘a e hui ‘o e ngaahi Tu‘i Siuta, mo e hui ‘o hono hou‘eiki, mo e hui ‘o e kau taula‘eiki, mo e hui ‘o e kau palōfita, mo e hui ‘o e nofo Selusalema, mei honau ngaahi fa‘itoka; 2pea te nau folahi ‘i he mata ‘o e la‘ā, mo e māhina, mo e hōsitē kotoa ‘o langi, ‘a ia na‘a nau ‘ofa ki ai, mo tauhia, pea nau muimui ki ai, pea nau kumi ki ai, mo lotu ki ai: ‘e ‘ikai toe tānaki, pea ‘e ‘ikai toe tanu; te nau hoko ko e kinoha‘a ‘i he funga kelekele. 3Pea ‘e fili mu‘a ki he mate ‘i he mo‘ui ‘e he toenga ‘oku toe ‘o e fa‘ahinga kovi ni, ‘i he potu kehekehe ‘a ia kuo u fakateka ki ai ‘a kinautolu ‘oku toe–ko Sihova Sāpaoti ia mei he Ta‘ehāmai.
Ko e Fai Angahalá mo e Tauteá
4Pea te ke pehē kiate kinautolu, Ko e folofola eni ‘a Sihova; Ka humu ha ni‘ihi, ‘ikai te nau toetu‘u hake? ka afe atu ha taha, ‘ikai te ne toe afe mai? 5Ko e hā ‘oku pehē ai ‘a e holomui ‘a e kakai ni ‘i Selusalema ‘aki ha holomui ta‘engata? ‘Oku nau piki ki he kākā, ‘oku ‘ikai te nau loto ke foki. 6Kuo u tokanga ‘o fanongo, ko e ta‘etotonu ‘oku nau lea‘aki: ‘oku ‘ikai ha taha ‘oku fakatomala ‘i he‘ene kovi, he‘ene pehē, Ko e hā eni kuo u fai? ‘Oku nau foki kotoa pē ki honau fainga manako, ‘o hangē ko e mahua atu ‘a e hoosi ki he tau. 7Na‘a mo e sitoaki ‘i he ‘atā ‘oku ne ‘ilo ki hono taimi totonu; pea ko e kulukulu mo e sualo mo e kaleini ‘oku nau tauhi ‘a e taimi ‘o ‘enau fakafolau: ka ko hoku kakai ‘oku ‘ikai te nau ‘ilo ‘a e fai fakamaau ‘a Sihova. 8‘Oku fēfē ho‘omou lau, Ko e kau poto ‘a kitautolu, pea ‘oku tau ma‘u ‘a e lao ‘a Sihova? ‘Ā, tala atu, kuo ngaohi ia ko e loi ‘e he peni loi ‘a e kau sikalaipe. 9Kuo mā ‘a e kau poto, ‘oku nau mo‘utāfu‘ua, pea kuo puke kinautolu. Vakai, ‘oku nau fakatale‘i ‘a e folofola ‘a Sihova; pea ko e poto hā ia ‘oku nau ma‘u? 10Ko ia te u ‘atu honau ngaahi uaifi ki ha ni‘ihi kehe, ko honau ngaahi konga vao ‘e ma‘u kehe: he ‘oku nau mānumanu koloa kotoa pē, mei he si‘i ki he lalahi, mei he palōfita ki he taula‘eiki ‘oku ngāue‘aki ‘a e kākā honau kotoa.#Sel 6.12-15 11Pea kuo nau faito‘o ‘a e lavea ‘o e ‘ōfefine ‘o hoku kakai ‘o hangē ko e va‘inga ia, he‘enau pehē, Melino, melino; ‘osi, ‘oku ‘ikai ha melino.#‘Isi 13.10 12He na‘a nau mā koe‘uhi ko ‘enau fai fakalielia? Tala atu, ‘oku ‘ikai te nau ongo‘i ha mā; ‘io, ‘oku ‘ikai te nau ‘ilo ‘a e laea: ko ia, te nau tō ‘i he tō: ka hoko ‘a e taimi ‘o honau ‘eke, te nau humu–ko e folofola ia ‘a Sihova.
13Te u tānaki ‘o ‘ave kinautolu–ko Sihova ia mei he Ta‘ehāmai–‘oku ‘ikai ha kālepi ‘i he vaine, pea ‘oku ‘ikai ka fiki ‘i he fu‘u fiki, pea ko e lau ‘oku mae; ko ia te u tukuna atu honau lōmekina.#8.13 ‘Oku fihi.
14Ko e hā ‘oku tau nofo ai? mou tānaki mai, ka tau ō ki he ngaahi kolo talitau‘anga, ‘o tau mate noa ai; he ko Sihova ko hotau ‘Otua kuo ne fakalongo kitautolu, pea kuo ne ‘omi mōtau inu ‘a e vai ‘ahu, koe‘uhi kuo tau hia kia Sihova. 15Na‘a tau ‘amanaki ki ha tu‘umālie, ka ‘oku ‘ikai ha lelei; ki ha taimi faito‘o, ka tā ko e fakalifulifu ē. 16‘Oku ongoonga‘a mai mei Tani: kolokolo ‘ene fanga hoosi: ‘oku tete kotoa ‘a e fonua ‘i he tangi ‘ene fanga pau‘u; pea ‘oku nau omi, pea ‘oku nau kai ‘a e fonua mo hono mahu; ‘a e kolo mo e nofo ai.
17He ko au eni ‘oku ou tuku atu kiate kimoutolu ha fanga ngata, ko e fanga kēlasa, ‘a ia ‘oku ‘ikai hano fakalalata: pea te nau u‘u kimoutolu–ko Sihova ia mei he Ta‘ehāmai.
Ko e Faka‘ofa‘ia ‘a Selemaia ‘i Hono Kakaí
18Ke ‘aku mai ha fakalelu ‘o ‘eku mamahi! hono kuo vaivai hoku loto! 19Vakai, ‘oku fu‘u ongo mai ‘a e tautapa ‘a e ‘ōfefine ‘o hoku kakai mei ha taha ‘o e ngaahi fonua mama‘o. ‘Oku ‘ikai koā ha Sihova ‘i Saione? ‘oku ‘ikai koā ke nofo ai hono tu‘i? Pea na‘a nau faka‘ita‘i au ko e hā ‘aki ‘enau ngaahi ‘aitoli, ‘aki ha ngaahi muna mei muli? 20Kuo hili ‘a e ututa‘u, kuo ‘osi ‘a e toli to‘ukai, ka ko kitautolu kuo te‘eki ke tau lave he fakamo‘ui. 21Koe‘uhi ko e maumau ‘a e ‘ōfefine ‘o hoku kakai, ko ia kuo maumau‘ia ai kita: kuo u ‘ai tauanga‘a; kuo ma‘u puke au ‘e he līfusia. ‘Oku ‘ikai koā ha paame ‘i Kiliati?#8.21 Kiliati; Ko e feitu‘u ki he fakahahake ‘o e vaitafe ko Soataní. Na‘e ‘iloa ia ko hono ngaahi ‘akau faito‘o. ‘Oku ‘ikai ha fuavai ‘i ai? Pea ko e hā ē ‘oku ‘ikai ke fakakili#8.21 fakakili; pe pulusi. ‘a e lavea ‘o hoku kakai?
Currently Selected:
KO SELEMAIA 8: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
