KO SELEMAIA 47
47
Ko e Fakahā Meia Sihova ‘o Kau kia Filisitia
1KO E me‘a na‘e hoko kia Selemaia ko e palōfita, ko e folofola ‘a Sihova na‘e kau ki he kau Filisitia, kuo te‘eki ke taa‘i ‘e Felo ‘a Kesa.#‘Ais 14.29-31; ‘Isi 25.15-17; Sioelí 3.4-8; ‘Ēmosi 1.6-8; Sef 2.4-7; Sāk 9.5-7 2Ko e folofola eni ‘a Sihova: Vakai, ‘oku hake mai ha vai mei he tokelau, pea te ne hoko ko e vai fā, pea te nau lōmekina ‘a e fonua mo hono mahu, ‘a e kolo mo e nofo ai: pea ‘e tangilāulau ‘a e kau tangata, pea ‘e ‘oiauē ‘a e nofo kotoa he fonua. 3Ko e me‘a ‘i he ongoonga‘a mai ‘a e patatū ‘a ‘ene fanga hoosi mālohi, ‘a e ‘oho ‘ene ngaahi sāliote, ‘a e longoa‘a ‘ene ngaahi me‘a teka, ko ia ‘oku ‘ikai ke tafoki ai ‘a e mātu‘a ki he‘enau fānau, hono kuo malūmaea honau nima. 4Koe‘uhi ā kuo hoko ‘a e ‘aho ke maumau ‘a e kau Filisitia kotoa, kae tu‘usi mei Taia mo Saitoni ‘a e toenga tokoni fua pē: he ‘e maumau ‘e Sihova ‘a e kau Filisitia, ‘a e toenga ‘o e matāfonua ‘o Kafitoli.
5Kuo hoko ‘a e tula ki Kesa;
Kuo ka‘anga ‘a ‘Asikeloni,
‘A e toe ‘o honau talalo.#47.5 ‘Oku hiki he Sepituakiní: ‘a e toenga ‘o e kau ‘Ānaki. ‘E tuku afe ho‘omou nō vevela?
6‘Oiauē si‘i heletā ‘a Sihova,
Ko futu ho‘o ta‘emālōlō!
Hū mu‘a ki ho kato,
Kemo hifo mu‘a ke longo.
7‘Oku ke mālōlō fēfē,
‘Osi, kuo ‘atu ‘e Sihova ha‘o fekau?
Ko ‘Asikeloni mo e matātahi,
Ko e potu ia kuo ne kotofa ia ki ai.
Currently Selected:
KO SELEMAIA 47: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
