KO SELEMAIA 27
27
Ko e ‘Ai ‘Ioke ‘a Selemaia
1‘I HE taimi ki mu‘a ‘o e pule ‘a Setekaia#27.1 Setekaia; ‘Oku tu‘u ‘a e “Sehoiakimi” ‘i he ngaahi tohi lahi, ka ‘oku mahino ko e hiki hala. foha ‘o Siosaia, ko e Tu‘i Siuta, na‘e hoko ‘a e folofola ko eni kia Selemaia meia Sihova, ‘e pehē, Ko e folofola eni ‘a Sihova kiate au:#2 Tu‘i 24.18-20; 2 Kal 36.11-13 2Ngaohi ma‘au ‘ani kafa moni ‘ioke, ‘o ‘ai ki ho kia; 3pea tuku atu#27.3 tuku atu [ha fakahā]; ‘Oku ngali tonu hono hiki ko iá, ka ‘oku pehē ‘i he faka-Hepeluú: tuku atu kinautolu. foki ki he Tu‘i ‘Ītomi, mo e Tu‘i Moape, mo e Tu‘i Ha‘a ‘Āmoni, mo e Tu‘i Taia, mo e Tu‘i Saitoni, ‘o fakafai ‘i he kau talafekau kuo omi ki Selusalema kia Setekaia ko e Tu‘i Siuta; 4pea te ke pōpoaki ‘iate kinautolu ki honau ngaahi ‘eiki takitaha, ‘o pehē, Ko e folofola eni ‘a Sihova Sāpaoti, ko e ‘Otua ‘o ‘Isileli: Ko eni ‘a e lea te mou fai ki homou ‘eiki; 5Ko au ia kuo u ngaohi ‘a māmani, ‘a e tangata mo e manu ‘oku ‘i he funga fonua, ‘aki hoku ivi lahi, mo hoku nima kuo mafao; pea ‘oku ou foaki ia kiate ia ‘oku hā totonu kiate au. 6Pea ko eni kuo u tuku ‘a e ngaahi fonua ni ki he nima ‘o ‘eku sevāniti ko Nepukanesa, ko e Tu‘i Pāpilone; pea kuo u tuku foki ‘a e manu ‘o e vao ke nau tauhi kiate ia. 7Pea ko e ngaahi pule‘anga kotoa te nau tauhi kiate ia, pea ki hono foha, pea ki he foha ‘o hono foha, kae‘oua ke hokosia ‘a e taimi ‘o hono fonua ‘o‘ona foki, pea ‘e toki fakafatongia‘i ia ‘eni pule‘anga lahi, moni tu‘i mā‘olunga.
8Pea ‘ilonga ha kakai pe ha pule‘anga, ‘a ia ‘e ‘ikai te nau nofo kiate ia, ‘a Nepukanesa ko e Tu‘i Pāpilone, ‘io, ‘o ‘ikai te ne ‘ai hono kia ki he ‘ioke ‘a e tu‘i Pāpilone, te u tautea ‘a e kakai ko ia ‘aki ‘a e heletā, mo e honge, mo e mahaki faka‘auha–ko Sihova ia mei he Ta‘ehāmai–kae‘oua ke u faka‘osi kinautolu ‘aki hono nima. 9Pea ko kimoutolu, ‘oua te mou fakaongo ki homou kau palōfita, mo homou kau tongafisi, mo ho‘omou ngaahi misi, mo homou kau fai sausau, mo kau faituki, ‘a e fa‘ahinga ‘oku lea kiate kimoutolu, ‘o pehē, ‘E ‘ikai te mou hopoate ki he Tu‘i Pāpilone: 10he ‘oku palofisai loi kiate kimoutolu ‘e he fa‘ahinga ko ia, kae iku ki he hiki kimoutolu ke mama‘o mei homou kelekele; ‘io, ki he‘eku fakateka atu kimoutolu, ka mou ‘auha. 11Ka ko e kakai ‘oku ‘ai hono kia ki he ‘ioke ‘a e Tu‘i Pāpilone, ‘o nofo ki ai, te u tuku ia ke nofo ‘i hono kelekele–ko Sihova ia mei he Ta‘ehāmai–pea te nau ngāue‘i ia mo nofo ki ai.
12Pea na‘a ku lea kia Setekaia ko e Tu‘i Siuta, ‘o tatau mo e ngaahi me‘a ko ia, ‘o pehē, ‘Ai homou kia ki he ‘ioke ‘a e Tu‘i Pāpilone, pea tauhi kiate ia mo hono kakai, ka mou mo‘ui. 13Koe‘uma‘ā ho‘omou mate, ‘a koe mo ho‘o kakai, ‘i he heletā mo e honge mo e mahaki faka‘auha, ‘o hangē ā ko e folofola ‘a Sihova ‘e hoko ki he pule‘anga ‘e ‘ikai tauhi ki he Tu‘i Pāpilone. 14Pea ‘oua te mou fakaongo ki he lau ‘a e kau palōfita, ‘a kinautolu ‘oku lea kiate kimoutolu, ‘o pehē, ‘E ‘ikai te mou hopoate ki he Tu‘i Pāpilone: he ‘oku palofisai loi kiate kimoutolu ‘a e fa‘ahinga ko ia. 15He tala‘ehai kuo u fekau atu kinautolu ‘e au–ko Sihova ia mei he Ta‘ehāmai–ka ‘oku palofisai loi ‘i hoku hingoa ‘e he fa‘ahinga ko ia; kae iku ki he‘eku fakateka atu kimoutolu, ‘o mou ‘auha, ‘a kimoutolu mo e kau palōfita ‘oku palofisai kiate kimoutolu.
16Na‘a ku lea foki ki he kau taula‘eiki mo e kakai ni kotoa, ‘o pehē, Ko e folofola eni ‘a Sihova: ‘Oua te mou fakaongo ki he lau ‘a homou kau palōfita, ‘i kinautolu ‘oku palofisai kiate kimoutolu, ‘o pehē; Vakai, ‘oku toe si‘i pea fakafoki mei Pāpilone ‘a e nāunau ‘o e fale ‘o Sihova: he ‘oku palofisai loi kiate kimoutolu ‘a e fa‘ahinga ko ia. 17‘Oua ‘e fakaongo kiate kinautolu; nofo ki he Tu‘i Pāpilone, ka mou mo‘ui; koe‘uma‘ā ke hoko ‘a e kolo ni ko e lala? 18Pea kapau ko e kau palōfita kinautolu, pea kapau ‘oku nau ma‘u ha folofola ‘a Sihova, ke nau hū mu‘a kia Sihova Sāpaoti, ke ‘oua na‘a a‘u ki Pāpilone ‘a e nāunau ‘oku toe ‘i he fale ‘o Sihova, pea ‘i he fale ‘o e Tu‘i Siuta, pea ‘i Selusalema.
19He ko e folofola eni ‘a Sihova Sāpaoti ‘o kau ki he ngaahi pou, pea ki he Tahi, pea ki he ngaahi Tu‘unga fakasāliote, pea ki he toenga ‘o e nāunau ‘oku toe ‘i he kolo ni, ‘a ia na‘e ‘ikai ke to‘o ‘e Nepukanesa ko e Tu‘i Pāpilone, 20‘i he‘ene taki pōpula ‘a Sekonaia foha ‘o Sihoiakimi ko e Tu‘i Siuta mei Selusalema ki Pāpilone, pea mo e hou‘eiki kotoa ‘o Siuta mo Selusalema; 21he ko e folofola eni ‘a Sihova Sāpaoti, ko e ‘Otua ‘o ‘Isileli, ‘o kau ki he nāunau ‘oku toe ‘i he fale ‘o Sihova, mo e fale ‘o e Tu‘i Siuta, pea ‘i Selusalema: 22‘E ‘ave pē ki Pāpilone, pea te nau ‘i ai ‘o a‘u ki he ‘aho te u ‘a‘ahi ai kiate kinautolu–ko Sihova ia mei he Ta‘ehāmai; pea te u toki fakahā‘ele kinautolu, mo fakafoki ki he fonua.
Currently Selected:
KO SELEMAIA 27: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
