KO SELEMAIA 17
17
Ko e Fai Angahala ‘a Siuteá mo Hono Tautea
1KO E angahala ‘a Siuta kuo tohi ‘aki ha peni ‘aione, ‘aki ha lipi‘i taiāmoni: kuo tongi ki he tohi‘anga ‘o honau loto, pea ki honau ngaahi nifo‘i ‘ōlita. 2Hangē ko e manatu ki he fānau, ‘oku pehē ‘enau manatu ki honau ngaahi ‘ōlita, mo honau ngaahi ‘āsela; ka nau ka tu‘u ofi ki ha ‘akau laumata, ka nau ka tu‘u ‘i he ngaahi potu mā‘olunga. 3‘E si‘oku mo‘unga ‘i he tuku‘uta, te u ‘atu ho mālohi, ‘a ho‘o ngaahi fokotu‘unga koloa ke vete, pea mo ho ngaahi sia ‘i ho ngaahi feitu‘u kotoa, koe‘uhi ko e angahala.#17.3 pea mo… angahala; Ko hono faka-Hepeluú ia, ka ‘oku ngali tonu hono hiki ‘o: koe‘uhí ko e ngaahi angahala kuó ke faí. 4Pea ‘e tuku koe ke fo‘ou–pea ko ho fo‘ui foki–‘o mama‘o mo e tofi‘a ‘a ia na‘a ku ‘atu kiate koe;#17.4 Pea ‘e… kiate koe; ‘Oku ‘ikai ke mahino hono faka-Hepeluú. ‘Oku ngali tonu hono hiki ‘o: ‘E fakamālohi‘i koe ke ke tuku ‘a e fonua na‘á ku foaki atú. pea te u tuku ke ke ngāue ki ho ngaahi fili ‘i ha fonua ‘oku ‘ikai te ke ‘ilo ki ai: he kuo mou tafu ha afi ‘i he‘eku ‘ita, ‘a ia ‘e vela ‘o ta‘engata.
Ko ha ngaahi Fakahā Kehekehe
5Ko e folofola eni ‘a Sihova: Mala‘ia ā ka ko e mafi ‘a ia ‘oku tu‘u ‘ene falala ki ha tangata, pea ‘oku ne tu‘unga kakano hono ivi, kae hiki hono loto meia Sihova. 6Te ne hangē ko e tangata ‘āunoa ‘i he fonua mamate;#17.6 hangē… mamate; pe hangē ha ‘akau tu‘u noá. pea ‘e ‘ikai te ne ‘ilo ‘a e ha‘u ‘a e lelei, ka te ne nofo‘ia ‘a e ngaahi potu pakukā ‘i he toafa, ko e kelekele māsima, ‘o ‘ikai nofo‘anga. 7Monū‘ia ā ka ko e mafi ‘oku tu‘u ‘ene falala kia Sihova, ‘io, ko Sihova hono pāletu‘a. 8He te ne hangē ko e ‘akau ‘oku tō ki ha vai, pea ‘oku ne tuku atu hono ngaahi aka ki he ve‘e vaitafe, pea ‘e ‘ikai te ne manavahē ‘oka hoko mai ‘a e pupuha, kae mata pē hono lau; pea ‘i he ta‘u la‘ala‘ā ‘e ‘ikai te ne hoha‘a, pea ‘e ‘ikai tuku ‘ene fua. 9Ko e fungani ‘i he me‘a kākā ka ko e loto, pea ‘oku hiliō hono kovi:#17.9 pea… koví: ‘Oku hiki ‘e he ni‘ihi: pea ko e mahaki ‘oku matamata kovi. ko hai te ne lava ke ‘ilo ia? 10Ko au Sihova ‘oku ou hakule ‘a e loto,#Saame 62.12; Fkhā 2.23 ‘oku ou sivi ‘a e kofuua, koe‘uhi ke ‘atu ki he tangata ‘o taau mo hono ‘alunga, ‘o fakatatau ki he fua ‘o ‘ene fai anga. 11Ko e patelisi ‘oku ne tata‘o ‘a e fua na‘e ‘ikai te ne fakatō, pehē ‘e ai ha taha ‘oku ne ma‘u koloa ka ‘oku ‘ikai ke hoa mo e lao; ‘e li‘aki ia ‘e he koloa ko ia ‘i he vaeua ‘o ‘ene mo‘ui, pea ‘i hono faka‘osi te ne nofo ko e vale. 12Si‘i taloni ‘o e kolōlia mahiki hake mei he kamata‘anga, si‘i potu ‘o hotau faletapu! 13‘E Sihova, ko e ‘Amanakinga ‘o ‘Isileli, ‘e fakamaa‘i ‘a kinautolu kotoa pē ‘oku li‘aki koe. Ko e kau hiki ‘iate au ‘e tohi ‘i he kelekele,#17.13 Ko e… kelekele; pe Te nau puli ‘o hangē ha hingoa kuo tohi ‘i ha efú; pe Te nau ‘alu hifo ki he fonua ‘o kakai maté. koe‘uhi kuo nau li‘aki ‘a e fauniteni ‘o e vai mo‘ui, ‘a ia ko Sihova.
Ko ha Kole Tokoni ‘a Selemaia kia Sihova
14‘E Sihova, faito‘o au ke mafaito‘o; tokoni‘i au ke matokonia; he ko koe pē hoku vīkiviki‘anga.
15Vakai, ‘oku lea mai ‘e he fa‘ahinga ko ē, Koma‘ā ia ‘a e folofola ‘a Sihova? ke hoko mai leva.
16Ko e me‘a kiate au, na‘e ‘ikai te u kalo mei he nofo ko e tokoni tauhi ‘a‘au;#17.16 Ko e me‘a… ‘a‘au; Ko hono Hepeluú ia, ka ‘oku ngali tonu hono hiki ‘o: Na‘e te‘eki ai ke u fakakouna koe ke ke fakatu‘utāmaki‘i kinautolu. ka tala‘ehai na‘a ku faka‘amu ki he ‘aho kovi lahi–‘oku ke ‘afio‘i pē: ko e me‘a na‘e hū atu mei hoku ngutu na‘e tekefili ki ho fofonga na. 17‘Oua te ke hoko ko hoku ilifia‘anga: ko hoku hūfanga koe ‘i he ‘aho ‘o e kovi. 18Ke mā kinautolu ‘oku tuli au, kae ‘oua na‘a ku mā au; ke ilifia ‘a e fa‘ahinga ko ia kae ‘oua na‘a ku ilifia au: ‘Omi kiate kinautolu ‘a e ‘aho kovi, pea maumau‘i kinautolu ‘aki ha maumau lōua.
Ko Hono Tauhi ‘o e Sāpaté
19Ko e folofola eni ‘a Sihova kiate au: ‘Alu, ‘o tu‘u ‘i he Matapā-‘o-kakai, ‘a ia ‘oku hū mai mo hū atu ai ‘a e ngaahi Tu‘i Siuta; pea ke tu‘u foki ‘i he ngaahi matanikolo ‘o Selusalema; 20pea ke lea kiate kinautolu, ‘o pehē, Mou fanongo ki he folofola ‘a Sihova, ‘a e ngaahi Tu‘i Siuta, mo Siuta kātoa, mo e nofo Selusalema fua pē, ‘a kimoutolu ‘oku hū ‘i he ngaahi matapā ko eni: 21Ko e folofola eni ‘a Sihova: Tokanga telia homou laumālie, pea ‘oua ‘e fua kavenga ‘i he ‘aho Sāpate, ke fakahū mai ‘i he ngaahi matanikolo ‘o Selusalema;#Nehe 13.15-22 22pea ‘oua na‘a ‘ave ki tu‘a ha kavenga mei homou ngaahi fale ‘i he ‘aho Sāpate, pea ‘ilonga ha ngāue, ‘oua ‘e fai: ka mou tapui ‘a e ‘aho Sāpate, ‘o hangē ko ‘eku tu‘utu‘uni ki ho‘omou ngaahi kui;#‘Eki 20.8-10; Teu 5.12-14 23ka na‘e ‘ikai te nau fakaongo, pea na‘e ‘ikai te nau fokotu‘u telinga mai, ka nau fakakekeva honau kia, ke ‘oua te nau fanongo, pea ke ‘oua te nau tali akonaki.
24Pea kapau te mou fakaongo mo‘oni kiate au–ko Sihova ia mei he Ta‘ehāmai–‘o ‘oua ‘e omi kavenga ‘i he ngaahi matanikolo ni ‘i he ‘aho Sāpate, kae tapui ‘a e ‘aho Sāpate, ke ‘oua ‘e fai ai ha momo‘i ngāue; 25pea ‘e toki hū ‘i he ngaahi matanikolo ni ‘ani tu‘i moni hou‘eiki ‘oku nau ‘afio ‘i he taloni ‘o Tēvita, ‘oku nau heka sāliote mo e hoosi, ‘a kinautolu mo honau hou‘eiki, ‘a e tangata Siuta mo e nofo Selusalema: pea ‘e nofo‘ia ‘a e kolo ni ‘o ta‘engata. 26Pea te nau omi mei he ngaahi kolo ‘o Siuta, mo e ngaahi feitu‘u takatakai ki Selusalema, pea mei he fonua ‘o Penisimani, pea mei he Sēfela‘a, pea mei he mo‘unga, pea mei he feitu‘u ko Tonga, ko ‘enau ‘omi feilaulau-mōifua mo e feilaulau kehe, mo e feilaulau-me‘akai, mo e laipeno, pea#17.26 pea; pe ‘io. ko ‘enau ‘omi ha fakamālō ki he fale ‘o Sihova. 27Ka ‘o kapau ‘oku ‘ikai te mou fakaongo kiate au, ke tapui ‘a e ‘aho Sāpate, ke ‘oua ‘e fua kavenga, pe hū ‘i he ngaahi matanikolo ‘o Selusalema ‘i he ‘aho Sāpate; pea te u toki tafu ha afi ‘i hono ngaahi matanikolo, pea te ne keina ‘a e ngaahi palasi ‘o Selusalema, ‘o ‘ikai matāmate‘i.
Currently Selected:
KO SELEMAIA 17: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
