KO SELEMAIA 15
15
Ko ha Tala Mala ki he Kakai Siuta
1PEA folofola ‘a Sihova kiate au: Neongo e tu‘u ‘i hoku ‘ao ‘a Mōsese mo Sāmiuela, ‘e ‘ikai malele hoku loto ki he kakai ni, Kapusi mei hoku ‘ao ke nau ‘alu.#‘Eki 32.11-14; Nōm 14.13-19; 1 Sām 7.5-9 2Pea ka faifai pea nau pehē kiate koe, Te mau ‘alu ki fē? Pea te ke pehē kiate kinautolu,#Fkhā 13.10 Ko e folofola eni ‘a Sihova: Ko ia kuo tuhu‘i ki he mate faka‘auha, te ne ‘alu ki he mate faka‘auha; pea ko ia kuo tuhu‘i ki he heletā, ki he heletā; pea ko ia kuo tuhu‘i ki he honge, ki he honge; pea ko ia kuo tuhu‘i ki he pōpula, ki he pōpula. 3Pea ‘oku ou fokotu‘u ha kalasi ‘e fā ke ngaohi kinautolu–ko Sihova ia mei he Ta‘ehāmai–ko e heletā ke tāmate‘i, pea ko e fanga kulī ke fehae, pea ko e manupuna ‘o e ‘atā mo e manu ‘o e fonua ke keina mo faka‘auha. 4Pea te u tuku kinautolu ko e me‘a ke tekatali ‘aki ‘e he ngaahi pule‘anga ‘o māmani, koe‘uhi ko Manase foha ‘o Hesekaia ko e Tu‘i Siuta, koe‘uhi ko e me‘a na‘a ne fai ‘i Selusalema.#2 Tu‘i 21.1-16; 2 Kal 33.1-9
5He ko hai te ne maumau‘ia ‘iate koe, ‘e Selusalema? pea ko hai te ne hohoi ‘iate koe? pea ko hai te ne afe ke ‘ilo pe kuo ke fēfē? 6Ta‘ahine, kuo ke li‘aki au–ko Sihova ia mei he Ta‘ehāmai–‘oku ke fakaholomui: ko ia, ‘oku mafao atu hoku nima ke faka‘auha koe; kuo u fiu ‘i he momou.#15.6 kuo u… momou; pe kuó u fiu he faka‘ofa‘ia ‘iate kimoutolú. 7Pea te u tapili kinautolu ‘aki ha ī ‘i he ngaahi matanikolo ‘o e fonua; te u faka-ta‘e-ha-fānau kinautolu, te u faka‘auha hoku kakai; ko honau ngaahi ‘alunga ‘oku ‘ikai te nau foki mei ai. 8Kuo tokolahi si‘onau ngaahi uitou ‘i he ‘one‘one ‘o e tahi: kuo u ‘omi kiate kinautolu–‘io, ki he fa‘ē ‘a e fu‘u siana–ha taha ‘oku vete ho‘atā: kuo u tuku ke tō kiate ia fakafokifā ‘a e mamahi mo e fakailifia. 9‘Oku vaivai ‘a si‘i fefine kuo ne fanau‘i ha toko fitu; ‘oku ne tuku atu hono laumālie; ‘oku tō hono la‘ā kei fu‘u ‘aho; kuo fakamaa‘i mo fakapuputu‘u ia; pea ko honau toenga te u tuku ki he heletā ‘i he ‘ao ‘o honau ngaahi fili–ko Sihova ia mei he Ta‘ehāmai.
Ko e Hanu ‘a Selemaia kia Sihova
10‘Oiauē kita, ‘alā ko ‘eku fa‘ē, na‘a ke fanau‘i au ko e tangata fakakikihi, mo e tangata fakalanga kē ki māmani kātoa! Tala‘ehai kuo u nō pa‘anga atu, pe kuo u nō pa‘anga mai; ka ‘oku kau kotoa ‘i hoku tūvangia. 11Folofola ‘a Sihova, Tala atu, te u poupou koe ke lelei;#15.11 Folofola… lelei; ‘Oku fihi. ‘Oku ngali tonu hono hiki ‘o: ‘E Sihova, ke hoko mai kiate au ‘enau ngaahi tala malá ‘o kapau na‘e ‘ikai ke u fai ke a‘u hoku fatongia kiate koé. tala atu, te u ngaohi ‘a e fili na ke fakakolekole kiate koe ‘i he taimi ‘o e kovi, mo e taimi ‘o e faingata‘a. 12‘E lava ‘e ha taha ke fesi ‘a e ‘aione, ‘a e ‘aione ‘o e tokelau, mo e palasa?
13Ko ho mālohinga mo ho‘o koloa te u tuku ke vetea ta‘eha totongi, ‘io, ke fai ia koe‘uhi ko ho‘o ngaahi angahala kehekehe, pea ‘i ho ngaahi feitu‘u kehekehe. 14Pea te u tuku ke ‘alu ia mo ho ngaahi fili ki ha fonua ‘oku ‘ikai te ke ‘ilo ki ai; he ‘oku ai ha afi ‘oku vela ‘i he‘eku ‘ita, kuo tafu ia ke fai kiate kimoutolu.
15Ko koe, ‘Eiki, ‘oku ke ‘afio‘i: manatu‘i au mo ‘a‘ahi mai, pea ke fai ha sauni ma‘aku ‘i hoku kau fakatanga: ‘oua ‘e ‘ave au ‘i he fakatotoka ho houhau: 16ke ke mea‘i ‘oku ou kātaki manuki koe‘uhi ko koe. Na‘e fetaulaki mo au ho‘o ngaahi folofola, pea u kai ia; pea na‘e hoko ho‘o ngaahi lea ko hoku nēkeneka‘anga, mo e fiefia‘anga ‘o hoku loto: he na‘e ui‘aki au ho huafa, ‘e Sihova, ko e ‘Otua Mohu Hōsitē. 17Na‘e ‘ikai te u nofo ki he sō ‘a e kau kata, pe te u tome‘e: na‘a ku nofo toko taha pē, koe‘uhi na‘e ‘iate au ho nima; he na‘a ke fakafonu au ‘i he ‘ita mamahi. 18Ko e hā ‘oku ta‘engata ai ‘eku mamahi, pea matamatakovi hoku lavea, ‘o ‘ikai ‘aonga ha faito‘o? Te ke hoko mo‘oni kiate au hangē ko e me‘a faka‘amanakinoa, ha vai ‘oku ‘ikai ke tu‘uma‘u?
19Ko ia, ko e folofola eni ‘a Sihova: Kapau te ke foki mai, pea te u toe ‘omi koe ke tu‘u ‘i hoku ‘ao; pea kapau te ke tatala ‘a e mahu‘inga mei he efe, te ke hoko ‘o hangē ko hoku ngutu. ‘E foki kiate koe ‘a e fa‘ahinga ko ē, ka ko koe ‘e ‘ikai te ke foki kiate kinautolu. 20Pea ‘oku ou tuku koe ki he kakai ni ko e ‘ā palasa kuo teu ki he tau; ko ia neongo ‘enau tau‘i koe, kae ‘ikai te nau lava‘i koe: he ‘oku ou ‘iate koe ‘e au ke tokoni‘i mo fakahaofi–ko Sihova ia mei he Ta‘ehāmai. 21‘Io, te u fakahaofi koe mei he nima, ‘o e kau kovi, pea te u vete koe mei he puke ‘a e kau fakamālohi.
Currently Selected:
KO SELEMAIA 15: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
