KO SELEMAIA 1
1
Ko Selemaia
1KONI lea ‘a Selemaia foha ‘o Hilikaia, ko e taha ‘i he kau taula‘eiki na‘e nofo ‘i ‘Anatoti ‘i he fonua ‘o Penisimani: 2‘a ia na‘e hoko ki ai ‘a e folofola ‘a Sihova ‘i he taimi ‘o Siosaia foha ‘o ‘Āmoni ko e Tu‘i Siuta, ‘i hono hongofulu ta‘u ‘o e pule ‘a e tu‘i ko ia.#2 Tu‘i 22.3–23.27; 2 Kal 34.8–35.19 3Na‘e hoko ki ai foki ‘i he taimi ‘o Sihoiakimi foha ‘o Siosaia Tu‘i Siuta, ‘o fai atu ki he faka‘osi ‘o e hongofulu mā taha ta‘u ‘o Setekaia, foha ‘o Sios aia Tu‘i Siuta; ‘io, ‘o a‘u ki he taki pōpula ‘o Selusalema ‘i hono nima ‘o e māhina.#2 Tu‘i 23.35–24.7,18; 25.21; 2 Kal 36.5-8; 11.21
Ko Hono Ui ‘o Selemaia
4Pea na‘e hoko ‘a e folofola ‘a Sihova kiate au, ‘o pehē, Te‘eki ke u fatu koe ‘i he kete na‘a ku ‘ilo‘i koe, 5pea te‘eki ke ke ‘alu atu mei he manava kuo u fakatāpui koe; ne u tuku ke ke palōfita ki he ngaahi pule‘anga.
6Pea u tali, ‘Oiauē, ‘Ātonai Sihova, me‘a mai ‘oku ‘ikai te u poto ‘i he lea: he ko e tamasi‘i pē au.
7Pea folofola mai ‘a Sihova, ‘Oua te ke pehē ko e tamasi‘i koe: he te ke ‘alu kiate kinautolu kotoa ‘oku ou tuku atu koe ki ai, pea ko e me‘a kotoa te u fekau‘i ai koe, te ke lea‘aki. 8‘Oua te ke manavahē ‘i honau ‘ao; he ‘oku ou ‘iate koe ke fai ho fakahaofi–ko Sihova ia mei he Ta‘ehāmai.
9Pea mafao mai ‘e Sihova hono nima, ‘o ala ki hoku ngutu; pea folofola ‘a Sihova kiate au; Vakai, kuo u ‘ai ‘eku ngaahi lea ki ho ngutu: 10sio mai, kuo u fakanofo koe he ‘aho ni ke fai ki he ngaahi kakai mo e ngaahi pule‘anga, ke ta‘aki pea ke laiki, pea ke maumau mo faka‘auha; ke langa pea ke tō.
Ko ha Sio ‘e Ua
11Pea na‘e hoko kiate au ha folofola ‘a Sihova, ‘o pehē, Ko e hā ‘a e me‘a ‘oku ke mo‘usioa, Selemaia?
Pea u tali, Ko e va‘a ‘ai ‘oku ou mo‘u siofi.
12Pea folofola mai ‘a Sihova, Totonu ho‘o sio: he te u ‘ai#1.12 ‘ai; pe vakai‘i. ‘eku lea ke fakahoko.
13Pea hoko ‘a e folofola ‘a Sihova kiate au hono tu‘oua, ‘o pehē, Ko e hā ena ‘oku ke mo‘usio?
Pea u tali, Ko e kulo lili ia ‘oku ou mo‘usiofi; pea ‘oku hā hono ngutu he‘ene fakatafa mei he tokelau.
14Pea folofola ‘a Sihova kiate au, Ko e tokelau ‘e ‘oho mei ai ‘a e kovi ki he nofo kotoa ‘o e fonua. 15He ko au eni ‘oku ou ui mai ‘a e ngaahi fa‘ahinga ‘o e ngaahi pule‘anga ki tokelau na–ko Sihova ia mei he Ta‘ehāmai–pea te nau omi, ‘o ‘ai takitaha hono taloni fe‘unga mo e ngaahi matanikolo ‘o Selusalema, pea ke fai tau ki hono ngaahi ‘ā takatakai, pea ke fai tau ki he ngaahi kolo ‘o Siuta. 16Pea te u tala ‘a e tautea ‘o ‘eku fakamaau kinautolu koe‘uhi ko ‘enau ngaahi kovi kehekehe; he‘enau li‘aki au, ka nau tutu ‘inisēnisi ki he ngaahi ‘otua kehe, mo fai lotu ki he ngāue ‘a honau nima ‘onautolu. 17Ka ko koe, huke ho kofu, pea ke tu‘u ‘o lea kiate kinautolu ‘aki ‘a e ngaahi me‘a kotoa te u tu‘utu‘uni atu: ‘oua te ke teki he tu‘u ‘i honau ‘ao, na‘a ‘iloange te u fakateki‘i koe telia kinautolu. 18Pea ko au eni ‘oku ou ngaohi koe he ‘aho ni ko e kolo talitau‘anga, mo e pou ‘aione, mo e ‘ā palasa ki he fonua kotoa, ki he ngaahi Tu‘i Siuta, ki hono hou‘eiki, ki hono kau taula‘eiki, pea ki he kakai ‘o e fonua.
19Pea te nau tau mo koe; ka ‘e ‘ikai te nau lava‘i koe: he ‘oku ou ‘iate koe ke fai ho fakahaofi–ko Sihova ia mei he Ta‘ehāmai.
Currently Selected:
KO SELEMAIA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
