KO ‘AISEA 61
61
Ko e Ongoongolelei ‘o e Huhu‘i
1KO E Laumālie ‘o ‘Ātonai Sihova ‘oku ‘iate au;#Māt 11.5; Luk 7.22 #Luk 4.18-19 koe‘uhi kuo pani au ‘e Sihova ke ‘alu mo e ongoongolelei ki he masiva,#61.1 masiva; pe tu‘utāmaki. kuo ne fekau au ke ha‘iha‘i ‘a e kakai ‘oku loto mafesi, ke fanongonongo ‘a e tukuange ki he pōpula, mo e fakaava ‘o e pilīsone kiate kinautolu ‘oku ma‘u kii‘i; 2ke fanongonongo#Māt 5.4 ‘a e ta‘u ‘o e hōifua ‘a e ‘Eiki, mo e taimi sauni ‘a hotau ‘Otua; ke fakalelu‘i ‘a kinautolu fua pē ‘oku tangi; 3ke tu‘utu‘uni me‘a ki he kau tangi ‘i Saione, ke ‘ange kiate kinautolu ha pale ke fetongi ‘aki ‘enau ‘ulu efu, ko e lolo ‘o e fiefia ke fetongi ‘aki ‘enau tangi, ko e pulupulu ‘o e fakamālō ke fetongi ‘aki ‘a e laumālie ngalemulemu; kae ui kinautolu ko e ngaahi ‘oke ‘o e mā‘oni‘oni, ko e toutu‘u ‘a Sihova, ke ne hā lāngilangi ai. 4Pea te nau langa ‘a e ngaahi kolo maumau talu mei tuai, te nau hoko hake ‘a e holo ‘o e ngaahi to‘utangata mu‘a, ‘o fakafo‘ou ‘a e ngaahi kolo maumau, ko e holo ‘o e to‘utangata mo e to‘u tangata. 5Pea ‘e tu‘u ‘a e kau muli ‘o fafanga ho‘omou ngaahi tākanga, pea ko e hako‘i kehe ‘e faka‘uli ho‘omou palau, mo tauhi ho‘omou ngaahi ngoue vaine. 6Ka ‘e ui kimoutolu ko e kau taula‘eiki ‘a Sihova: ‘e lau kimoutolu ko e kau tauhi ‘o hotau ‘Otua; te mou kai ‘a e koloa ‘o e ngaahi pule‘anga, pea ko e lāngilangi ‘onautolu te mou pōlepole ai. 7‘E fetongi ‘aki homou fakamaa‘i ‘a e ma‘u lōua; pea fetongi ‘aki homou lau‘i ‘a e mavava ‘i honau ‘inasi: ko ia, te nau ma‘u lōua ‘i honau fonua: ‘e hoko kiate kinautolu ‘a e fiefia ta‘engata.
8He ko au Sihova ‘oku ou ‘ofa ki he fakalao, ‘oku ou fehi‘a ki he fa‘ao kovi ha me‘a; ko ia, te u fai tōnunga ‘eku ‘ange ‘enau totongi, pea te u fai mo kinautolu ha kovinānite ta‘engata. 9Pea ‘e ‘iloa honau hako ‘i he ngaahi pule‘anga, mo honau pikilau ‘i he lotolotonga ‘o e ngaahi kakai; ko kinautolu kotoa ‘oku sio kiate kinautolu te nau fakamo‘oni, ko e hako kinautolu ‘oku fai tāpuekina meia Sihova. 10Te u mātu‘aki fiefia ‘ia Sihova, ‘e tome‘e hoku laumālie ‘i hoku ‘Otua;#Fkhā 21.2 he kuo ne fakakofu au ‘aki ‘a e ‘ū kofu ‘o e fakamo‘ui, kuo ne ‘ai kiate au ‘a e kofu tōtōlofa ‘o e fakatonuhia, hangē ha ‘eiki ta‘ane ‘oku ne ‘ai ha kalauni fakataula‘eiki, pea hangē ha ta‘ahine polo‘i ‘oku ne teu ‘aki ‘ene ngaahi siueli. 11He hangē ko e kelekele ‘oku ne laku hake hono ta‘otupu, pea hangē ko e ngouetapu ‘oku fakatupu ‘a e me‘a ‘oku tō ai; pehē ko ‘Ātonai Sihova te ne fakatalamuka ‘a e mā‘oni‘oni mo e mālō, ‘i he ‘ao ‘o e ngaahi pule‘anga.
Currently Selected:
KO ‘AISEA 61: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
