KO ‘AISEA 62
62
1KOE‘UHI ko Saione, ko ia ‘e ‘ikai te u fakalongo pē, pea koe‘uhi ko Selusalema, ko ia ‘e ‘ikai te u mālōlō, kae‘oua ke ‘alu atu ‘ene mā‘oni‘oni ‘o hangē ko e ma‘a ‘a e ‘aho, mo hono fakamo‘ui ‘o hangē ko ha maama ulo#62.1 ‘Oku sio foki ki he vela. 2Pea ‘e sio ‘ani pule‘anga ki ho mā‘oni‘oni, pea ‘e sio ‘a e ngaahi tu‘i kotoa ki ho lāngilangi: pea ‘e ui‘aki koe ha hingoa fo‘ou, ‘a ia ‘e hua‘aki ‘e he fofonga ‘o Sihova. 3Pea te ke hoko ko e kalauni faka‘ofo‘ofa ‘i he nima ‘o Sihova, pea ko e fa‘u fakatu‘i ‘oku kuku ‘e ho ‘Otua. 4‘E ‘ikai toe ui koe ko ‘Āsupa (Li‘ekina): pea ‘e ‘ikai toe ui ho fonua ko Sēmama (Lala): ka ‘e ui koe ko Hepisipa (ko Toka-ki-ai-hoku-loto), pea ‘e ui ho fonua ko Piula (ko e taha mali): he ‘oku toka ‘a e finangalo ‘o Sihova kiate koe, pea ko ho fonua kuo mali. 5He hangē ‘oku mali ha talavou mo ha ta‘ahine, ‘e pehē ‘a e mali mo koe ‘a ho hako: pea hangē ‘oku fiefia ‘a e ‘eiki ta‘ane he ma‘u ‘a e ta‘ahine, ‘e pehē ‘a e fiefia ‘iate koe ‘a ho ‘Otua. 6‘E Selusalema, kuo u fokotu‘u ha kau le‘o ki ho ngaahi funga ‘ā; tala‘ehai ‘oku nau momo‘i langa pē he ‘aho kotoa mo e pō kotoa: 7ko kimoutolu ‘a e kau fakamanatu ‘o Sihova, ‘oua ‘e mālōlō, pea ‘oua ‘e tuku ke mālōlō ‘a ‘Ene ‘Afio, kae‘oua ke ne fokotu‘u ‘a Selusalema, pea ke ‘oua ke ne ngaohi ia ko e mālō‘ia ‘i māmani. 8Kuo fuakava ‘e Sihova ‘aki hono to‘omata‘u, ‘io, ‘aki hono nima māfimafi: ‘Ilo ‘e au ‘o kapau te u toe ‘atu ho‘o uite ko e me‘akai ki ho ngaahi fili; pea ‘ilo ‘e au ‘o kapau ‘e inu ‘e ha hako‘i kehe ‘a e uaine kuo ke fakaongosia ai; 9‘ikai, ka ko kinautolu ‘oku nau ‘utu ia te nau kai ia, pea te nau fakamālō‘ia ‘a Sihova; pea ko kinautolu na‘e toli ia, te nau inu ia, ‘i he ngaahi loto‘ā ‘o hoku faletapu.
10Laka atu, laka atu ‘i he ngaahi matanikolo;
Fakatonutonu ‘a e hala ‘o e kakai;
Tanu hake, tanu hake ‘a e hala tanu:
Tufi ‘a e maka, ‘o fetuku;
Hiki ha fuka ki ‘olunga ki he ngaahi kakai. 11Vakai, kuo fanongonongo ‘e Sihova ki he ngata‘anga ‘o māmani,#‘Ais 40.10; Fkhā 22.12
Tala ki he ta‘ahine ko Saione,
Vakai, ‘oku ha‘u ho fakamo‘ui;
Vakai, ‘oku ha‘u mo ia hono totongi,
Pea ‘oku tāimu‘a ‘a e fua ‘o ‘ene ngāue.
12Pea ‘e ui kinautolu ko e Kakai Tapu,
Ko e kau huhu‘i ‘e Sihova:
Pea ‘e ui koe ko Tēlusa (Mamahi‘i) Ko e kolo ‘e ‘ikai li‘ekina.
Currently Selected:
KO ‘AISEA 62: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
