KO ‘AISEA 60
60
Ko e Lāngilangi‘ia ‘o Selusalema he Kaha‘ú
1TU‘U hake, ulo; he kuo hoko mai ho‘o maama,
Pea kuo hopo kiate koe ‘a e kolōlia ‘o Sihova.
2He vakai ‘oku ‘ufi‘ufi ‘a māmani ‘e he po‘uli,
Mo e po‘uli matolu ‘a e ngaahi fa‘ahinga;
Kae hopo ‘a Sihova kiate koe,
Pea ‘e hā hono kolōlia ‘i ho funga.
3Pea ‘e fononga mai ‘ani pule‘anga ki ho‘o maama,
Moni tu‘i ki he malama ‘a ho‘o hopo hake.
4Tāngaki ho mata, ‘o sio takai:
‘Oku nau tānaki fakataha, ‘oku nau ha‘u kiate koe:
‘Oku ha‘u ho ngaahi foha mei he mama‘o,
Pea ko ho ngaahi ‘ōfefine ‘e fafa fakavakavaka.
5Ko e taimi ko ia te ke sio ki ai, pea maama ho fofonga,
Pea ‘e toutou ho loto ‘o fano;
‘E le‘eia mai kiate koe ‘a e mahu ‘o e tahi,
‘E ha‘u kiate koe ‘a e koloa ‘o e ngaahi pule‘anga.
6‘E ‘ufi‘ufi koe ‘e ha fu‘ufu‘unga kāmeli,
Ko e fanga kāmeli mui ‘a Mitiani mo ‘Efa;
Te nau omi kotoa mei Sipa, ‘oku nau fetuku ‘a e koula mo e laipeno,
Pea te nau ongoongoa mai ‘a e ngaahi fakamālō ‘o Sihova.
7Ko e tākanga kotoa ‘o Keta ‘e tānaki mai kiate koe;
Ko e fanga sipi tangata ‘o Nepaote te nau nofo mai ke ‘aonga kiate koe;
Ko e anga ‘o ‘enau ‘alu hake ki hoku ‘ōlita ‘oku longolongo hōifua,
Pea te u fakalāngilangi‘i ‘a e fale ‘oku toka ai hoku lāngilangi.
8Ko hai ‘a kinautolu na ‘oku puna hangē ko e ‘ao,
Pe hangē ko e fanga lupe ki honau ngaahi tupa?
9‘Āua, ‘oku tānaki mai#60.9 tānaki mai; pe tatali mai. kiate au ‘a e ngaahi motu,
Pea mu‘omu‘a ‘a e ngaahi vaka Tāsisi,
Ke ‘omi ho‘o fānau mei he mama‘o,
‘O ‘omi ai ‘enau siliva mo e koula
Ki he huafa ‘o Sihova ko ho ‘Otua
Pea ki he Tāpuhā ‘o ‘Isileli hono kuo ne fakalāngilangi‘i koe.
10Pea ‘e langa ho ngaahi ‘ā ‘e he hako‘i muli,
Pea ko honau ngaahi tu‘i ‘e nofo ke ‘aonga kiate koe:
Mo‘oni na‘a ku taa‘i koe ‘i he‘eku ‘ita,
Ka ‘i he‘eku ‘ofa kuo u faka‘atu‘i koe.
11Pea ‘e ava ma‘u pē ho ngaahi matanikolo,#Fkhā 21.25-26
‘E ‘aho mo e pō ‘o ‘ikai songo;
Koe‘uhi ke ‘omi kiate koe ‘a e koloa ‘o e ngaahi pule‘anga,
Pea ke taki mai honau ngaahi tu‘i.
12He ko e kakai mo e pule‘anga ‘e ‘ikai tauhi koe ‘e mole;
‘Io, ko e ngaahi kakai ko ia kuo pau ke ‘auha.
13Ko e lāngilangi ‘o Lepanoni ‘e ha‘u kiate koe,
‘A e paini, ‘a e tita‘a, mo e tasua fakataha;
Ke fakateunga‘ia ‘a e potu ‘oku tu‘u ai hoku faletapu,
Pea te u fakalāngilangi‘i ‘a e potu ‘oku tu‘u ai hoku va‘e.
14Pea ko e fānau ‘a e kakai na‘e fakatanga‘i koe,
Te nau ‘alu punopunou atu;#Fkhā 3.9
Pea ko kinautolu na‘e manuki‘i koe,
Te nau fo‘ohifo ‘i ho lalo va‘e:
Pea te nau ui koe ko e Kolo ‘o Sihova,
Ko e Saione ‘o e Tāpuhā ‘o ‘Isileli,
15Lau foki na‘a ke nofo ko e li‘ekina, mo e fehi‘anekina,
Pea ‘ikai fou ai ha taha,
Ka te u ngaohi koe ko e pōlepole‘anga ta‘engata,
Ko e fiefia‘anga ‘o e to‘utangata mo e to‘utangata.
16Pea te ke komo ‘a e hu‘akau ‘ani pule‘anga,
Pea te ke huhu ‘ani huhu ‘oni tu‘i:
Pea te ke ‘ilo ko au Sihova ko ho mo‘ui‘anga,
Pea ko ho Koeli ko e Mafi ‘o Sēkope.
17Te u ‘omi koula ko e fetongi ‘o e kapa,
Pea te u ‘omi siliva ko e fetongi ‘o e ‘aione,
Pea ko e kapa ko e fetongi ‘o e ‘akau,
Pea ko e ‘aione ko e fetongi ‘o e maka:
Pea te u fokotu‘u ha melino ko ho angi,
Pea mo ha faitotonu ko ho kau ‘ōfisa.
18‘E ‘ikai te tau toe fanongo ki ha fakamālohi ‘i ho fonua,
Pe ki he maumau mo e faka‘auha ‘i ho ngaahi feitu‘u;
Pea te ke ui ‘a e Fakamo‘ui ko ho ngaahi ‘ā,
Pea ko Fakamālō ko ho ngaahi matanikolo.
19‘E ‘ikai te ke toe maama ‘aki ‘a e la‘ā, ‘aho.#Fkhā 21.23; 22.5
Pea ‘e ‘ikai ulo ‘a e māhina kiate koe ke huluhulu:
Ko Sihova te ke maama ‘aki ‘o ta‘engata,
Pea ko ho lāngilangi‘anga ‘a ho ‘Otua.
20‘E ‘ikai toe ‘alu hifo ho la‘ā,
Pea ‘e ‘ikai puli ho māhina.
He te ke māma‘aki ‘a Sihova ‘o ta‘engata,
Pea kuo kakato ‘a e ngaahi ‘aho ‘o ho‘o tangi.
21Pea ko ho kakai te nau mā‘oni‘oni kotoa,
Te nau ma‘u ‘a e fonua ‘o ta‘engata;
Ko e huli mei he‘eku toutu‘u,
Ko e me‘a kuo ngaohi ‘e hoku nima,
Ke u hā lāngilangi ai.
22Ko e ki‘i si‘i ‘e hoko ko e toko afe,
Pea ko e momo‘i me‘a ko e pule‘anga mālohi;
Ko au Sihova te u fakavave ia ‘i hono taimi.
Currently Selected:
KO ‘AISEA 60: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
