Popular Bible Verses from KO ‘AISEA 60

Share

TU‘U hake, ulo; he kuo hoko mai ho‘o maama, Pea kuo hopo kiate koe ‘a e kolōlia ‘o Sihova.

Pea ‘e fononga mai ‘ani pule‘anga ki ho‘o maama, Moni tu‘i ki he malama ‘a ho‘o hopo hake.

He vakai ‘oku ‘ufi‘ufi ‘a māmani ‘e he po‘uli, Mo e po‘uli matolu ‘a e ngaahi fa‘ahinga; Kae hopo ‘a Sihova kiate koe, Pea ‘e hā hono kolōlia ‘i ho funga.

Ko e ki‘i si‘i ‘e hoko ko e toko afe, Pea ko e momo‘i me‘a ko e pule‘anga mālohi; Ko au Sihova te u fakavave ia ‘i hono taimi.

‘E ‘ikai te ke toe maama ‘aki ‘a e la‘ā, ‘aho. Pea ‘e ‘ikai ulo ‘a e māhina kiate koe ke huluhulu: Ko Sihova te ke maama ‘aki ‘o ta‘engata, Pea ko ho lāngilangi‘anga ‘a ho ‘Otua.

‘E ‘ikai toe ‘alu hifo ho la‘ā, Pea ‘e ‘ikai puli ho māhina. He te ke māma‘aki ‘a Sihova ‘o ta‘engata, Pea kuo kakato ‘a e ngaahi ‘aho ‘o ho‘o tangi.

Ko e taimi ko ia te ke sio ki ai, pea maama ho fofonga, Pea ‘e toutou ho loto ‘o fano; ‘E le‘eia mai kiate koe ‘a e mahu ‘o e tahi, ‘E ha‘u kiate koe ‘a e koloa ‘o e ngaahi pule‘anga.

Tāngaki ho mata, ‘o sio takai: ‘Oku nau tānaki fakataha, ‘oku nau ha‘u kiate koe: ‘Oku ha‘u ho ngaahi foha mei he mama‘o, Pea ko ho ngaahi ‘ōfefine ‘e fafa fakavakavaka.

Pea ko ho kakai te nau mā‘oni‘oni kotoa, Te nau ma‘u ‘a e fonua ‘o ta‘engata; Ko e huli mei he‘eku toutu‘u, Ko e me‘a kuo ngaohi ‘e hoku nima, Ke u hā lāngilangi ai.

‘E ‘ikai te tau toe fanongo ki ha fakamālohi ‘i ho fonua, Pe ki he maumau mo e faka‘auha ‘i ho ngaahi feitu‘u; Pea te ke ui ‘a e Fakamo‘ui ko ho ngaahi ‘ā, Pea ko Fakamālō ko ho ngaahi matanikolo.

Pea ‘e ava ma‘u pē ho ngaahi matanikolo, ‘E ‘aho mo e pō ‘o ‘ikai songo; Koe‘uhi ke ‘omi kiate koe ‘a e koloa ‘o e ngaahi pule‘anga, Pea ke taki mai honau ngaahi tu‘i.

‘E ‘ufi‘ufi koe ‘e ha fu‘ufu‘unga kāmeli, Ko e fanga kāmeli mui ‘a Mitiani mo ‘Efa; Te nau omi kotoa mei Sipa, ‘oku nau fetuku ‘a e koula mo e laipeno, Pea te nau ongoongoa mai ‘a e ngaahi fakamālō ‘o Sihova.

Pea ‘e langa ho ngaahi ‘ā ‘e he hako‘i muli, Pea ko honau ngaahi tu‘i ‘e nofo ke ‘aonga kiate koe: Mo‘oni na‘a ku taa‘i koe ‘i he‘eku ‘ita, Ka ‘i he‘eku ‘ofa kuo u faka‘atu‘i koe.

Lau foki na‘a ke nofo ko e li‘ekina, mo e fehi‘anekina, Pea ‘ikai fou ai ha taha, Ka te u ngaohi koe ko e pōlepole‘anga ta‘engata, Ko e fiefia‘anga ‘o e to‘utangata mo e to‘utangata.

Pea te ke komo ‘a e hu‘akau ‘ani pule‘anga, Pea te ke huhu ‘ani huhu ‘oni tu‘i: Pea te ke ‘ilo ko au Sihova ko ho mo‘ui‘anga, Pea ko ho Koeli ko e Mafi ‘o Sēkope.