KO ‘AISEA 56
56
‘E Kau e ngaahi Pule‘anga Kotoa pē he Kakai ‘a e ‘O tuá
1KO E folofola eni ‘a Sihova, Tauhi ‘a e konisitūtone, pea fai ‘a e totonu: he ‘oku ofi ha‘u ‘eku fakamo‘ui, pea ofi hā ‘eku fakatonuhia. 2Monū‘ia ā ka ko e tangata ‘oku fai ‘a e me‘a ko eni, mo e hako‘i tangata ‘oku puke ma‘u ki ai; ha taha ‘oku tauhi ‘a e Sāpate, ‘o ‘ikai maumau hono tapu, pea ‘oku ta‘ofi hono nima mei he faikovi fua pē.
3Pea ke ‘oua na‘a lau ‘e he tama muli kuo luva kia Sihova, Kuo pau ke vahe‘i au ‘e Sihova mei hono kakai: pea ke ‘oua na‘a pehē ‘e he ‘iunoke.
4Vakai, ko e ‘akau mōmoa au. He ko eni ‘a e folofola ‘a Sihova ki he kau ‘iunoke ‘oku tauhi hoku ngaahi Sāpate, mo fili ‘a e me‘a ‘oku ou loto ki ai, mo puke ma‘u ki he‘eku kovinānite: 5tala atu te u tuku kiate kinautolu ‘i hoku fale, pea ‘i he loto‘ā ‘o ‘eku kolo, ha fakamanatu mo ha hingoa ‘oku lelei ange ‘i ha fānau tangata mo ha fānau fefine; te u ‘atu ki ai takitaha ha ongoongo ta‘engata, ‘a ia ‘e ‘ikai tu‘usi.
6Pea ko e me‘a ki he hako‘i muli kuo luva kia Sihova, ke tauhi kiate ia, pea ke ‘ofa ki he huafa ‘o Sihova, ke nofo ko ‘ene kau sevāniti–‘ilonga ‘a ia ‘oku tauhi ‘a e Sāpate, ‘o ‘ikai maumau hono tapu, pea ‘oku nau puke ma‘u ki he‘eku kovinānite; 7tala atu, te u ‘omi kinautolu ki hoku mo‘unga tapu,#56.7 mo‘unga tapu; Vakai ki he 2.3. pea te u fakafiefia‘i kinautolu ‘i hoku falelotu; ko ‘enau ngaahi feilaulau-mōifua mo ‘enau ngaahi feilaulau kehe ‘e fai ha hōifua ki ai ‘i hoku funga ‘ōlita: he ko hoku fale ‘e ui ko e falelotu mo‘o e ngaahi kakai kotoa pē.#Māt 21.13; Ma‘ake 11.17; Luk 19.46
8Ko ‘Ātonai Sihova eni mei he Ta‘ehāmai, ‘a ‘Ene ‘Afio ‘oku tānaki mai ‘a e kau fakahē ‘o ‘Isileli, Te u toe tānaki mo e ni‘ihi ange–tuku kehe hono kau fakahē ‘o‘ona.
‘E Fakamāu‘i e Kau Taki ‘o ‘Isilelí
9‘a e manu kotoa ‘o ‘uta, ‘unu‘unu mai;
Ha‘u ‘o kai, ‘a e manu kotoa ‘o e vao.
10Ko hono kau le‘o ‘oku kui, ko e koto ta‘e‘ilo kotoa pē; ko e ngaahi kulī noa kinautolu, ‘oku ‘ikai te nau lava ke kālou; ko e ha‘a kosolau, ko e ha‘a tokoto pē, ko e ha‘a manako ke mohe. 11Tala atu, ko e fanga kulī havala, ‘oku ‘ikai te nau ‘ilo ‘a e topono; ka ko e kau tauhi sipi tokua; ‘osi, ‘oku ‘ikai hanau ‘atamai; ‘oku nau afe takitaha ‘i hono hala, ke ma‘u mei ha potu#56.11 ke ma‘u mei ha potu; pe ke ma‘u kotoa pē, kotoa pē. ha‘ane me‘a. “Mou omi, ka u kumi uaine, pea tau inu fakaputa ‘a e kava mālohi; pea ko e ‘apongipongi ‘e hangē ko e ‘aho ni, ‘o fu‘u hulu atu.”
Currently Selected:
KO ‘AISEA 56: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
