KO ‘AISEA 43
43
1KA ‘i he taimi ni ko eni ‘a e folofola ‘a Sihova, ‘a ia na‘a ne ngaohi koe, ‘e Sēkope, mo ia na‘a ne fa‘u koe, ‘e ‘Isileli: ‘Oua te ke manavahē, he kuo u huhu‘i koe; kuo u ui hingoa koe; ‘oku ‘o‘oku koe. 2Ka ke ka ‘alu ‘i he vai, te u ‘iate koe; ‘io, ‘i he ngaahi vaitafe, ‘e ‘ikai te nau lōmekina koe: ka ke ka laka ‘i he afi, ‘e ‘ikai te ke mōfia; pea ‘e ‘ikai lave ‘a e vela ‘o e ulo. 3He ko au Sihova ‘a ho ‘Otua, ko e Tāpuhā ‘o ‘Isileli, ‘a ho Fakamo‘ui; kuo u tuku ‘a ‘Isipite ko e totongi ‘o ho huhu‘i, ‘a Kusa#43.3 Kusa; pe ‘Itiopea. Vakai ki he “Ngaahi Huluhulu”. mo Sapa ko ho fetongi. 4Hono kuo u mahu‘inga‘ia ‘iate koe; hono ‘oku ke tu‘utai, pea u ‘ofa kiate koe ‘e au, ko ia ‘oku ou ‘atu kakai ko ho fetongi, moni fa‘ahinga telia ho‘o mo‘ui. 5‘Oua te ke manavahē; he ‘oku ou ‘iate koe ‘e au; te u ‘omi ho hako mei hahake, pea te u tānaki koe mei lulunga; 6te u fekau ki he tokelau, Tuku mai; pea ki he tonga, ‘Oua ‘e ta‘ofi; ‘omi hoku ngaahi foha mei he mama‘o na, mo hoku ngaahi ‘ōfefine mei he ngata‘anga ‘o māmani; 7‘a ia kotoa ‘oku ui‘aki hoku hingoa; he kuo u fakatupu ia mōku fakalāngilangi‘i; kuo u fa‘u ia; ‘io, kuo u ngaohi.
8Fokotu‘u mai ‘a e kakai ‘oku kui ka ‘oku ai honau mata, pea ‘oku tuli ka ‘oku ai honau telinga. 9‘a e ngaahi pule‘anga, mou tānaki mai kotoa pē, ‘io, ke fakatefua mai ‘a e ngaahi fa‘ahinga. Ko hai ‘iate kinautolu ‘e lava ke fakahā me‘a pehē? pea na‘a ‘oku ai ha ngaahi me‘a mu‘a? ke tau fanongo ki ai; ke nau tuku mai mu‘a ha kau fakamo‘oni, kae fai honau fakatonuhia, pea ke fanongo ki ai ‘a e kakai, ‘o nau pehē, ‘Oku mo‘oni. 10Ko kimoutolu ‘a e kau fakamo‘oni ‘a‘aku–ko Sihova ia mei he Ta‘ehāmai–mo e sevāniti ‘a‘aku kuo u fili: koe‘uhi ke mou ‘ilo au, mo tui mai, ‘o mahino kiate kimoutolu ko au ia; na‘e ‘ikai ha ‘Otua ‘e fa‘u ‘i mu‘a ‘iate au, pea hili au ‘e ‘ikai. 11Ko au, ko au pē ‘a Sihova; pea ka tuku au, ‘oku ‘ikai ha taha ‘oku fai fakamo‘ui. 12Ko au ia na‘e fakamatala me‘a, mo fai fakamo‘ui, mo fanongonongo, ‘i he taimi na‘e ‘ikai ha ‘Otua kehe ‘iate kimoutolu: pea ko kimoutolu ‘eku kau fakamo‘oni–ko Sihova ia mei he Ta‘ehāmai–ko ia, ko ‘Ela au. 13Tala atu, mei he ‘aho ni ‘o fai atu, ko au ia; pea ‘oku ‘ikai ha taha ‘e fakahaofi mei hoku nima: ‘oku ou ala ke fai, pea ko hai ‘e ta‘ofi mai?
14Ko e folofola eni ‘a Sihova ko homou Koeli, ko e Tāpuhā ‘o ‘Isileli: Koe‘uhi ko kimoutolu, ko ia kuo u fekau atu ki Pāpilone, pea kuo u ‘ohifo honau kotoa, pea mo e kau Kalitia, ko e kau hola ‘i he ngaahi vaka na‘a nau pōlepole ai. 15Ko au Sihova ia ko homou Tāpuhā, ko au ia na‘e fakatupu ‘a ‘Isileli, ko homou tu‘i. 16Ko e folofola eni ‘a Sihova, ‘a ia ‘oku ne tuku ha hala ‘i he tahi, mo e founga ‘i he vai‘oho; 17‘oku ne fakahā‘ele atu ‘a e sāliote mo e hoosi, ‘a e kongakau mo e helo–‘oku nau fetākoto‘i fakataha, ‘oku ‘ikai ha‘anau toe tu‘u hake; ‘oku lolomi kinautolu, ‘oku nau mate hangē ko e filo ‘o e maama.
18‘Oua te mou manatu ki he ngaahi ‘uluaki me‘a, pea ko e ngaahi me‘a mu‘a ‘oua te mou tokanga ki ai. 19Vakai, ‘oku ou ngāue ki ha me‘a fo‘ou; na‘a mo ena ‘oku fisiki mai; ‘ikai ‘oku mou ‘ilo ki ai? ‘Ā, te u ‘ai ha hala ‘i he fonua maomaonganoa, ‘ani vaitafe ‘i he lala. 20‘E fakahīkihiki‘i au ‘e he manu ‘o e vao, ‘a e fanga siakali mo ‘ositalesi: koe‘uhi ko ‘eku tuku ‘ani vai ‘i he fonua maomaonganoa, ‘ani vaitafe ‘i he lala, ke inu ai ‘eku kakai, ‘eku pele: 21ko e kakai kuo u ngaohi ma‘aku, te nau ‘a‘au hoku fakamālō.
Ko e Fai Angahala ‘a ‘Isileli
22Ka kuo ‘ikai te ke lotu kiate au, ‘e Sēkope, ke ke ongosia ai ‘iate au, ‘e ‘Isileli. 23Tala‘ehai kuo ke ‘omi kiate au ho‘o fanga sipi mo feilaulau-mōifua; pea tala‘ehai kuo ke fakalāngilangi‘i au ‘aki ho‘o ngaahi feilaulau. Tala‘ehai kuo u fakaongosia koe ‘i he ‘omi feilaulau, me‘akai, pea tala‘ehai kuo u fakaongosia koe he ‘omi laipeno. 24Tala‘ehai kuo ke fakatau pa‘anga ma‘aku ha kaho namu kakala, pea tala‘ehai kuo ke ‘omi ‘a e ngako ‘o ho‘o ngaahi feilaulau mōku vaikau‘aki–‘ā, ko koe kuo ke fakamafasia au ‘aki ho‘o ngaahi angahala, pea kuo ke fakaongosia au ‘aki ho‘o ngaahi faikovi. 25Ko au, ko au pē ia ‘oku ou tāmate‘i ho‘o ngaahi angahala, koe‘uhi pē ko au; pea ko ho‘o ngaahi hia ‘e ‘ikai te u manatua. 26Fakamanatu‘i au; ta hopo: fakamatala koe, koe‘uhi ke hā ho‘o tonuhia. 27Ko ho‘o ‘uluaki tamai#43.27 Ko ho‘o ‘uluaki tamai; Ko e sio eni kia Sēkope pe ko ‘Epalahame, pe ko ‘Ātama nai. na‘e angahala ia, pea ko ho kau fakalaloa na‘a nau talangata‘a kiate au. 28Ko ia, na‘a ku lau ‘a e hou‘eiki tapu ko e kakai noa,#43.28 na‘á ku… noa: ‘Oku ngali tonu ange ‘a hono hiki ‘o e faka-Hepeluú ‘o; na‘á ku lau ‘a e hou‘eiki ‘o hoku potu tapú ko e kakai noa‘ia, ka ‘oku pehē ‘i he hiki fuoloa ‘e taha: na‘e lau ‘e ho hou‘eikí hoku potu tapú ko e potu noa‘ia. pea na‘a ku tuku ke mōifua ‘a Sēkope, pea ke talakaa‘i ‘a ‘Isileli,
Currently Selected:
KO ‘AISEA 43: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
