KO ‘AISEA 18
18
‘E Tautea ‘e he ‘Otuá ‘a ‘Itiopeá#18.0 ‘Itiopea; Vakai ki he “Ngaahi Huluhulu”.
1‘OIAUĒ ‘a e fonua ongoonga‘a ‘i he mumuhu ‘a e ngaahi kapakau!#Sef 2.12
‘A ia ‘oku ki kō ‘i he ngaahi vaitafe ‘o ‘Itiopea;#18.1 ‘Itiopea; Vakai ki he “Ngaahi Huluhulu”.
2‘A ia ‘oku tuku atu ‘a e kau talafekau ki tahi na,
Pea ‘i he ngaahi vaka pepailo ‘i he funga ‘o e ngaahi vai.
“A e talafekau ve‘evave, mou ō ki ha kakai loloa mo hamolemole,
‘A e fa‘ahinga manavahē‘ia talu ‘enau tupu ‘o fai mai;
Ha pule‘anga kāfakafa mo fakamālohi,
‘A ia ko hono fonua ‘oku tofitofi ‘e he ngaahi vaitafe.”
3‘A e nofo māmani fua pē, mo e kainanga ‘o e fonua; ka hiki ha fuka ‘i he ngaahi mo‘unga, mou sio mai; pea ka fai ha ifi talupite, mou tokanga. 4He ko eni ‘a e folofola ‘a Sihova kiate au, Te u nofo pē ‘o vakai mei hoku palasi; kae fai atu ‘a e māfana ‘aho ‘i he langi ma‘a, mo e ‘ao hahau ‘i Fakaafumate. 5He te‘eki ke utu ‘a e ta‘u–kuo ‘osi ‘a e fisi, pea kuo hoko ‘a e fo‘i polo ‘o e kālepi–‘e toki tu‘usi ‘e He‘ene ‘Afio ‘a e ngaahi va‘a ‘aki ‘a e ngaahi hele tu‘usi, pea ko hono pikilau ‘oku ne ‘ave, ‘oku ne paki‘i. 6‘E mōifua kinautolu ki he manupuna fekai ‘o e mo‘unga, pea ki he manu ‘o e fonua: pea ‘e ‘osi ‘a e māfana he kai ai ‘a e manupuna fekai, pea ‘e ‘osi ‘a e momoko he fai ki ai ‘a e manu kehekehe ‘o e fonua.
7‘I he taimi ko ia ‘e ‘atu kia Sihova Sāpaoti ha me‘a‘ofa–
Ha kakai lōloa mo hamolemole,
‘Io, ha me‘a mei ha kakai manavahē‘ia talu ‘enau tupu ‘o fai mai;
Ha pule‘anga kāfakafa mo fakamālohi,
‘A ia ‘oku tofi hono fonua ‘e he ngaahi vaitafe–
‘io, ‘e ‘atu ki he potu ‘oku toka ai ‘a e huafa ‘o Sihova Sāpaoti, ‘a Mo‘unga Saione.
Currently Selected:
KO ‘AISEA 18: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
