KO ‘AISEA 17
17
‘E Tautea ‘e he ‘Otuá ‘a Sīlia mo ‘Isileli
1KO E kavenga ‘a Tāmasikusi mei he Ta‘ehāmai. Vakai, ‘oku to‘o mei Tāmasikusi ‘ene kolo, pea te ne hoko ko e fokotu‘unga fale holo.#Sel 49.23-27; ‘Ēmosi 1.3-5; Sāk 9.1 2Kuo tuku lala ‘a e ngaahi kolo ‘Aloeli,#17.2 Kuo tuku lala ‘a e ngaahi kolo ‘Aloeli; Ko hono faka-Hepeluú ia, ka ‘oku pehē ‘i he hiki fuoloa ‘e taha: ‘E li‘ekina ‘o ta‘engata ‘a e ngaahi kolo ‘o Sīliá. kuo hoko ko e fanga‘angamanu; pea ‘oku nau tokoto ta‘eha taha ke fakamanavahee‘i. 3Pea ‘e mole ‘a e talitau‘anga mei ‘Ifalemi, mo e pule‘anga mei Tāmasikusi, mo e toenga ‘o Sīlia: te nau hoko ‘o hangē ko e lāngilangi ‘o ha‘a ‘Isileli–ko Sihova Sāpaoti ia mei he Ta‘ehāmai.
4Pea ‘e hoko ‘i he taimi ko ia ‘a e hoholo hifo ‘a e lāngilangi ‘o Sēkope, pea maha ‘a e ngako ‘o hono kakano. 5Pea ‘e hoko ‘o hangē ko e ‘uuni ‘e he kau ututa‘u ‘a e kau ‘o e uite, kae hifi ‘e hono nima ‘a e fua; ‘io, ‘e hangē ko ha tufi uite ‘i he tafangafanga ‘o Lifaimi. 6Ka ‘oku ai ha toe ‘i ai ke tufi, hangē ko ha lulu ‘ōlive; ko e fo‘i me‘a ‘e ua pe tolu ‘i he taukakapa, ko e fo‘i me‘a ‘e fā pe nima ‘i hono ngaahi va‘a ‘o e ‘akau fua na–ko e folofola ia mei he Ta‘ehāmai ‘a Sihova ko e ‘Otua ‘o ‘Isileli.
7‘I he taimi ko ia ‘e hanga ha tangata ki he ‘Afio na‘e ngaohi ia, pea ‘e sio hono mata ki he Tāpuhā ‘o ‘Isileli, 8pea ‘e ‘ikai te ne hanga ki he ngaahi ‘ōlita kuo ngaohi ‘e hono nima, ‘io, ko e me‘a kuo ngaohi ‘e hono louhi‘i ‘e ‘ikai te ne momo‘i sio ki ai; tatau ‘a e ‘āsela mo e ngaahi ‘īmisi ‘o e la‘ā.
9‘I he taimi ko ia ko ‘ene ngaahi kolo talitau‘anga ‘e hangē ko e ngaahi kolo li‘aki ‘i he vao mo e mo‘unga, ‘a ia na‘e li‘aki#17.9 li‘aki… li‘aki; Ko hono faka-Hepeluú ia, ka ‘oku pehē ‘i he hiki fuoloa ‘e taha: na‘e li‘aki ‘e he kakai Heví mo e kakai ‘Āmolí. ‘a ia na‘e li‘aki telia ‘a ha‘a ‘Isileli; pea ‘e ai ha potu ‘āngoa.
10He kuo ngalo ‘iate koe ho ‘Otua fakamo‘ui‘anga, pea ko ho Makatu‘u hūfanga na‘e ‘ikai te ke manatu ki ai; ko ia na‘a ke hanga ai ‘o tō ‘ani hauhau melie,#17.10 hauhau melie; Vakai ki he 1.29. ‘o ke fakalanga ki ai ‘a e ngaahi kupu‘i ‘akau muli. 11‘I he ‘aho na‘a ke tō na‘a ke ngaohi hono ‘ā, pea pongipongi hake kuo lava ‘a e fisi ‘o e me‘a na‘a ke tō. Ko hono fua ko e fu‘ufu‘unga me‘a, pea utu ‘i ha taimi ‘a e mahaki lahi, mo e mamahi ta‘ehano faito‘o.
12‘Oiauē ‘a e mumuhu ‘ani kakai lahi!
‘Oku nau mumuhu hangē ko e mumuhu ‘o e tahi;
Pea ‘oiauē ‘a e ‘u‘ulu ‘a e ngaahi fa‘ahinga!
‘Oku nau ‘u‘ulu hangē ko e ‘u‘ulu ‘a e ngaahi vai kaukaua.
13‘A e ngaahi fa‘ahinga ‘oku nau ‘u‘ulu hangē ko e ‘u‘ulu ‘a e vai lahi:
Ka ‘oku fakamana ki ai ‘e He‘ene ‘Afio, pea hola ia ke mama‘o;
Pea ‘oku tulia hangē ko e kafukafu ‘i he ngaahi mo‘unga ‘i he ‘ao ‘o e matangi,
Pea hangē ko e ‘akau teka ‘i he ‘ao ‘o e afā.
14‘I he feitu‘u efiafi vakai ko e ilifia;
Te‘eki ke pongipongi kuo ‘ikai.
Ko e ‘inasi ia ‘o e kakai ‘oku vete kitautolu,
Pea ko e tufakanga ‘o kinautolu ‘oku pāpani mai.
Currently Selected:
KO ‘AISEA 17: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
