KO ‘AISEA 15
15
‘E Faka‘auha ‘e he ‘Otuá ‘a Moape
1KO E kavenga ‘a Moape mei he Ta‘ehāmai.#‘Ais 25.10-11; Sel 48.1-47; ‘Isi 25.8-11; ‘Ēmosi 2.1-3; Sef 2.8-11
Tokua kuo faka‘auha ‘a ‘Ala-Moape ‘i ha fo‘i pō; kuo ka‘anga:
Tokua kuo faka‘auha ‘a Kili-Moape ‘i ha fo‘i pō; kuo ka‘anga.
2‘Oku fai ‘a e ‘alu hake ki he Fale,
Pea ki Tīponi#15.2 ki Tīponi; ‘Oku ngali ngali ko hono hiki totonú eni, ka ‘oku pehē ‘i he faka-Hepeluú: ki he kakaí mo Tīponi. ke fai ha tangi ‘i he ngaahi sia;
‘I funga Nipo, pea ‘i funga Mētepa, ‘oku tangi ‘oiauē ‘a Moape.
‘I he ‘ulu kotoa ‘oku hā ‘a e tekefua, ‘oku tele ‘a e kava fua pē;
3‘I he ngaahi hala ‘o e fonua kuo ‘ai tauanga‘a ‘a e kakai:
‘I he ngaahi tu‘a fale mo e ngaahi mala‘e ‘oku tangi ‘oiauē kotoa,
Kuo nau viku fō ‘i he tangi.
4Pea ‘oku tukuna hake ‘a Hesiponi mo ‘Eleale;
‘Oku ongo ‘enau tangi ki Siahasa:
Ko ia, na‘a mo e kau to‘a ‘o Moape ‘oku pā atu ‘enau tangi,
‘Oku tete ‘a e kakai, ‘o fai ki loto.
5‘Oku tangi hoku loto koe‘uhi ko Moape;
Si‘ene kau hola ‘oku a‘u ki Soa, ki ‘Ekilati-tu‘o-tolu:
He ‘oku nau ‘alu tangi hake ‘i he hakenga ‘o Lūhiti;
‘Io, ‘i he hala ‘o Holonaimi ‘oku nau tukuna atu ‘a e lau‘aitu.
6He ko si‘i vai ‘o Nimilimi kuo pau ke koto ‘āngoa:
He kuo pakukā ‘a e potu musie‘ia;
Kuo ‘osi ‘a e mohuku,
‘Oku ‘ikai toe ha me‘a lanumata.
7Ko ia, ko e toe ‘o ‘enau ngāue, mo ‘enau tokonaki, ‘oku nau a‘a mo kinautolu ‘i he Vai Uilou.
8He ko e tangi kuo ‘alu takai ‘i he kau‘ā ‘o Moape;
Ko ‘ene ‘oiauē ‘oku ongo ki ‘Ēkelaimi,
‘Io, ko ‘ene ‘oiauē ‘oku ongo ki Pea-‘Ēlimi.
9Tokua ko e vai ‘o Tīmoni ‘oku fonu ‘i he toto.
Seuke, ‘oku ou ‘ai ‘i funga Tīmoni ha toe tā,
‘Oku ai ha laione ki he hola ‘a Moape,
Pea ki he toetoe ‘o e kelekele.
Currently Selected:
KO ‘AISEA 15: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
